လိုအပ်ချက် နှင့် အလိုအပ်ဆုံး

လူတန်းစားပေါင်းစုံအတွက် လိုအပ်ချက်တွေ တော်တော်များများရှိပါတယ် .. မလိုအပ်တဲ့အရာရယ်လို့ကို မရှိဘူး .. အကုန်လုံးတနေရာရာမှာတော့လိုအပ်နေတာပါပဲ .. ကိုယ်တိုင်ကိုက လောဘကြီးလို့လည်းဖြစ်နိုင်ပါတယ် .. ခု လိုနေတယ်ဆိုတာတွေ အကုန်လုံး မဖြစ်မနေလိုအပ်တာလားဆိုတော့လည်း မဟုတ်ပြန်ဘူး .. မရှိလို့လည်း ရနေပြန်ရော .. (ရှုပ်နေတာပဲနော် ..)

လောလောဆည် ကျမအတွက် ဘာလိုအပ်လဲ .. ကိုယ့်ဘ၀ရပ်တည်ဖို့အတွက် အလုပ်တခုလိုအပ်ပါတယ် .. ဘ၀ကို ရပ်တည်နိုင်ဖို့ လမ်းခင်းပေးခဲ့တဲ့ မိဘနှစ်ပါးကို ကျမ လိုအပ်ပါတယ် .. (ခုလောလောဆည်တော့ အနားမှာရှိမပေးနိုင်ပါဘူး ..) ပင်ပန်း နွမ်းနယ်လာတဲ့အခါ လက်တွဲခေါ်ယူအားပေးမယ့် လက်တစုံလိုအပ်ပါတယ် .. ပြီးတော့ ကျမချစ်တဲ့သူငယ်ချင်းတွေကို ကျမလိုအပ်ပြန်ပါတယ် .. ဒါက ရင်ထဲက လိုအပ်ချက်တွေပေါ့ ..

နောက်တခု ရုပ်ဝတ္တုပစ္စည်းတွေအနေနဲ့လည်း လိုအပ်ပြန်ပါရောလား .. သူများတန်းတူဆိုတဲ့စကားအတိုင်း အသက်ရှင်နေသရွေ့ နေထိုင်ရပ်တည်နိုင်ဖို့ လိုအပ်ချက်တွေလည်း များပါတယ် .. လိုအပ်တယ်လို့ တွေးနေရင် အရာတိုင်းက လိုအပ်နေမှာပါပဲ .. လူပဲ လောဘရဲ့ သားကောင်တွေပဲလေ .. သူများဝတ်ရင် ၀တ်ချင်မယ် .. သူများစားရင် စားချင်မယ် .. သူများသုံးသလို သုံးချင်တယ် .. လောကီမှာကျင်လည်နေသရွေ့တော့ ဒါတွေကို လိုချင်တပ်မက်နေဦးမှာပါပဲ .. ၀န်ခံရရင်တော့ ကျမက လောဘကြီးတယ် .. ထိလို့တွေ့လို့ရတဲ့ အရာဝတ္တုတွေကအစ ရင်ထဲက မေတ္တာတရားအဆုံး အားလုံးအပေါ်မှာ ကျမ လောဘကြီးပါတယ် ..

ဒါပေမယ့် ကျမ တွေးမိတယ် .. ဒါတွေက လိုအပ်ချက်တွေဆိုတာမှန်ပေမယ့် အမြဲတမ်းတော့ လိုအပ်နိုင်ပါ့မလား ..

ဘ၀ရပ်တည်ဖို့ အလုပ်တခုလိုအပ်တယ် .. မဖြစ်မနေလုပ်ရမယ် .. ဒါပေမယ့် လုပ်ချင်လို့တော့မဟုတ်ဘူး .. လုပ်သင့်လို့လုပ်နေရတာပါ .. မိဘနှစ်ပါးကို စိတ်ထဲက လိုအပ်နေပါတယ် .. ဒါပေမယ့် တချိန်ချိန်ကျရင် ကျမ မိဘတွေမရှိပဲ ဆက်လက်ရှင်သန်ရဦးမှာပဲ .. ခုလည်း ဝေးနေသေးတယ် .. တွဲခေါ်မယ့် လက်တစုံကရော အမြဲတမ်း တွဲခေါ်နိုင်မယ်တဲ့လား .. တွဲခေါ်နိုင်တယ်ထားဦး ခွဲခွာခြင်းဆိုတာ တချိန်မှာတော့ ကြုံရဦးမှာပါပဲ .. သူငယ်ချင်း မိတ်ဆွေဆိုတာရော ထိုနည်းလည်းကောင်းပေါ့ ..

လိုအပ်နေတဲ့ ရုပ်ဝတ္တုပစ္စည်းတွေ ဒါတွေကရော .. လိုအပ်ချက်တွေမှန်ပေမယ့် အလိုအပ်ဆုံးတွေတော့ မဟုတ်တာ အမှန်အကန်ပါပဲ .. ပိုက်ဆံတွေဘယ်လောက်ရှိရှိ အသက်ကို မ၀ယ်နိုင်ပါဘူး .. ဒါပေမယ့် အသက်ရှင်နေသရွေ့တော့ ပိုက်ဆံဆိုတဲ့အရာကို ရအောင်ရှာဖွေရဦးမယ် .. လိုအပ်ချက်တွေကို ဖြည့်ဆည်းနေရဦးမှာပါ ..

အလိုအပ်ဆုံးဆိုတဲ့အရာကို တွေးမိတယ် .. ကျမအတွက်ကတော့ ဘာသာတရားပါပဲ .. ကျမကိုးကွယ်ယုံကြည်တဲ့ ဘာသာတရား .. အဆုံးမတွေ .. ဒါတွေကို သိနေ နားလည်နေမှ ရှေ့မှာ ကြုံရမယ့် အကောင်းအဆိုးဒဏ်တွေ ဆုံးရှုံးမှုဒဏ်တွေကို ခံနိုင်ရည်ရှိမှာပါ .. စိတ်ထားတတ်မှ ခံနိုင်ရည်ရှိမယ် .. စိတ်ထားတတ်အောင်လည်း ကိုယ့်ဘက်က လေ့ကျင့်ပေးမှရမယ် .. အကောင်းအဆိုးသိမှ ခွဲခြားနိုင်မယ် .. သိမှ မကောင်းတာကို လျော့ပြီး လုပ်ဖြစ်မယ် .. ဒီလိုခွဲခြားနိုင်ဖို့ ဥာဏ်ရှိမှရမယ် .. ဥာဏ်ရှိအောင်လည်း ကျင့်ယူရမယ် .. ဒါပေမယ့် ခုထိ လုပ်သင့်တယ် လုပ်ရမယ်ဆိုတဲ့ နေရာမှာတင် ရပ်နေသေးတယ် .. တကယ် မလုပ်ဖြစ်သေးဘူး .. ဥာဏ်နဲနေပါသေးတယ် ..

ဒီတော့ ကျမအထင် (ကျမတဦးတည်းအတွက်ပါ ..) ဘာသာတရားအဆုံးအမ လိုအပ်ပါတယ် .. အလိုအပ်ဆုံးလားဆိုတာတော့ ပြောရခက်တယ် .. တယောက်နဲ့တယောက်လည်း ခံယူပုံချင်းတူမှာမဟုတ်သလို လုပ်ဆောင်ချက်လည်းတူမှာမဟုတ်လို့ပါ .. ကျမအတွက် ခုလောလောဆည် အလိုအပ်ဆုံးထင်တာကတော့ စိတ်ထားမှန်ဖို့ .. ဥာဏ်ရှိဖို့ လို့ပဲ ထင်မိပါတယ် ..

မောင်လေး အဆိပ်ခွက်က တဂ်ထားတာပါ .. ထင်တာတွေချရေးမိတယ် .. တကယ်တော့ ယောင်ဝါးဝါးပဲ .. ကိုယ့်စိတ်ကိုယ်သေချာမသိနိုင်သေးလို့ပါ .. ကျေနပ်မယ်ထင်တာပဲ .. (မကျေနပ်လည်း မတတ်နိုင်ဘူး .. ရန်စတာ :P)

အစက ထပ်မတဂ်တော့ဘူးလို့ .. ခုတော့ တဂ်လိုက်ဦးမယ် .. ဂျပန်ကောင်လေး ရေးပေးပါ .. စိတ်မပါလက်မပါဖြစ်နေတဲ့ ကိုပြာသိုကိုလည်း တက်ချင်ပါတယ် .. ရေးပေးပါနော် .. မဆုမွန်ကိုတော့ အားရင်တဂ်ချင်ပါတယ် .. အဆင်ပြေရင်ပေါ့ .. မပြေရင်ရပါတယ်လို့ ..း)

ရက်လေး ၁ရက်

မိတ်ဆွေသူငယ်ချင်းပေါများခြင်းကလည်း မင်္ဂလာတပါးပါပဲ .. တဦးတည်း အထီးကျန်နေမယ်ဆို ဘယ်လောက်တောင်ပျင်းဖို့ကောင်းလိုက်မလဲနော် .. ဒီကို ရောက်ခါစကတော့ သူငယ်ချင်းဆိုလို့ လက်တဖက်တောင်မပြည့်ပါဘူး .. ခုနောက်ပိုင်းတော့သူငယ်ချင်းတွေ အမတွေ ညီမတွေ မောင်လေးတွေ အကိုတွေနဲ့ စိုစိုပြေပြေဖြစ်လာပြီဆိုပါတော့ ..း)

တနင်္ဂနွေနေ့ဆို စောစောစီးစီး ထလေ့ကိုမရှိပါဘူး .. မနက်ဖြန်ရုံးပိတ်ပြီဆိုတာနဲ့ အင်တာနက်ကို ညလုံးပေါက်သုံးရမယ်လို့ ဆုံးဖြတ်ချက် ချထားတာနဲ့အညီ ကျန်ခဲ့တဲ့စနေ (၉.၅.၀၉) ကလည်း ဘလော့ကို ပြင်ရင်း ကလိရင်း မနက် ၅နာရီထိုးပါတယ် .. နောက်နေ့မနက် အမေများနေ့ကျတော့ အမက အပြင်ထွက်ဖို့လုပ်နေသံကြားတာနဲ့ နိုးသွားတယ် .. ဒီလိုနဲ့ မျက်လုံးပွင့်ရင် အထီးကျန်မနေတတ်လို့ ကွန်ပျူတာခလုတ်လေး အသာဖွင့်လိုက်တယ် .. အမက မအိပ်တော့ဘူးလားတဲ့ .. နိုးမှတော့ သိပ်လည်း အိပ်ချင်စိတ်ကမရှိ .. ဒီလိုနဲ့ ဒီဇာတ်လမ်းလေးဖြစ်လာတာပေါ့ ..

ဘလော့စွဲနေသူတွေ ထုံးစံအတိုင်း ကွန်ပျူတာပွင့်တာနဲ့ အရင်ဖွင့်ဖြစ်တာ ဘလော့ပါပဲ .. ကိုယ့်ဘလော့ကိုဖွင့်လိုက်တော့ အဆိပ်ခွက်ရဲ့ အော်သံကျယ်ကျယ်ကိုကြားရတယ် .. သီချင်းလိုချင်လို့အက်ထားပါတယ်တဲ့ .. ခုသူလိုချင်တဲ့သီချင်း ရပြီဆိုတော့ ခုပြန်ဖြုတ်ရတော့မယ်ထင်တယ် .. :P .. ဒါနဲ့ ဒီလိုနဲ့ မနက်စောစော (၁၀ နာရီ) ကို အဆိပ်ခွက်အော်ဂျက်နဲ့ စဖွင့်လိုက်တယ် ..

ဒီလိုနဲ့တဆက်တည်း ချစ်မမ မရောင်က တက်လာပြန်ရော .. သူနဲ့လည်း ဆက်ပွားတာပေါ့ .. ပွားရင်းနဲ့ ရုပ်ရှင်ကြည့်မယ်တဲ့ .. ဒီက ပြန်အိပ်ဖို့ချောင်းနေတာ .. ရာသီဥတုက ကိုယ့်ဘက်မှာရှိနေတာကို အပြင်ထွက်ရင် ကိုယ့်လောက်မိုက်တဲ့လူရှိပါ့မလား .. ဒါပေမယ့် မိုက်ဇာတ်ပဲ ခင်းလိုက်တယ် .. :P သိပ်တော့ မခေါ်လိုက်ရပါဘူး .. ဒီကလည်း ပျင်းပျင်းနဲ့ ဘာလုပ်ရပါ့ စဉ်းစားနေတဲ့လူဆိုတော့ .. သွားမယ် လာလေ ပေါ့ ..

ဘယ်သူတွေလဲ ဘယ်လဲ ဘာလဲ ဘယ်ချိန်လဲ ဘယ်နေရာလဲ နဲ့ မေးခွန်းများစွာကို ဆွေးနွေးအဖြေရှာပြီးတဲ့နောက်မှာ နောက်ဆုံးသတင်းကတော့ ၂နာရီခွဲ အောချပ် အမ်အာတီပါတဲ့ ..

ထုံးစံအတိုင်းမိုးခါးတို့ အချိန်မှန် ၂နာရီခွဲချိန်းတာ ၁၅ မိနစ်လောက်နောက်ကျသွားတယ် .. ချိန်းထားတဲ့နေရာရောက်တော့ မရောင်ရယ် .. ကိုရီနိုရယ်က ရောက်နေပြီ .. အဆိပ်ခွက်ကိုလည်း မြင်လိုက်တယ် လှစ်ခနဲ .. သူက လက်မှတ်ကို ရှေ့တော်ပြေးသွားဝယ်ပါတယ်တဲ့ .. နောက်တော့ ဂျပန်ကောင်လေးနဲ့တွေ့ (သူက အရင်ရောက်နေတာပါ .. သူငယ်ချင်းနှစ်ယောက်နဲ့ ..) ဘယ်သူကျန်သေးလဲဆိုတော့ တောင်ပေါ်သား ဦးရှင်ကြီးနဲ့ မကြယ်တို့ကို စောင့်ရမယ်ဆိုပြီး စောင့် .. အတိုချုပ်ရရင်တော့ နောက်ဆုံး လူစုံသွားတယ်ပေါ့ .. ဒီလိုနဲ့ ရုပ်ရှင်ကြည့်တယ် .. ဗီဗိုးစီးတီးသွားထိုင်တယ် .. ဟိုကြည့်ဒီကြည့် ကြည့်တယ် .. ဒီလောက်ပါပဲ .. :D

နောက်ဆုံးတော့ the end ပေါ့နော် .. :P

ခွဲခွာချိန်တိုင်လို့ ခွဲရမယ်ဆိုတော့ ပြုံးပျော်ရွှင်စွာနဲ့ပဲ ခွဲခွာလာခဲ့ကြတယ်ပေါ့ .. နောက်တချိန်အတွက်လည်း တခါတည်း ဘွတ်လိုက်သေးတယ် .. နောက်တပတ်အတွက်ကိုလေ .. ဒါတော့ မကြာမီ လာမည် မျှော်ပေါ့ .. အဲဒီအခါကျ ထပ်ရေးမယ်နော် .. ခုတော့ တော်သေးပြီ ..

အောက်က လင့်တွေမှာလည်း သူတို့တွေရေးထားတာရှိသေးတယ် .. တွေ့ဖြစ်ခဲ့ကြတဲ့ မောင်နှမတွေပေါ့ .. အားလုံးပျော်ရွှင်ကြပါစေ .. ပုံတွေလည်းတင်ထားကြတယ် .. အဲဒါကြောင့် အပျင်းထူပြီး မတင်တော့ပါနော် ..း)


အဲဒီနေ့က တကယ်ပျော်ရပါတယ် .. ခြေကိုလည်းတိုရောပဲ .. အိမ်ရောက်တော့လည်း တုံးကနဲပဲ .. မနက် ရုံးသွားဖို့အလန်းမြည်တော့တောင် အိပ်မက်မှတ်နေတာ .. (အဲလိုနိုးကြားပါတယ် ..:D)



မရောင်
မကြယ်
ဦးရှင်ကြီး
ကိုရီနို
တောင်ပေါ်
ဂျပန်
အဆိပ်

နားစွဲနေသောစကားလုံးများ

ငယ်ငယ်တုန်းကကြည့်ဘူးတဲ့ ဇာတ်လမ်းတပုဒ် .. သားက ငယ်ငယ်က သူများပစ္စည်းတွေယူယူလာတတ်တယ် .. အမေလုပ်သူက ဘာမှဆိုဆုံးမခြင်းမရှိဘူး .. ငယ်ငယ်တည်းက သူများပစ္စည်းယူတတ်တဲ့အကျင့်ရှိသူက ကြီးတော့ သူခိုးဖြစ်ရော .. နောက်ဆုံးကျတော့ ဘုရင်ကဖမ်းမိ .. အဆုံးသတ်ကျတော့ တောင်စွယ်နေကွယ်ရင် သတ်စေပေါ့ .. မသေခင် သားလုပ်သူက အမေကိုပြောတယ် .. သားနားကိုခဏလာပါ .. တိုးတိုးပြောစရာရှိတယ်တဲ့ .. အမေက နားနားကပ်ပြီးသားပြောတာနားထောင်တော့ သားလုပ်သူက အမေ့နားရွက်ကို ကိုက်ဖြတ်ပါလေရော .. ပြီးတော့ပြောတယ် .. အမေ သားငယ်ငယ်က ဆိုဆုံးမတာမရှိလို့ သူခုလို သူခိုးဖြစ်ပြီး သေဒဏ်သင့်ရတယ်ပေါ့ ..

ဒီဇာတ်လမ်းကို ငယ်ငယ်တုန်းက တီဗွီမှာလာတာကြည့်ဘူးတယ် .. နောက်ပိုင်း အမေက ပြောဆိုဆုံးမလို့ ကျမတို့မောင်နှမ နားထောင်ဘူး ကလန်ကဆန်လုပ်ပြီဆို အမေပြောလေ့ရှိတာက "နားရွက်ကိုက်ဖြတ်ခံရတဲ့ မိန်းမကြီးလိုဖြစ်မှာစိုးတယ်"တဲ့ .. ဒါကြောင့်ပြောဆို ဆုံးမနေရတာတဲ့ .. ဒီစကားက ခုထိ ကျမနားထဲစွဲနေတဲ့စကား .. ငယ်ငယ်တုန်းကတော့ မဖြစ်မနေမို့လို့ နားထောင်ခဲ့ရတယ် .. ခုတော့ ငယ်ငယ်တုန်းက ဆုံးမထားတဲ့ စကားတွေ ကြားယောင်မိတိုင်း မေကြီးကို ကျေးဇူးတင်မိတယ် .. ခုထိလည်းဆုံးမရင် သိပ်လွယ်လွယ်နဲ့တော့ လက်ခံတတ်တာမျိုးမဟုတ်ပေမယ့် နောက်ဆုံးတော့လည်း ဖြစ်သင့်တဲ့ကိစ္စပဲဆိုပြီး အမြဲနာခံတတ်ခဲ့တယ် .. နည်းမျိုးစုံနဲ့ စိတ်ပင်ပန်းခံ မနာခံတိုင်းလည်း စိတ်ဆင်းရဲခံပြီး မဖြစ်မနေ ဆုံးမပေးခဲ့တဲ့ မေကြီးကို အရမ်းကျေးဇူးတင်ပါတယ် ..

နောက်ပိုင်း အသက်အရွယ်အရ သစ်ရွက်လှုပ်ရင်တောင် ရင်ခုန်တတ်တဲ့အရွယ်မျိုးကျပြန်တော့ ကိုယ့်ကိုယ်ထိန်းသိမ်းတတ်အောင် ထိန်းသိမ်းနိုင်အောင် စကားတွေနဲ့ဆုံးမတတ်ပြန်ပါတယ် .. "ကိုယ့်ကိုယ့်တန်ဖိုးထားမှ သူများက တန်ဖိုးထားမယ်"တဲ့ .. ကိုယ်တိုင် အမြင့်ကိုရောက်ဖို့အရင်ကြိုးစားပါ .. အချိန်တန်ရင်တော့ ယောကျာင်္းတယောက် ရမှာပဲ .. ဒီအတွက်ပူနေစရာမလိုဘူးတဲ့ .. ကိုယ်အဆင့်အတန်းနဲ့လိုက်ပြီး ကိုယ်နဲ့ အဆင်ပြေ လိုက်ဖက်မယ့်သူတွေ့လိမ့်မယ်တဲ့ ..

အဲဒီတုန်းကတော့ သမီးကလည်း ယောကျာင်္းလိုချင်နေတာမဟုတ်ပါဘူးလို့ ကတ်ကတ်လန်ပြောဖူးခဲ့တာပဲ .. တကယ်တန်းခုနေစဉ်းစားမိတော့ မိခင်တယောက်က သမီးတယောက်အပေါ်ထားတဲ့ ဂရုဏာဒေါသ၊ မဖြစ်သင့်တာမဖြစ်စေချင်တဲ့ စေတနာ၊ အကာအကွယ်ပေးလိုတဲ့ စိတ် တွေနဲ့ ဒီစကားထွက်လာခဲ့တာပဲလို့ စဉ်းစားမိတယ် .. မိခင်တိုင်းက ကိုယ်သာအနာခံလိုက်မယ် ကိုယ့်သားသမီးကိုတော့ စိတ်ရော လူရော နာကျင်မှာစိုးတတ်တာပါပဲ .. ဒါပေမယ့် ကျမလို မီးဆိုတာပူတယ်လို့ ဘယ်သူက ဘယ်လိုပြောပြော ဟုတ်ရဲ့လား သေချာအောင် စမ်းသပ်ချင်စိတ်ရှိပြီး ကိုယ်တိုင်အပူလောင်မှ သြော် ပူတာပဲလို့ လက်ခံတတ်တဲ့စိတ်ရှိသူကိုတော့ ဒီလိုနည်းနဲ့ နာအောင်ပြောမှ မှတ်မယ် နာမယ်ဆိုတာ မေကြီးစိတ်ထဲက သိနေပါလိမ့်မယ် .. ခုတော့ ဒီစကားအတွက် ကျေးဇူးတင်နေမိပါတယ် ..



လုပ်ငန်းခွင်ကို ၀င်ရတော့မယ် .. ကိုယ့်ရင်ခွင်ထဲမှာ ထည့်ထားဖို့မဖြစ်နိုင်တော့တဲ့အချိန်မှာလည်း အမေက ကျမကို လွတ်လပ်ခွင့်ပေးခဲ့ပါတယ် .. ကိုယ့်ခြေထောက်ပေါ်ကိုယ်ရပ် ကိုယ့်အတောင်ကိုယ်ဖွင့်ပြီး သွားခိုင်းခဲ့တယ် .. ဒါပေမယ့် ရှေ့လျှောက်မှာ ဘယ်လိုအခက်အခဲတွေ ကြုံတွေ့နိုင်တယ် .. ဘယ်လိုစိတ်ဓါတ်မျိုးထားပြီး ကျော်ဖြတ်သင့်တယ် .. ဘယ်လိုအခြေအနေပဲဖြစ်ဖြစ် အမေတို့ အိမ်ကတော့ သမီးအတွက် အမြဲတမ်းအဆင့်သင့်တခါးဖွင့်ထားမယ့်အိမ်ပဲလို့ စကားလုံးနဲ့တမျိုး အပြုအမူနဲ့တဖုံ ပြသခဲ့တယ် .. တကယ်တမ်းခွဲရမယ့်အချိန်မှာတော့ ဟန်မဆောင်နိုင်ပဲ မျက်ရည်ဖြိုင်ဖြိုင်ကျခဲ့တယ် .. အဲဒီညကိုလည်း ကျမဘယ်တော့မှ မေ့လိမ့်မယ်မဟုတ်ဘူး ..

"ပျားသာအစဉ်ချိုတယ် လူအစဉ်မချိုဘူး"တဲ့ .. လူတွေနဲ့ပေါင်းသင်းဆက်ဆံတဲ့အခါ လူ့စရိုက်မျိုးစုံနဲ့ ကြုံတွေ့နိုင်လို့ ဒီလူ့ကြောင့် စိတ်ဆင်းရဲရင်ရဲရမယ် စိတ်ချမ်းသာရင် စိတ်ချမ်းသာရမယ် .. ဒီစိတ်ဆင်းရဲခြင်း ပျော်ရွှင်ခြင်းတွေကလည်း တည်မြဲမှာမဟုတ်ဘူး .. သူငယ်ချင်း မိတ်ဆွေ အပေါင်းအသင်း လူတန်းစားမျိုးစုံနဲ့ အဆင်ပြေအောင်နေရမှာပဲ .. ခု ချစ်ခင်နေတယ်ဆိုရင်တောင် တချိန် အကြောင်းအမျိုးမျိုးကြောင့် ကွဲကွာတာမျိုး ရန်ငြိုးဖွဲ့ အမုန်းပွားတာမျိုးဖြစ်လာနိုင်တယ် .. ဒီလိုအခါမျိုးဆိုရင်လည်း ကိုယ့်စိတ်ကို ထားတတ်အောင်နေရမယ် .. မွေးကတည်းက တယောက်တည်းဖြစ်လို့ သူရှိမှဖြစ်မယ်ဆိုတာမျိုး မဖြစ်စေရဘူး ဆိုတဲ့စိတ်ဓါတ်မျိုး ကျမမှာ ကိန်းအောင်လာအောင် လုပ်နိုင်စွမ်းရှိခဲ့တယ် .. ဒါက စေတနာ မေတ္တာတွေရဲ့ စွမ်းအားတွေဖြစ်လိမ့်မယ်လို့ ကျမယုံကြည်တယ် ..

ယုံကြည်မိတယ်
အမေ့ရင်ခွင်က
ဘယ်တော့မှ မပိတ်မယ့်တံခါး
အမေ့အိမ်က
ထာဝရအတွက်
အေးမြမှုပေးစွမ်းမယ့်နေရာ
ဘယ်လိုမှ နှိုင်းမရတဲ့
မိခင်ရင်ခွင်ကို
ခြေစုံမကန်ခဲ့ပေမယ့်
ဥပက္ခာတော့ပြုခဲ့တာပဲ
ဒီရင်ခွင်တံခါး
အေးမြမယ်မှန်း
သေချာသိပေမယ့်
ပူလောင်မှုတွေကို
မက်မောနေမိတာပဲ
အရာရာတိုင်းအတွက်
အမေကအသင့်ဖြစ်နေပေမယ့်
သမီးတယောက်အနေနဲ့
အမေ့အတွက် အသင့်ဖြစ်ပေးနိုင်ဖို့
သေချာပါ့မလား

မိခင်တယောက်အတွက် ရေးပေးတယ်ဆိုတဲ့စာက အဲဒီမိခင်ရင်ထဲက စေတနာ မေတ္တာ ချစ်ချင်း ဘာတခုနဲ့မှ အပြည့်အ၀ နိုင်းယှဉ်ဖော်ပြနိုင်မယ်မထင်ပါဘူး .. အမေပြောတတ်တဲ့စကားတခွန်းရှိသေးတယ် .. "မိခင်နေရာ မရောက်သရွေ့ မိခင်ရဲ့ စိတ်ထားကို ကိုယ်ချင်းစာတတ်ဦးမှာ မဟုတ်ဘူး"တဲ့ ..

အားလုံးပဲ အချိန်ရှိတုန်းလေး မိခင်ရင်ခွင်ကို တန်ဖိုးထားကြရအောင်နော် .. အဝေးရောက် သားသမီးတွေ အကုန်လုံး တောင့်တတဲ့ အိမ်ပြန်ချိန်ကို အမြန်ဆုံးရောက်နိုင်ကြပါစေ .. အားလုံးပျော်ရွှင်စွာ ဆုံတွေ့ကြလေသတည်းပေါ့ ..း)

မှတ်ချက် - အမေများနေ့အတွက် အမှတ်တရ

ကြယ်လေး

ကြယ်လေးရေ
ငေးမောရင်း လိုချင်လာတယ်
ဝေးကွာလွန်းတယ်
မိုင်ပေါင်းများစွာ
မင်းက မိုးထက်မှာ
ကြွေကျလာမလား
မျှော်လင့်မိတယ်
တကယ်များ ကြွေကျသွားမလား
စိုးထိတ်မိတယ်
ကိုယ့်စိတ်က ဒွိဟနဲ့
လိုချင်တယ်
ပိုင်ချင်တယ်
ဒါပေမယ့်
ကြယ်လေး နာကျင်မှာစိုးမိတယ်
စွန့်လွှတ်လိုက်ရမလား
စွန့်လွှတ်နိုင်သလား
တယောက်ကပိုင်ဆိုင်ပြီး
တယောက်ကဆုံးရှုံးရမယ်ဆို
ဘယ်တရားပါ့မလဲနော်
ဒီတော့
ကောင်းကင်ပေါ်က
ကြယ်လေးကို
မြင်ရယုံနဲ့
ကျေနပ်လိုက်တယ်

မိုးမိုးရဲ့ ကြယ်သီချင်း နားထောင်ရင်း ဒီစာလေးကို ရေးလိုက်မိပါတယ် .. တကယ်တော့ သီချင်းစာသားနဲ့ ဒီကဗျာ သိပ်တော့မဆိုင်ပါဘူး.. (ကြို ကန်ထားတာ :D) နားထောင်ကြည့်ချင်ရင် ဒီမှာ ပါ

မြန်မာ "ရေသူမ"

ရေသူမ တကယ်ရှိတယ်လို့ ယုံကြည်ကြလား .. ဟုတ်သော်ရှိ မဟုတ်သော်ရှိ စိတ်ကူးယဉ်လို့တော့ကောင်းတဲ့ကိစ္စပဲ .. ငယ်ငယ်ကတော့ ရေသူမဇာတ်လမ်းကို တခါပဲကြည့်ဖူးတယ် .. လူကြီးတွေက မကြည့်ခိုင်းဘူးလေ .. နောက်ပိုင်းလည်းမကြည့်ဖြစ်ဘူး .. ကြည့်ဖူးသလောက်ကိုတော့ မှတ်မိနေတယ် .. ကြည်ဖူးတယ်ပေါ့ .. သူငယ်ချင်းတစ်ယောက်ကပြောတယ် .. မြန်မာရေသူမကားရှိတယ်တဲ့ .. ဟုတ်ရဲ့လားပေါ့ .. ဟုတ်တယ်ဆို ဘယ်လိုရိုက်လဲ သိချင်မိတယ် .. ဒါနဲ့ ဟိုရှာဒီရှာ ရှာကြည့်မိတယ် ..

အောင်ရဲလင်းနဲ့ သဉ္ဖာဝင့်ကျော် တို့ သရုပ်ဆောင်ထားပြီး ဒါရိုက်တာ ကြည်ဖြူရှင်ရိုက်ကူးထားတဲ့ ရေသူမကားကို ခုပဲကြည့်ပြီးတယ် .. စိတ်ကူးယဉ်ဇာတ်လမ်းတပုဒ်ပေါ့ .. ဒါပေမယ့် ကြည့်ကောင်းပါတယ် .. ဇာတ်လမ်းကို အတင်းဖြတ်လိုက်တာတော့ ရှိတယ် .. မြင်နေကျကားတွေလိုမဟုတ်ပဲ တမျိုးလေးပေါ့ .. ဒါရိုက်တာကိုယ်တိုင်လည်း တခြားကားတွေထက် ပိုအားထုတ်ကြိုးစားထားတယ်လို့ပြောထားတယ် .. အားပေးသင့်တယ်ထင်ပါတယ် .. ဒါမှလည်း မြန်မာ ရုပ်ရှင်လောက ဗီဒီယိုလောက တိုးတက်လာလိမ့်မယ်ထင်တယ် .. ပြောင်းလဲသင့်ပြီ ခွဲထွက်သင့်ပြီလေ ..

ခုဒီကားမှာ ကွန်ပျူတာ animation တွေသုံးထားပါတယ် .. မဆိုးပါဘူး ကြည့်ရတာ .. ကြည့်ကြည့်ချင်တယ်ဆို အောက်ကလင့်မှာ ကြည့်နိုင်ပါတယ်..

http://www.mayhninaye.com/movie_458a.html

ဒီဇာတ်ကားနဲ့ပတ်သက်တဲ့ သတင်းတွေကို ဖတ်ချင်ရင် အောက်ကလင့်မှာ ဖတ်နိုင်ပါတယ် ..
http://www.thanzinhlaing.com/forums/showthread.php?t=469

(လျှပ်တပြက်ဂျာနယ်မှ သတင်း) http://snapshot-news.com/modules.php?name=News&file=article&sid=14768

ညီမျှချက် (သို့) မညီမျှချက်

ရေစက်က တော်တော်ဆန်းကျယ်တယ် .. တနေရာစီကနေ ဆုံတွေ့ကြတယ် .. တွေ့ကြတယ် .. ခင်ကြတယ် .. ရေစက်ကုန်တော့လည်း အဝေးဆုံး ဝေးသွားပြန်တယ် .. ရေစက်ကုန်ပြီဆို တချိန်က သိပ်ချစ်ကြသူတွေ အမုန်းပွားကြတယ် .. အရင်က စကားတွေ တွတ်ထိုးနေတတ်ပေမယ့် ခုချိန် ပြောစရာစကားရှာမတွေ့ကြဘူး .. အရင်က မမြင်ရင် မနေနိုင်ကြသူတွေ မျက်နှာချင်းဆိုင် တွေ့ရင်တောင် မျက်နှာလွှဲသွားတတ်ကြတယ် .. ပုခုံးချင် တိုက်ခဲ့ကြတယ် .. ရေစက်ကုန်ပြီဆို ဘာမှမတတ်နိုင်ကြတော့ဘူး ..

ခင်ကြတယ်တဲ့ .. သိပ်ခင်တာပဲတဲ့ .. အမြဲတမ်းခင်ချင်တယ်တဲ့ .. ဘာလို့ခင်တာလဲ .. ဘာလို့အမြဲတမ်းခင်ချင်ကြတာလဲ .. အဲဒီအချိန်က သူ့အပေါ် ကောင်းခဲ့လို့ပေါ့ .. ကိုယ့်ပေါ်ကောင်းတဲ့လူကိုဆို လူတိုင်းက ခင်ချင်ကြတယ် .. ချစ်ကြတယ် .. သူက သိပ်ကောင်းတာကိုး .. သူမကောင်းတော့ရင်ရော .. မခင်တော့ဘူးလား .. မခင်ချင်တော့ဘူးလား ..

လူတိုင်းက အကောင်းဆုံးကို ရဖို့ မျှော်လင့်ကြတယ် .. ကောင်းမယ်လို့ထင်ရရင် အဲဒီအရာပေါ်ကို တွယ်တာတတ်ကြတယ် .. ကိုယ်မျှော်လင့်သလိုဖြစ်မလာရင် စိတ်ကုန်စိတ်ပျက်သွားတတ်တယ် .. ဆက်ပြီးလည်း အဲဒီအရာပေါ်ကို တွယ်မက်မနေကြတော့ဘူး .. တရားရဲ့လား .. ဖြစ်သင့်ရဲ့လား ..



ဘာကြောင့် သူ အရင်ကလို မကောင်းနိုင်တော့တာလဲ .. ဘာအကြောင်းရှိလဲ .. သူ့မှာ ခံစားချက်တွေရှိနေလား .. အခက်အခဲတွေရှိနေလား .. အဲလိုစဉ်းစားပေးတတ်တဲ့လူတွေ ရှိပေမယ့် ရှားပါးတယ် .. အများစုက ကိုယ့်ကိုယ်သိပ်ချစ်တဲ့ အတ္တ သိပ်ကြီးကြတယ် .. ကိုယ်အရင်ရချင်တယ် .. ကိုယ်က ပြန်ပေးနိုင်ဖို့ စဉ်းစားကြရဲ့လား .. သူ့လိုအပ်ချက်ဘာလဲ စဉ်းစားပေးရဲ့လား .. သူ့ဖို့ဆိုပြီး မစဉ်းစားပေးနိုင်ရင်တောင် သူခက်ခဲနေမလားလို့ နားလည်ပေးတတ်ကြရဲ့လား ..

တချို့က ကိုယ့်ခံစားချက်တွေကို ရင်သိပ်ဖွင့်ချင်တယ် .. သူသာ ကိုယ်ပြောတာတွေကို နားထောင်ပေးနေမယ် နှစ်သိမ့်ပေးနေမယ် နားလည်ပေးနေမယ် ၀င်ရောက်ခံစားပေးနေမယ်ဆို ဒီလူကို ခင်တွယ်လိုက်ကြတာ .. ချစ်လိုက်ကြတာ .. သူသိပ်ကောင်းတာပဲ .. ငါ့ကို သိပ်နားလည်ပေးတာပဲ .. အရမ်းသဘောကျကြတယ် .. နားမထောင်ပေးနိုင်တဲ့အခါ ၀င်ရောက်ခံစားပေးဖို့ အချိန်မပေးနိုင်တဲ့အခါ သူငါ့ကို ဂရုမစိုက်ဘူး အလေးအနက်မထားဘူး ငါကတော့ သူ့ကိုချစ်လိုက်ရတာ သူကတော့ဆိုပြီး စကားသံတွေနဲ့ ကိုင်ပေါက်တတ်ကြတယ် .. တရားပါရဲ့လား .. ကိုယ့်မှာပဲ အခက်အခဲရှိတတ်သလား .. သူက အားလုံးပြည့်စုံနေသူလား .. သူ့မှာရော အပူအပင်မရှိဘူးလား .. အခက်အခဲမရှိဘူးလား ..

နဲနဲလေးတော့ တွေးပေးစေချင်တယ် .. ကိုယ်ကပဲရချင်နေသလား .. ဒါဟာ တရားပါရဲ့လား .. ကိုယ်က နဲနဲပေးပြီး များများလိုချင်နေမိလား .. ဒါဟာ တရားမျှတပါရဲ့လား .. နောက်ဆုံးမေးချင်တာက ကိုယ့်ဘက်ကနေ အရင်ဆုံး ပေးဖို့ စဉ်းစားမိဘူးလား .. ကြိုးစားမိဘူးလား ..

သူ့ကိုဘာလို့ချစ်တာလဲ .. သူသိပ်ကောင်းလို့ပါ ..

ကျမ၏ ဖွားဖွားကြီး

သူမသည် ထက်မြက်သော ပြတ်သားသော သတ္တိရှိသော မြန်မာအမျိုးသမီးတယောက်ဖြစ်ပါသည် .. တရုတ်သွေးစပ်သော အသားအရောင် ရုပ်ရည်မျိုးဖြင့် ငယ်စဉ်ကတော့ လှပနေပါလိမ့်မည် .. အရပ်နိမ့်နိမ့် ဖြူဖြူဖွေးဖွေးနှင့် မျက်နှာမှာ ပြုံးယောင်သန်းနေတတ်သောသူမသည် ကျမ၏ ဖခင်ဘက်မှ အဖွားရင်းပင်ဖြစ်လေသည် ..

ဖွားဖွားကြီးသည် အမြဲ ဆံပင်ကို ဘီးစပတ်ပတ်ထားလေ့ရှိသည် .. ဖွားဖွားကြီးကိုယ်မှ သနပ်ခါနံ့သင်းသင်း အမြဲရတတ်သည် .. ငွေရောင်ဆံပင်တွေကို အနက်မဆိုးပဲ အရှိအတိုင်းထားတတ်သည် .. အမြဲတန်း ပုတီးတကုံးနှင့် စင်္ကြန်လျှောက်နေလေ့ရှိသည် .. ဖွားဖွားကြီးကို ကြည့်လိုက်လျှင် အမြဲတမ်း သန့်ရှင်း သပ်ရပ်နေတတ်သည် .. အေးချမ်းနေတတ်သည် .. အဖြူရောင် အကျီနှင့် ပါတိတ်ထမိန်ကို အမြဲဝတ်ဆင်ထားလေ့ရှိသည် ..

ဖွားဖွားကြီးတွင် သား ၁၁ ယောက်နှင့် သမီးရှားရှားပါးပါး ၁ ယောက်ရှိသည် .. သားတိုင်းသည် အမေအပေါ် သိတတ်ကြပြီး စကားလည်း နားထောင်တတ်တာ ကျမ မျက်မြင်ဖြစ်သည် .. ဖွားဖွားကြီးရှိစဉ်က ကျမတို့ တိုက်သည် အမြဲတမ်း စည်ကားလျှက်ရှိသည် ..



ဖွားဖွားကြီးသည် မိန်းမ ပီသလွန်းသော မိန်းမတယောက်ဖြစ်ခဲ့သည် .. ဇာထိုး ပန်းထိုး စက်ချုပ် လက်ချုပ် အကုန်ရသည် .. ငယ်စဉ်က ဖွားဖွားကြီးလက်ရာ ခြုံထည်လေးတထည်ရဖူးသည် .. အချုပ်အလုပ်ပညာကိုတော့ အမွေမရခဲ့ပါ .. ကျမ၏ ညံ့ဖျင်းချက်ပင်ဖြစ်လေသည် .. ဖွားဖွားကြီးချုပ်ထားသော စပ်စောင်များ အ၀တ်အထည်လေးများကို ဟိုလူ ဒီလူစီမှ တွေ့ရတတ်သည် .. ကျမပြန်ကြားရတာကတော့ ဖွားဖွားကြီးပညာအမွေအဖြစ် ဘယ်မြေးတယောက်မှ မရဟူသတည်း ..

ဖွားဖွားကြီးသည် လူပုံ နွဲ့နွဲ့နှင့် အလွန် စိတ်မာ ပြတ်သားသော သတ္တိရှိသော မြန်မာအမျိုးသမီးတယောက် ဖြစ်ပြန်လေသည် .. မွေးထားတာ သားချည်းဖြစ်သော်လည်း အဖွားကို လွန်ဆန်ရဲသူမရှိအောင် အဖွားက အာဏာရှိသူဖြစ်သည် .. အဖွားခွင့်မလွှတ်မည့်အလုပ် မည်သူမျှမလုပ်ရဲပေ .. လုပ်မိခဲ့လျှင်လည်း အဖွားက ပြတ်သားစွာ လှည့်ပင်မကြည့်တတ်သူဖြစ်သည် .. စကားကိုလည်း နှစ်ခွန်းမဆိုတတ်ပေ .. အဖွားသည် သားများကို လူလိမ္မာ လူယဉ်ကျေး များဖြစ်အောင် လူဝင်ဆန့်အောင် သင်ပြပေးနိုင်ခဲ့သူဖြစ်သည် .. အဖွား၏ သားများသည် ညီအကိုချင်း ညီအကို စိတ်ဓါတ်ရှိပြီး တပါးသူအပေါ် ညှာတာတတ်သော နားလည်ပေးနိုင်စွမ်းရှိသော လူများဖြစ်အောင် မွေးထုတ်ပေးနိုင်ခဲ့လေသည် ..

အခုဆိုလျှင် အဖွားဆုံးသည်မှာ ၁၀စုနှစ်တခုကျော် ကြာမြင့်ခဲ့ပြီ .. အဖွားအသက် ၈၂ နှစ်တွင် ဆုံးပါးခဲ့သည် .. အဖွားဆုံးသောအခါ မဆုံးခင်မှာခဲ့သည့်အတိုင်း ခန္ဓာကိုယ်ကို စစ်ဆေးရုံတွင် လှူဒါန်းခဲ့သည် .. ကျမတို့ အဖွားဆုံးပြီးချိန် ရောက်ရှိသွားခဲ့ပြီး နောက်ဆုံး ရှိခိုးကန်တော့ကာ ရေခဲတိုက်ထဲသို့ ပို့ဆောင်ပေးခဲ့သည် .. ရေခဲတိုက်တံခါးပိတ်လိုက်သံအဆုံးတွင် အဖွားကျမတို့နှင့် ဘ၀ခြားခဲ့ပြီဟု ယုံကြည် လက်ခံလိုက်ရသည် ..

အဖွားဈာပနအတွက် ကျမတို့အားလုံး ငူငူငိုင်ငိုင်နှင့်ပြီးဆုံးခဲ့သည် .. အသုဘချစရာမလို အခင်းအကျင်းမလို .. အသုဘအိမ်သည် အသုဘအိမ်နှင့် မတူခဲ့ .. ရက်လည်ဆွမ်းကျွေးခြင်းတခုသာ အဖွားဈာပနအတွက် ပြုလုပ်ခဲ့ရသည် .. စိတ်ဓါတ် ထက်သောအဖွား .. အေးအေးဆေးဆေးနေတတ်သောအဖွားသည် နောက်ဆုံးအချိန်ထိ ငြိမ်းငြိမ်းချမ်းချမ်း ထွက်ခွာသွားခဲ့သည် .. ကျန်ခဲ့သူတွေမှာတော့ ငိုင်တိုင်တိုင် .. အဖွားကတော့ ငြိမ်းချမ်းနေလေပြီ ..

တွေ့ချင်မြင်ချင်မိသော ၁၀ ဦးသော ပုဂ္ဂိုလ်များ

အတွေ့ချင်ဆုံး (၁၀)ယောက်တဲ့ .. တော်တော်ရွေးရခက်တဲ့မေးခွန်းပါပဲ .. စိတ်ထဲကအတိုင်းပြောရရင် ခုခင်မင်နေသမျှ သူငယ်ချင်း မိတ်ဆွေတွေအကုန်လုံးကို မြင်တွေ့ချင်တယ် .. ပြင်ပမှာပါ ခင်မင်ခွင့်ရချင်တယ် .. ဖြစ်နိုင်ရင် ဘလော့က သူငယ်ချင်းတွေအကုန် ကျမလေးစားချစ်ခင်ရတဲ့အကိုတွေ အမတွေအကုန် .. စီနီယာ ဂျူနီယာတွေအားလုံး မြန်မာနိုင်ငံမှာ တစုတစည်းထဲ ဘလော့ဂါတွေ့ဆုံပွဲဆို လုပ်ဖြစ်ရင် တော်တော်ကောင်းမယ်နော် .. စိတ်ကူးပေါ့ .. ဖြစ်ဖို့ကတော့ မနီးသေးပါဘူး .. ငါမမှီတော့ဘူးဆိုတာလိုများဖြစ်မလားပဲ .. ကျမကလည်း မြန်မာနိုင်ငံမှာပဲ အဲဒီပွဲကိုလုပ်ချင်တာကိုး .. (စပွန်ဆာ အလိုရှိသည် ..) :D

သေချာစဉ်းစားပြီးရွေးထုတ်လိုက်ရတာ တော်တော်အုန်းစားသွားတယ် .. ဟိုလူ့လည်းတွေ့ချင် ဒီလူ့လည်းတွေ့ချင် .. သတ်မှတ်ထားတာက (၁၀)ယောက်ဆိုတော့လည်း ၁၀ယောက်ပဲရွေးရတော့မှာပေါ့ .. အဆစ်လေးများတောင်းလို့ရမလားမသိဘူး .. :D

ကျမရောက်ဖြစ်တဲ့ဆိုက်တွေ တော်တော်များများကိုလင့်လုပ်ထားဖြစ်တယ် .. စာတွေကိုမလွတ်တမ်းဖတ်ချင်တာကိုး .. စာဖတ်ရတာကြိုက်တော့ စာတွေရေးတဲ့ မိတ်ဆွေတွေကိုလည်း စိတ်ထဲက ခင်မင်နေမိတယ် .. ဒါကြောင့်မို့ဖြစ်နိုင်မယ်ဆိုရင် အားလုံးနဲ့တွေ့ဆုံ ခင်မင်ခွင့်ရချင်ပါတယ် .. နောက်များမှပေါ့ .. ခုတော့ ၁၀ယောက်ကိုပဲ ချရေးလိုက်ပါ့မယ် ..

စိတ်မှန်းနဲ့ ကြီးစဉ်ငယ်လိုက် ချရေးလိုက်ပါတယ် ..း) (စိတ်မှန်းလို့ပြောထားတယ်နော် .. မှားရင်သည်းခံပါ :D)

မသက်ဇင်၊ မဆုမွန်၊ တီချမ်း၊ ကိုဇူလိုင်၊ လင်းကြယ်ဖြူ၊ မနောသား၊ သဇင်၊ မောင်မျိုး၊ နွေးနေခြည်၊ ဖြိုးမော် တို့ကို တော်တော် ခက်ခက်ခဲခဲ ရွေးထုတ်လိုက်ရပါတယ် ..

လူတွေရွေးပြီးပြီဆိုတော့ ဘာကြောင့်လဲဆိုတဲ့အကြောင်းပြချက်လေးက လိုလာပြန်ရော .. ဘာလို့တွေ့ချင်တယ် ဆိုတာလေးကိုလဲ သည်းခံပြီးဆက်ဖတ်လိုက်ပါဦးနော် ..




မသက်ဇင်
မသက်ဇင်ကစာရေးကောင်းတယ် .. ဖြည်းဖြည်းချင်းလူကိုဆွဲခေါ်သွားလိုက်တာ ပုဂံရော ပုပ္ပါးရော ရောက်သွားတယ် .. ဒါတောင် ဖတ်ရတာ မကုန်သေးဘူး .. အပိုင်းလိုက်ရေးထားတဲ့ ခရီးသွားမှတ်တမ်းတွေကို ပရင့်ထုတ်ပြီး အေးအေးဆေးဆေး အစအဆုံးထိုင်ဖတ်မယ်လို့ စဉ်းစားထားပါတယ် .. လူကြီးအလစ်ကိုချောင်းနေလို့ပါ .. :D အမရဲ့စာတွေကိုဖတ်ရတာ ဗဟုသုတရော ရသပါခံစားရလို့ အရမ်းနှစ်သက်မိပါတယ် .. ပြီးတော မသက်ဇင်က ကျမရေးတဲ့စာတွေဖတ်ပြီး လာလာအားပေးတတ်တယ် .. အဲဒီအတွက်လည်း ကျေးဇူးတင်ပါတယ် .. အခွင့်ကြုံရင်တော့ အမပြောပြမယ့် သမိုင်းကြောင်းတွေ ထိုင်နားထောင်ချင်နေပါတယ် ..

မဆုမွန်
မဆုမွန်ရဲ့အသက်ကို သွားကြည့်တော့ မတွေ့ပါဘူး .. ဒါနဲ့ lady first ဆိုပြီး ကိုဇူလိုင်တို့ တီချမ်းတို့ ရှေ့မှာထားလိုက်ပါတယ် .. မဆုမွန်ဆီသွားလည်ရင် ပွင့်ပွင့်လင်းလင်းနဲ့ အမှန်တရားတွေရေးထားတတ်လို့ မသိတာတွေ သိလာရပါတယ် .. မဆုမွန်ရေးတဲ့ သတင်းတွေကိုလည်း စိတ်ဝင်စားပါတယ် .. မဆုမွန်ရဲ့ လှုပ်ရှားမှုပုံရိပ်တွေကို မြင်ယောင်လာမိတယ် .. ရင်းရင်းနှီးနှီး ညီမလေးခေါ်တတ်လို့ တွေ့ချင်မြင်ချင်မိပါတယ် .. မဆုမွန်နဲ့တွေ့ဖြစ်ရင်တော့ လေထဲမှာ နေရတဲ့အရသာကို မေးမိဦးမယ်ထင်ပါတယ် .. လောလောဆည် မတည်မငြိမ်ဖြစ်နေတဲ့နေရာမှာ နေနေရလို့ ဘေးအန္တရယ် ကင်းပါစေလို့ ဆုတောင်းပေးလိုက်ပါတယ် .. ချစ်တဲ့ ညီမတို့ နိုင်ငံဆီလည်း အမြန်ဆုံးခြေဦးပြန်လှည့်နိုင်ပါစေ ..

တီချမ်း
အားလုံးရဲ့ အချစ်တော် ပရီမီယာကြိုက်တဲ့ တီချမ်းပါ .. တီချမ်းဆီသွားလည်ရင် အစားအစုံမြင်ရတယ် .. (စားလို့တော့မရ :D) သီချင်းတွေ ခံစားချက်နဲ့ နားထောင်နိုင်တယ် .. တီချမ်းရဲ့ အချစ် အလွမ်းတွေကို ၀င်ရောက်ခံစားမိတယ် . ဒသနတွေနဲ့ တချို့ကျ ပေါ့ပေါ့ပါးပါးဖတ်စရာလေးတွေလည်းရှိသေးတယ် .. ပြီးတော့ လူကိုလည်း ဆိုက်ကို တက်စ် စစ်လိုက်သေးတယ် .. ဖြေတာဟုတ်မှ မဟုတ်ရင် .. ??? :P တီချမ်းကိုတွေ့ချင်တယ် .. တီက တွေ့ရင် စားချက်တာချက်ကျွေးမယ်ပြောထားတာကိုး .. မျှော်လင့်ချက်လေးနဲ့ပေါ့ .. :D တီလည်း အန္တရယ်ကင်းပါစေ .. ပျော်ရွှင်ချမ်းမြေ့ပါစေလို့ ဒီကနေဆုတောင်းပေးလိုက်ပါတယ် .. သြော် .. လက်တွဲဖော်နဲ့မြဲဖို့ရော ဆုတောင်းပေးရဦးမလား .. တီရာ မြဲနေရင် အသစ်မရပဲနေမှာပေါ့ .. :D တီရေ အဆင်ပြေရင်တော့ တီချက်ကျွေးတာတွေစား .. တီပြောမယ့် ဒသနတွေ အချစ်အကြောင်းတွေ နားထောင်ချင်ပါသေးတယ် ..း) ပရီမီယာလေးပါတိုက်နော် ..

ကိုဇူလိုင်
ကိုဂဏန်းကောင်ကြီးကိုတော့ သွေးလှူဒါန်းတဲ့စာတွေ မီးသတ်သမားအကြောင်းရေးထားတဲ့စာတွေကစပြီး ခင်သွားမိတာပါ .. ပြီးတော့ လူ့ကန့်လန့်ကြီးဆိုတော့လည်း မြင်ဘူးချင်မိသား .. ကိုဇူလိုင်ရဲ့ အတွေးအခေါ်နဲ့ လုပ်ရပ်တွေကို လေးစားမိတယ် .. (မြှောက်ထားမှ:P) ကိုဇူလိုင်ရဲ့စာတွေကနေ အတွေးတွေရမိတယ် .. စဉ်းစားစရာတွေ ပေါ်လာတတ်တယ် .. ဗဟုသုတရပါတယ် .. တခါတခါကျတော့ လွမ်းစရာလေးတွေပေးတတ်ပြန်ရော .. အလွမ်းဓါတ်ခံရှိတယ်ထင်တယ် .. တယောက်တည်းလွမ်းရတာအားမရလို့ တခြားလူတွေကိုပါ နှိပ်စက်တယ် :P .. ပြီးတော့ ကိုဇူလိုင်မှာ စာအုပ်တွေအများကြီးတဲ့ .. ကြုံရင် ငှားဖတ်ဦးမှ ..

လင်းကြယ်ဖြူ
သူတက်တာလေ .. သူတက်လို့ ဒီမှာ ဦးနှောက်ခြောက်နေရတာ .. :D စကားလည်း မပြောဘူးပါဘူး .. ဘလော့မှာပဲ သွားသွားလည်ဖြစ်တယ် .. အတွေ့အကြုံတွေ ဝေမျှတတ်လို့ လည်ရင်းလည်ရင်းကနေ လည်သွားတာပါ .. မှားလို့ ခင်သွားတာပါ :P .. ကျမနဲ့အသက်သိပ်ကွာမယ်မထင်လို့ ရွယ်တူလို ဆက်ဆံမိပါတယ် .. အသက်ဘယ်လောက်ဆိုတာလဲ ပြောမှမထားတာ .. ဟိုနေ့ကတော့ ဘယ်လိုကြောင့် အကိုကို အိုးမဲသုတ်ချင်ရတာလဲလို့လာပြောသွားတယ် .. ဒီတော့ နဲနဲတော့စဉ်းစားသွားတယ် .. အသက်များကြီးနေသလားလို့ ..း) သတိထားမိသလောက်ကတော့ တခြားစာတွေ သိပ်ရေးတာမတွေ့ပဲ ဗဟုသုတရစရာလေးတွေ ရေးတတ်ပါတယ် .. ဒါပေမယ့် သင်္ကြန်ကျတော့ ဓါတ်ခံရှိတယ်ထင်တယ် .. ကဗျာတွေရေးလို့ .. ခံစားချက်ရှိတယ်ထင်တယ် .. တွေ့ရင်တော့ အင်တာဗျူးဖြစ်မယ်ထင်ပါတယ် ..း)

မနောသား
သယ်ရင်းကတော့ ဘလော့စလုပ်တည်းက တခုခုဆို သူ့ပဲပြေးပြောနေရတာ .. ကျေးဇူးရှင်ကြီးပေါ့ .. နားပူနားဆာလုပ်ရတာလဲ ခဏခဏ .. ကူညီတတ်တော့လည်း အကူညီတောင်းခံရတာပေါ့ဟာ .. ဂုဏ်ယူလိုက်ပါ :D .. မနောသားရဲ့ နည်းပညာစာတွေကိုဖတ်ပြီး ကလိရတာပျော်စရာကောင်းပါတယ် .. ခုလိုသိတဲ့လူတွေ ဝေမျှပေးနေလို့လဲ ကျမတို့ နောက်က ကောက်စားလို့ရတာပါ .. (ကောက်စား=မနောသားပြောတဲ့စကားပါ ..း) .. ပြီးတော့ သူက ကဗျာရေးလည်းကောင်းသေးတယ် .. ကြည့်ရတာ ခံစားချက်တွေရှိနေဘီနဲ့တူတယ် .. :D မနောသားရဲ့စာတွေအတွက် ဝေမျှမှုတွေအတွက် ကျေးဇူးလည်းတင်ပါတယ် .. ခင်လည်းခင်တယ် .. နောက်လိုရင်လည်း အကူအညီတောင်းဦးမယ်လို့ ..

သဇင်
ဘလော့လုပ်ပြီးနောက်ပိုင်း စစချင်း ခင်ဖြစ်တာ သဇင်ပါ .. ကော့မင့်ပထမဆုံးပေးတာ သဇင်ပါ .. နောက်ပိုင်းတော့ ကျမဆီကို တန်ဖိုးရှိတဲ့စာလေးတွေ မေးကနေ ပို့ပို့ပေးတတ်ပါတယ် .. သဇင့်စာလေးတွေကလည်း အရမ်းဖတ်လို့ကောင်းပါတယ် .. သဇင်ရေးထားတာလည်းအစုံပဲ .. ကဗျာ ကျန်းမာရေးကအစ ဘာသာပြန်အဆုံးပဲ .. ခုနောက်ပိုင်းတော့ သိပ်မရေးဖြစ်ဘူးထင်တယ် .. အသစ်သိပ်မတက်လာဘူး .. လွမ်းနေတယ် သဇင်ရေ .. အသစ်ရေးပါဦး ..

မောင်မျိုး
မောင်မျိုးနဲ့က အသက်တူတူပဲ .. ၂၃နှစ်ကို အပျိုကြီးလားတဲ့ .. သူက လူပျိုကြီးမဖြစ်ချင်သေးဘူးထင်တယ် .. ခုတော့ ဦးဇင်းလူထွက် .. သင်္ကြန်တွင်း ဘုန်းကြီးဝတ်တယ်ဆိုတော့ သာဓု သာဓု သာဓု .. မောင်မျိုးရဲ့စာတွေကိုဖတ်လိုက်ရင် ကိုယ်က သူ့စာထဲမျောသွားတယ် .. သူပြောတဲ့မြင်ကွင်းတွေကိုမြင်ယောင်လာမိတယ် .. သူပြောတာတော့ ပိန်ညှောင်ညှောင် မောင်မျိုးတဲ့ .. အမကိုလည်း အနိုင်ကျင့်တတ်သေးတယ် .. ပိန်လို့ပေါ့ .. ဗလတောင့်ရင်တော့ သူ့အမအတွက် မတွေးဝံ့ဘူး .. :D မောင်မျိုးရေးနေကျ သူ့ရွာလေးကို အတွေးနဲ့သွားလည်လိုက်တယ် .. ချစ်တဲ့ရွာလေးနဲ့ အမြန်ဆုံးပြန်လည်နီးစပ်ပါစေမောင်မျိုးရေ ..

နွေးနေခြည်
နေခြည်ကတော့ ကျမရဲ့စာတွေကို ဖတ်ပြီးအားပေးတယ် .. နေခြည်နဲ့ စကားအပြန်အလှန်ပြောရတာ စိတ်ထဲကနေရင်းနှီးမိတယ် .. အသက်လည်း ရွယ်တူပဲ .. လပဲကွာမယ် .. ဒါကြောင့်လည်း စိတ်ထဲရင်းနေမိတယ်ထင်တယ် .. စလုံးမှာပဲနေတာဆိုတော့ တရက်ရက်တော့ အပြင်မှာ ခင်မင်ခွင့်ရလိမ့်မယ်မျှော်လင့်ပါတယ် .. အိမ်ကိုလာလာလည်တတ်ပြီး စာတွေစိတ်ရှည်လက်ရှည်ဖတ်ပေးလို့ ကျေးဇူးနေခြည်ရေ ..

ဖြိုးမော်
အငယ်ဆုံးမောင်လေး ဖြိုးမော်အလှည့်ပေါ့ .. သူ့စာတွေဖတ်ရင်တော့ အသက်က အန်ကယ်ကြီးအရွယ်လို့ထင်ရလောက်တယ် .. ပြီးတော့ ဒီစာကိုဖတ်ပြီးရင်လည်း တချိန်လုံး :D:P:) တွေပါနေလို့ သဘောကောင်းမယ်ထင်ရတယ် .. ဟုတ်မဟုတ်တော့မသိဘူးလို့ တွေးနေဦးမလားမသိဘူး .. ကျမကလည်း စာရေးပြီဆို အဲလိုလုပ်လိုက်ရမှ .. သူ့စာတွေဖတ်ရတာလည်း အတွေးတွေရစေတယ် .. ငယ်ငယ်လေးနဲ့ တော်ပါတယ် .. ငယ်ပေမယ့် တန်ဖိုးရှိတဲ့စာတွေ အတွေးတွေ ပေးတတ်လို့ လေးစားမိပါတယ် .. နောက်လည်း ဖြိုးမော်ထပ်ရေးမယ့် စာတွေကို အားပေးဖို့ စောင့်မျှော်နေပါတယ် ..

ကဲ .. ၁၀ယောက်တော့ပြည့်သွားပြီ .. တကယ်တော့ ရေးမယ်ဆို ရေးစရာတွေရော ရေးရမယ့်လူတွေရော ကျန်နေပါသေးတယ် .. ခုတော့ စာလည်းများနေပြီ လက်လည်းညောင်းနေပြီ ဖတ်တဲ့လူလည်းပျင်းနေလောက်ပြီ .. ဆိုတော့ကာ .. တော်သေးဘီ ..

ပြီးတော့ အခုတွေ့ချင်တဲ့လူတွေကိုပဲ ဆက်တက်ချင်ပါတယ် .. အားတဲ့အခါလေးရေးပေးပေါ့ .. အဆင်ပြေမှပါ .. အဆင်မပြေလည်း ပြေအောင်လေးလုပ်ပြီး ရေးပေးပေါ့နော့ .. ကိုယ့်ခင်လို့တက်တာပဲဟာ .. :D

ဗြုတ်စဗျင်းတောင်း

ကျမက တော်တော်ကြောက်တတ်ပါတယ် .. ကြောက်တဲ့အရာတွေကလည်း ခပ်များများရယ် .. သရဲဆိုလည်းကြောက် .. အကောင်ဗလောင်ဆိုလည်းကြောက် .. ရန်ကုန်မှာမိုးရွာလို့ တီကောင်တွေမြင်ရင်တောင်ကြောက်တတ်တယ် .. ပိုးဟပ်မြင်ပြီဆိုလည်း ဘယ်နားပြေးရှောင်ရမှန်းကမသိ .. ကိုယ်ကပြေးလိုက်ပြီဆိုတာနဲ့ ဘာဓါတ်လဲမသိဘူး .. ပိုးဟပ်က ကိုယ်ပြေးတဲ့ဘက်လိုက်ပြေးတာလည်း အခေါက်တိုင်း .. ကိုယ်ကကြောက်လို့ လွတ်တဲ့ဘက်ပြေး .. သူကကြောက်လို့ကိုယ့်ဘက်လိုက်ပြေး အိုး ရှုပ်ရှက်ကိုခပ်နေတာ .. တယောက်တည်းနဲ့ .. အကောင်ဆို သေးသေးလေးကအစ အကြီးကြီးထိကြောက်တယ် .. အိမ်မွေးတိရစ္ဆာန်တွေကိုတော့ မကြောက်တတ်ဘူး .. ချစ်ချင်တဲ့အချိန်ချစ်တယ် .. (စိတ်က အစိုးမရတာလေ ..) ချစ်ဖို့ကောင်းတဲ့အချိန် ကိုယ်စိတ်ကြည်နေတဲ့အချိန်ဆို ကြောင်တွေခွေးတွေကို ပွတ်သီးပွတ်သတ်လုပ်သလောက် စိတ်မထင်ရင်မထင်သလိုလည်း ဖြစ်ညစ်တတ်သေးတယ် ..

သရဲဆိုတာကိုတော့ဘာလို့ရယ်မသိဘူး .. တွေးတွေးပြီးကိုကြောက်တာ .. မေကြီးကပြောတယ် .. သမီးအရင်က မကြောက်တတ်ပါဘူးတဲ့ .. ဟုတ်တယ် အရင်က မကြောက်တတ်ဘူး .. ခုနောက်ပိုင်းမှကြောက်တတ်လာတာ .. ရန်ကုန်မှာတုန်းက သူငယ်ချင်းတယောက်က အမြဲတမ်းသရဲကားယူယူလာတယ် .. အဲဒါကို ကြည့်ကြည့်ပြီး နောက်ပိုင်းကြောက်တတ်သွားတာ ..

သူယူလာတာ သရဲကားက နိုင်ငံပေါင်းစုံက .. တခြားသူငယ်ချင်းတွေကလည်းပေးတယ် .. ဂျပန်သရဲကားတွေရော ကိုရီးယားသရဲကားတွေရော .. သူတို့ကြည့်တော့ ကိုယ်လည်းကြည့်ချင်တာပေါ့ .. ကြည့်ပြီးရင် ရေမချိုးရဲဘူး .. ရေချိုးခန်းဝမှာ တယောက်ကိုစောင့်ခိုင်းပြီး အထဲက တချိန်လုံးအော်နေတာ .. အဲလိုသတ္တိကကောင်းတယ် ..

သရဲတွေကလည်း ခြောက်ပုံခြောက်နည်းကအစုံ .. ရေထဲကထွက်လာလိုက် .. ဓါတ်လှေကားကထွက်လာလိုက် .. ရေပန်းက သွေးတွေကျလိုကျ .. ဟင်း .. ကြည့်ပြီး တွေးတွေးကြောက်တာ .. မျက်နှာသစ်နေတုန်း မျက်လုံးလဲဖွင့်လိုက်ရော ကိုယ့်မျက်နှာရှေ့တည့်တည့်မှာ ကိုယ့်ကိုရီပြီးကြည့်နေမလား .. မှန်ကြည့်တုန်း ကိုယ့်နောက်က ပေါ်လာမလား .. ကုတင်အောက်ပဲရောက်နေမလား .. ကြောက်လိုက်ရတာ .. တရေးနိုး ကုတင်အောက် ခြေထောက်တောင် မချရဲဘူး .. မဖြစ်မနေထရရင်လည်း ခြင်ထောင်ထဲ အမြန်ဒိုင်ဗင်ပစ်ဝင်တာ .. အဲလိုဖြစ်တယ်ဆိုတော့ သူငယ်ချင်းတယောက်ကမေးတယ် .. နင်က အခြောက်ခံဘူးလို့လားတဲ့ .. အခြောက်သာခံရရင် ငါ့ကိုဒီလိုတောင်မြင်ရတော့မှာမဟုတ်ဘူးလို့ပြောလိုက်တယ် .. သတ္တိကောင်းပုံများ .. :P

ငမန်းကား မိကျောင်းကားတွေကိုလည်းသိပ်ကြိုက်တာ .. ကြည့်ပြီးတွေးကြောက်တာပဲ .. အုတ်ကန်ထဲ ရေခွက်နဲ့ရေခပ်နေတုန်း ဘွားဆိုပေါ်လာမလား .. ကိုယ့်လက်ကိုပဲ လှမ်းဆွဲမလား .. တွေးမိတော့လည်းရီချင်တယ် .. :D တကယ်က အိမ်က အုတ်ကန်ကဖြင့် သေးသေးလေး ..

လူသတ်များကြည့်ပြီးရင်တော့ သွေးသံရဲရဲတွေကို အိမ်မက်ထဲထိမြင်ပြီး ကောင်းကောင်းအိပ်လို့မရ .. အဲဒီလူသတ်ကားနေရာမှာလဲ ၀င်ပြီးခံစားလိုက်သေးတယ် .. ကိုယ့်နောက်က လိုက်လို့ ပြေးပြေး .. ပုန်းစရာနေရာရတော့ ကိုယ်ကပုန်းနေတာပေါ့ .. လူသတ်သမားကြီးက ခြေသံပေးပြီးလျှောက်လာ .. ကိုယ့်ဘက်ကို သူကမမြင် .. ကိုယ်က စိတ်ချရပြီထင်တော့မှ သူက ကိုယ့်ဘက်ကို ဗြုန်းကနဲလှည့်ကြည့် .. အိုး တွေးတွေးကြောက်လိုက်ရတာ အစုံပါပဲ ..

ဒါတွေအကုန် အတုတွေအစစ်အမှန်မဟုတ်ဘူးဆိုတာသိသိကြီးနဲ့လည်း တွေးကြောက်တာပဲ .. သေချာတွေးမိရင်တော့ ရီရတယ် .. တကယ် တယောက်တည်းနေရပြီဆိုရင်တော့ ရေချိုးခန်းထဲတောင်မ၀င်ရဲဘူး .. :P

အင်္ဂလိပ်ကားမပြောနဲ့ ကိုယ့်မြန်မာပြည်က မြန်မာမင်းသားမင်းသမီးတွေ မြင်နေကျလူတွေရိုက်တဲ့သရဲကားတွေတောင် သေချာမကြည့်ရဲဘူး .. သရဲဆိုတာနဲ့ စိတ်က အလိုလို ကြောက်စိတ်ဖြစ်မိနေတာဖြစ်မယ် .. ကိုယ်သာ မကြည့်ရဲတာ ရှေ့ဘာဖြစ်မယ်ဆိုတာတော့ သိပ်သိချင် .. လူ့စိတ်များခက်လိုက်တာ .. ရှေ့လျှောက်လည်း ဆက်ကြောက်နေမိဦးမယ်ထင်တယ် .. သရဲကား လူသတ်ကားလည်း ကြုံရင်ကြုံသလို ကြည့်မိနေဦးမှာ .. တယောက်တည်းတော့မဟုတ်ဘူး .. အဖော်ကောင်းရင် .. :D

ထာဝရချစ်သူ (၂)

ထာဝရချစ်သူ (၁)

ကျမမျက်လုံးတွေေ၀၀ါးစွာနဲ့ မငိုဘူးထိန်းထားတဲ့ကြားက မျက်ရည်ပေါက်တွေ ပါးပြင်ပေါ်လိမ့်ဆင်းသွားတယ် .. မျက်ရည်တွေကို လက်ခုံနဲ့ ခပ်ကြမ်းကြမ်း သုတ်လိုက်တယ် .. မပျော့ညံ့စမ်းနဲ့ မိယွန်း ..

"ယွန်း ရန်ကုန်ပြန်ရောက်နေပြီလား .. မောင် ယွန်းကို အရမ်းသတိရနေတာ .. ယွန်းမောင့်ဆီဖုန်းဆက်တော့ မောင်ဝမ်းသာလိုက်တာ .." သြော် .. အရမ်းသတိရနေလို့ ၁နှစ်လောက် အသံမကြားလူမမြင်နေတာပေါ့နော် ..

"ယွန်း .. မောင်ယွန်းနဲ့တွေ့ချင်တယ် .. ယွန်းလာနိုင်မလားဟင် .." ယွန်းကို ချည်နှောင်ချင်တုန်းလား မောင်ရယ် .. စကားလုံးတွေနဲ့ မချည်နှောင်ပါနဲ့တော့ .. နောက်တခါဆိုရင် ခံနိုင်ရည်ရှိတော့မှာမဟုတ်ဘူး .. ယွန်းကို လွတ်လပ်ခွင့်ပေးပါတော့ ..

စိတ်ထဲက ငြင်းဆန်နေမိပေမယ့် တကယ်တန်း လက်တွေ့မှာတော့ မောင့်စကားတွေကိုတော့ ဥပက္ခာမပြုနိုင်ခဲ့ဘူး .. မောင့်စကားအခွန်းတိုင်းအပေါ် အလေးအနက်ထားပြီး တွေးပေးနေတတ်တုန်း .. မောင်နဲ့ ပတ်သက်တိုင်း ထိန်းချုပ်မှုမဲ့ခဲ့ရတာ မောင်နဲ့တွေ့ချိန်က စလို့ပေါ့ .. ကျမဘယ်တော့မှ မောင့်ပေါ်ထားတဲ့ခံစားချက်က ပြောင်းလဲသွားလိမ့်မှာ မဟုတ်ဘူးမောင် ..

"ယွန်း မောင်ပြောတာကြားရဲ့လား .. မောင့်ကိုစိတ်ဆိုးနေတုန်းလားဟင် .. မောင်ယွန်းကိုလာတွေ့ချင်တယ် .. သိပ်လွမ်းတာပဲ ယွန်းရယ် .." ယုံကြည်ရမှာလားမောင်ရယ် .. ကျမစိတ်ဓါတ်ကိုက ပျော့ညံ့လွန်းပါတယ် .. အနက်ရောင်ကို မြင်တွေ့နေပါရက်နဲ့ ဒါအဖြူပါလို့ မောင်ပြောနေရင်တောင် ကျမလိုက်ဖြူမိမလားပဲ .. အိုး ကျမ နုံအလိုက်လေခြင်း ..

"မောင် သိပ်နေနိုင်တာပဲနော် .." တုန်ရီနေတဲ့အသံကိုထိန်းရင် ပြောမိလိုက်တယ် ..
"ဒီလိုမဟုတ်ဘူး ယွန်း .. မောင် တွေ့ရင် အေးအေးဆေးဆေးရှင်းပြချင်တယ် .. မောင် ညနေ ယွန်းကိုလာတွေ့မယ်နော် .."
"အင်း .." ငြင်းဆန်မယ်စဉ်းစားရင်းက ခေါင်းညိမ့် လိုက်ရောမိပြန်တယ် .. ကိုယ့်ကိုယ်လည်း စိတ်ပျက်မိပါရဲ့ ..


။ ။ ။ ။ ။

သွေးသွေးကိုပြောပြမိတော့ အပြစ်တင်စကားတွေကြားရတယ် .. သွေးသွေးမေးတယ် .. "နင်သူ့ကို ယုံကြည်သလားတဲ့ .." ပြန်ဖြေဖို့အဖြေ ကျမမှာ မရှိခဲ့ဘူး .. နောက်ဆုံးတော့လည်း ကျမခေါင်းမာမှုကို သွေးသွေး အလျှော့ပေးခဲ့ရတယ် .. "စိတ်ကို သိပ်တော့နှစ်မထားနဲ့ မိရွှေယွန်း .. နင်မမှတ်သေးဘူးလားတဲ့ .." ကျမ ပြတ်သားချင်ပါတယ် .. ဒါပေမယ့် ..

။ ။ ။ ။ ။

ကားသံကြားလို့ မောင်လာပြီဆိုတာ သိလိုက်တယ် .. ကားပေါ်က ဆင်းလာတဲ့ မောင့်သွင်ပြင်က သိပ်ကိုလန်းဆန်းနေတယ် .. မောင်က အမြဲ ရွှင်လန်းတက်ကြွနေတတ်သူလေ ..

"ယွန်း .." မောင့်လေသံက ၁နှစ်နီးပါးခွဲခွာထားခဲ့တဲ့ ချစ်သူကို ခေါ်ပုံနဲ့မတူပဲ သိပ်နူးညံ့နေတယ် .. ကျမမျက်နှာကို စေ့စေ့ကြည့်လို့ မောင်က "ယွန်းကို သိပ်ချစ်တာပဲ .. ယွန်းကို သိပ်လွမ်းနေတာ .. ယွန်း မျက်နှာဘာလို့ ညှိူးနေတာလဲ .. မောင့်ကိုခုလိုတွေ့ရတာ မပျော်ဘူးလား .."
"သွေးသွေးက မောင့်ကို ကောင်မလေးနှစ်ယောက်နဲ့တွေ့တယ်ပြောတယ် .."
"ဟင် .. မဖြစ်နိုင်တာ .. မောင် ရန်ကုန်မှာ မရှိတာကြာပြီ ယွန်းရဲ့ .. ဒါကြောင့် ယွန်းနဲ့ အဆက်အသွယ် ပြတ်သွားတာ .. မောင့်အကိုဖြစ်ပါလိမ့်မယ် .. မောင့်မှာ ချစ်သူ ရည်းစားဆိုလို့ ယွန်းပဲရှိတာလေ .. ဒါကို ယွန်းသိသားပဲ .." ဟုတ်ပါတယ် .. မောင့်မှာ ချစ်သူဆိုလို့ ကျမတယောက်ပဲရှိတာ .. မောင်က လူရှုပ်လူပွေတယောက်မဟုတ်ဘူးဆိုတာတော့ ကျမယုံကြည်တယ် .. ကျမအပေါ်ထားတဲ့စိတ်က သာမန်သူငယ်ချင်း မိန်းကလေးတွေ ထက်ပိုတယ်ဆိုတာလည်း ကျမသိနေတယ် .. ဒါပေမယ့် အဲဒီမောင့်ခံစားချက်က ကျမအပေါ်ထားတဲ့အချစ်လားဆိုတာတော့ မသေချာခဲ့ဘူး .. ကျမစိုးရိမ်ပူပန်နေရတာလည်း အဲဒီအကြောင်းပဲ ..

တရက်တော့ မောင်ပြောလာတယ် ..
"ယွန်း ယွန်းကိုမောင် သိပ်ချစ်တာသိလား .."
"မောင့်ကို ယွန်းသိပ်ချစ်တာရော မောင်သိရဲ့လား .." မောင့်မေးခွန်းကို ပြန်မေးခွန်းထုတ်မိတော့
"သိတာပေါ့ .. ဒါကြောင့်လည်း ယွန်းကိုမောင်က ပိုပိုချစ်လာရတာ .." ကျမ သိပါတယ် .. မောင်ကျမကိုချစ်တာ ကျမက မောင့်ကိုသိပ်ချစ်နိုင်လွန်းလို့ဆိုတာ .. နာကျင်မိပေမယ့် ကျေနပ်လိုက်ပါတယ် ..

။ ။ ။ ။ ။
ခုတလော ကျမ အစာစားရင် သိပ်နင်တာပဲ .. လည်ပင်းက အစ်နေသလိုခံစားနေရတတ်တယ် .. ဆေးခန်း သွားမယ် သွားမယ်နဲ့ မသွားဖြစ်နိုင်သေးဘူး ..

ခုရက်ပိုင်း အလုပ်တွေသိပ်များတော့ အစားပျက်အသောက်ပျက် အလုပ်တွေ ပိနေမိတယ် .. လူကလည်း အားမရှိသလို ခံစားနေရပေမယ့် အလုပ်ကိုပဲ အာရုံကရောက်ပြီး ကိုယ့်ကိုယ်ဂရုမစိုက်နိုင်ခဲ့ဘူး .. တရက်တော့ ကျမဗိုက်ထဲက အရမ်းနာလာတယ် .. မဖြစ်တော့ဘူး .. ကျမ ဆေးခန်းသွားမှ ဖြစ်တော့မယ် ..

ညနေအလုပ်ကအပြန် မောင်လာကြိုရင်း တခါတည်းဆေးခန်းဝင်ပြဖြစ်တယ် .. ဆရာဝန်က စမ်းသပ်မှုတွေပြုလုပ်ပြီး အဖြေကိုမနက်ဖြန်လာယူဖို့ ချိန်းလိုက်တယ် ..

နောက်နေ့ ဆေးခန်းရောက်တော့ ..
"သြော် .. သမီး .. လာ .." ဒေါက်တာက စကားဆက်မပြောပဲ .. ကျမဆေးမှတ်တမ်းကို ကြည့်နေတယ် ..
"သမီး .. ဒေါက်တာတို့ ခုသံသယဖြစ်နေတာ .." ကျမ မျက်နှာကို ကြည့်ပြီး ဒေါက်တာက စကားကိုရပ်ထားလိုက်တယ် .. ကျမ ရင်တွေခုန်လှပြီ ..
"ဒေါက်တာ .. ဟို ခု ဘာတွေ့လို့လဲဟင် .."
ဒေါက်တာက ဂရုဏာသက်စွာကြည့်ရင်း ..
"သေချာအောင်ထပ်စစ်ဆေးသေးတာပေါ့သမီးရယ် .. ဆေးထိုးဆေးသောက်လုပ်ပြီး စောင့်ကြည့်သေးတာပေါ့ .. ခု ဆရာမတို့ ဆေးစစ်ချက်အရ သမီးမှာ အစာအိမ်ကင်ဆာဖြစ်နိုင်နေတယ် .. ကြိုးစားကြတာပေါ့ .. စိတ်ဓါတ်ကို လွှတ်မချလိုက်နဲ့နော် .. သမီး အခု အရမ်းလည်းအားနည်းနေတယ် .. အားရှိအောင် နေရမယ် .. ခုနည်းလမ်းတွေ ရှိလာနေပါပြီ .. နည်းမှန် လမ်းမှန်နဲ့ ကုသရင် .."
"တော်ပါတော့ ဒေါက်တာရယ် .." ကျမ စိတ်ဓါတ်တွေ ဟိုးအောက်ထိ ဆွဲချခံလိုက်ရသလိုပါပဲ .. ကျမအတွက် မျှော်လင့်ချက်ဆိုတာ ဘယ်နှစ်ရာနှုန်းလောက်များ ရှိမှာမို့လဲ .. ကျမ မျက်စိရှေ့တင် ကျမဦးလေးတယောက် အစာအိမ်ကင်ဆာရဲ့ ဝေဒနာတွေကို ခါးစည်း ခံစားသွားတာ ကျမမသိတာလိုက်လို့ .. ခုဆို ကျမက သေလူဖြစ်သွားပြီ .. ဘာလို့ ဒီလောက်ကံဆိုးရတာပါလိမ့် ..

။ ။ ။ ။ ။

ကျမ ကမ္ဘာမှာ အမှောင်တွေသာကြီးစိုးနေတယ် .. ကျမနိုးထလာတော့ တောအုပ်ကြီးတခုရှေ့မှာ .. သားရဲတိရစ္ဆာန်တွေရဲ့ အော်မြည်သံတွေကိုကြားနေရတယ် .. အနားမှာလည်း ဘယ်သူမှမရှိဘူး .. နောက်မှာတောအုပ်ကြီး တော့အုပ်ကြီးရှေ့မှာ ကျမတယောက်ထဲ .. ၀ံပုလွေတကောင် တောအုပ်ထဲက ထွက်လာတယ် .. ၀ံပုလွေအော်လိုက်သံက အားကိုးရာမဲ့နေတဲ့ကျမကို ပိုလို့ ကြောက်လန့်စေတယ် .. အတင်းကုန်းထပြီး ရှေ့တည့်တည့်ကို ပြေးထွက်လိုက်မိတယ် .. ကျမပြေးတာမြင်တော့ ၀ံပုလွေက ကျမနောက် ပြေးလိုက်လာတယ် .. ကျမလွတ်အောင်ပြေးမှဖြစ်မယ် .. ဘာလို့ ကျမတယောက်တည်းဖြစ်နေရတာလဲ .. ခုဘယ်ကိုရောက်နေတာလဲ ..

အိုး .. ရှေ့မှာ ချောက်ကြီး .. ချောက်ကြီးအောက်မှာ ရေစီးသံ ခပ်ကြမ်းကြမ်းကို ကြားနေရတယ် .. နောက်ကိုလှည့်ကြည့်လိုက်တော့ ဟို ၀ံပုလွေ .. ရှေ့မှာချောက် .. ကျမတယောက်တည်း အားကိုးရာမဲ့လိုက်တာ .. သရေတမြားမြားနဲ့ ၀ံပုလွေက ရှေ့ကိုတိုးလာတယ် .. ကျမဆုံးဖြတ်ချက်ချလိုက်ပြီး ချောက်ထဲခုန်ဆင်းလိုက်တယ် ..

မျက်နှာပေါ် ရေမှုန်ရေမွှားလေးတွေလာစင်တာကို ခံစားလိုက်ရတယ် .. အားယူပြီးမျက်လုံးဖွင့်ကြည့်တော့ မောင်က ပြူတင်းပေါက်တွေကို လိုက်ပိတ်နေတယ် .. မိုးရွာတာပေါ့ ..

မောင်ကျမကိုလှည့်ကြည့်ပြီး ပြုံးပြတယ် .. မောင့်အပြုံးက မပီပြင်ပြီ .. မျက်လုံးတွေ နီရဲနေတာကြည့်ခြင်းအားဖြင့် မောင်ငိုထားတယ် .. မောင်စိတ်ဆင်းရဲနေပြီထင်တယ် ..
"ယွန်း နိုးလာပြီလား .. ယွန်း သိပ်အားနည်းနေတယ် .. ဗိုက်ဆာပြီလားယွန်း .."
"မဆာပါဘူး မောင်ရယ် .. ယွန်းအနားမှာ နေပါလား .."
မောင် ကျမနားလာပြီး ကျမရဲ့ အားနည်းပိန်ချိနေတဲ့လက်လေးတွေကို လာဆုပ်ကိုင်တယ် ..
"မောင် .. ယွန်းမရှိတော့ရင် .."
"ယွန်း .. မောင်တောင်းပန်ပါတယ် .. အဲလိုစကားမျိုးမပြောပါနဲ့ .." ပြောရင်း မောင်မျက်ရည်ကျတယ် .. ကျမ စိတ်မကောင်းလိုက်တာ .. ဒီလိုဆိုတော့လည်း မောင်က ကျမအပေါ်ချစ်သားပဲလို့ ကျေနပ်လိုက်မိသေးတယ် ..
"မောင် ယွန်းကို သိပ်ချစ်တယ် .. မောင် ယွန်းအပေါ် မကောင်းခဲ့ဘူး .. မောင် ယွန်းအပေါ် အပြစ်လုပ်မိတယ် .. မောင့်အပြစ်တွေပါ .. ဒီအပြစ်တွေအတွက် ဒဏ်ခံရမယ်ဆိုရင်တောင် ဒီလိုနည်းနဲ့တော့ မခံပါရစေနဲ့ .. မောင့် ရင်တွေကွဲတော့မယ် ယွန်းရယ် .. ယွန်းနဲ့ မဝေးချင်ဘူး .. ယွန်းရဲ့ မျှော်လင့်ချက်တွေကို ဥပက္ခာပြုခဲ့ဘူးတယ် .. မောင်ဖျက်ဆီးခဲ့ဘူးတယ် .. အားလုံးက မောင့်အပြစ်တွေပါ .. ဒီဒဏ်တွေကို မောင်တယောက်ပဲခံချင်တယ် .. ဒီလိုအဖြစ်မျိုးနဲ့တော့ အပြစ်မပေးလိုက်ပါနဲ့ ယွန်းရယ် .."
"အကောင်းဆုံးဖြစ်အောင် ကြိုးစားနေကြတာပဲမောင်ရယ် .. စိတ်ညစ်စရာတွေမပြောပါနဲ့တော့ .. မောင် ယွန်းကိုသိပ်ချစ်လား .. ဘယ်တုန်းက ချစ်သွားတာလဲ .."
"မောင် ယွန်းကို သိပ်ချစ်တယ် .. ဖြစ်နိုင်ရင် ယွန်းအစား မောင်ပဲခံလိုက်ချင်တယ် .. ယွန်းကို စချစ်ကတည်းက ချစ်ခဲ့တာ .. ယွန်းအပေါ် အနိုင်ယူလို့ရလို့ မောင် အနိုင်ယူခဲ့တယ် .. မောင်မတရားခဲ့ဘူးနော် ယွန်း .. ယွန်းကို ပြန်ဖြည့်ဆည်းပေးချင်တယ် .. ယွန်း မောင့်ကို ခွဲမသွားပါနဲ့နော် .."
"အင်းပါ မောင်ရယ် .. မောင့်ကို ခွဲမသွားပါဘူး .. မောင့်နားမှာ အမြဲတမ်းရှိနေမှာပါ .."

။ ။ ။ ။ ။

ကျမတကိုယ်လုံးပေါ့ပါးလို့ .. ၀ါဂွမ်းတစလို လွင့်မြောနေမိတယ် .. မောင်ရော .. မောင့်ကို ကျမ လိုက်ရှာမိတယ် .. မောင့်မျက်လုံးတွေ နီနေတယ် .. မောင်ငိုနေတယ် .. မငိုပါနဲ့မောင်ရယ် .. ကျမ မောင့်နားမှာ ရှိနေသားပဲ ..

ပြီးပါပြီ
PS/ နှစ်ပိုင်းခွဲချင်လို့မဟုတ်ပဲ ညက ဘယ်လိုမှမတတ်နိုင်တော့လို့ နှစ်ပိုင်းဖြစ်သွားတာပါ .. သည်းခံပါရှင် :D