ကျန်ခဲ့တဲ့ နှစ်ပိုင်းတွေမှာ ကိုယ့်ရဲ့ပြောင်းလဲမှု တိုးတက်မှုနဲ့ ရှေ့လျောက် ကိုယ့်ဘဝ ခရီးအကြောင်းတွေ sharing လုပ်ဖို့ ဒီပေချ့်လေးကို ပြန် အသက်သွင်းဖြစ်ပါတယ်။
ကလေးအမေဖြစ်သွားပြီးနောက်ပိုင်း ကိုယ့်သမီးလေးအတွက် ကိုယ့်ကိုကိုယ် ပိုတိုးတက်ချင်လာတယ်။ ကလေးတွေ အကြောင်း ပိုသိချင်လာတယ်။အကူညီ လိုအပ်နေတဲ့ မိခင်တွေကို ကူညီပေးနိုင်ချင်လာတယ်။ကိုယ့် ဖြတ်သန်းမှုနဲ့ ဆင်တူ ကြုံတွေ့နေကြတဲ့သူတွေ ရှိရင် သူတို့တွက် sharing လုပ်ပေးနိုင်ချင်တယ်။
ကိုယ့် ဖြတ်သန်းမှုလို့ ပြောရင် စင်ကာပူကို ရောက်တာ ၁၅နှစ်၊ ကိုယ့် အသက်က လက်ရှိ ၃၈နှစ် မှာ။လက်ရှိပိုင်ဆိုင်နေတဲ့ ဘဝ က ဟိုးငယ်ငယ်တုန်းတည်းက မသိစိတ်က ဆွဲဆောင်ထားခဲ့ပြီးတဲ့ အရာတွေဆိုတာ သတိထားမိတာ လွန်ခဲ့တဲ့ ၃-၄ နှစ်လောက်ကမှပါ။စောစောသာ ကြိုသိရင် ပိုပြီး လုပ်နိုင်မှာတွေ အများကြီးရှိတယ်ဆိုပြီး အားမလိုအားမရ ဖြစ်ရတယ်။ ဒါပေမယ့် ကိစ္စတိုင်းက အကျိုး နဲ့ အကြောင်းနဲ့မို့ လက်ရှိ အနေထား ကို လက်ခံလိုက်ရတယ်ပေါ့။
ဥပမာပြောရရင် ၁၀တန်းအောင်တော့ ကိုယ့်စိတ်ထဲ တကယ် တက်ချင်တာ အင်ဂျင်နီယာလိုင်း ဖြစ်ပေမယ့် အဲ့အချိန်က hot ဖြစ်တဲ့ Eco ကို ပထမဦးစားပေး ရွေး မိတော့ Eco နဲ့ကျောင်းပြီးခဲ့တယ်။အစက day ကျောင်း လျောက်ခဲ့ပေမယ့် အဲ့အချိန်ရဲ့ လောကဓံကြောင့် အဝေးသင် ဖြစ်သွားခဲ့ပြန်ရော။အဝေးသင်ဆိုတော့ ကိုယ်တွေ ခေတ်က အနီးကပ် ၁၀ရက်တက်ပြီး စာမေးပွဲ ဖြေရတာဆိုတော့ ကြားချိန် အားနေချိန်ကို လူကြီးတွေက အအားမထားပဲ အဒေါ် အစိုးရရုံးမှာ နေ့စားနဲ့ အလုပ်ဝင်/သင်ရတယ်။ အဲဒီ အချိန်တုန်းက နေ့စားဝန်ထမ်း လစာ က ၁ရက်ကို ကျပ် ၁၀၀ .. ရက် ၃၀ မှာ စနေ တနင်္ဂနွေ ၄ပတ်ကို နှုတ်တော့ လစာက လစဥ် ၂၄၀၀ ကျပ် လောက် ရတာ။ ပြီးတော့ အစိုးရ ရုံး ထုံးစံ ဆန်ဆီ စတာတွေ ရောင်းစားပြီး တလ ဝင်ငွေ ၅၀၀၀/၆၀၀၀ ကျပ်လောက် ရခဲ့သည်ပေါ့။အဲဒီအချိန်ရဲ့ ဘဝကတော့ ကျောင်း စာမေးပွဲနီးရင် ကျူရှင်နဲ့ အနီးကပ် ကျောင်းတက်ပြီး စာမေးပွဲ ဖြေ ဒီလိုနဲ့ Eco ဘွဲ့ ရ .. ဘွဲ့ရပြီးနောက် အဲ့အချိန်ရဲ့ trend အရ ကွန်ပျူတာသင်တန်းတွေ တက် autocad, photoshop စသည်ဖြင့်တွေ တက် ။အဲဒီလိုကနေ အစ်မဝမ်းကွဲဆိုင်မှာ ကွန်ပျူတာ နဲ့ design ကို ကူ။ နောက် အစ်မလုပ်သူ စင်ကာပူထွက်လာတော့ အဲ့ဆိုင်လေး လက်လွှဲယူ သူငယ်ချင်း ၂ယောက် တူတူလုပ်ကြ။ ဒါပေမယ့် မီးအချိန်မမှန် ဒုက္ခတွေပေးတော့ ရေရှည် မရပ်တည်နိုင် ရာက အစ်မသွားတဲ့နောက် လိုက် စင်ကာပူကို ၂၀၀၈ မှာ ရောက်။
စင်ကာပူရောက်တော့ မြန်မာနိုင်ငံက ဘွဲ့လေး ကယ်ပြီး spass လျောက်ခွင့်ရ အလုပ်ကျ ဘွဲ့နဲ့မဆိုင်သော autocad/draftperson အလုပ်နဲ့ စ။ နောက်တလုပ်ပြောင်းတော့ သူဌေးကျေးဇူးနဲ့ BCA diploma တက်ခွင့်ရ engineer လမ်းကြောင်းပေါ် ရောက် .. တိုတိုပြောရရင် လက်ရှိ transport engineer position နဲ့ အလုပ်လုပ်ခွင့်ရနေတယ်ပေါ့။
အရှေ့က စာ ပြန်ကောက်ရရင် ကိုယ့် မသိစိတ်ထဲက ဆွဲဆောင်ထားပြီးသား ဖြစ်တဲ့ engineer ဆိုတာကို ပြန်ရောက်လာခဲ့တယ်ဆိုတာပါ။ ဆိုလိုရင်းက ကျမတို့ ကိုယ့်စိတ်ကိုသေချာသာ အစတည်းက သိရင် ကိုယ် လိုချင်တဲ့ ပန်းတိုင်ကို ရောက်ဖို့ နှစ်တွေ အများကြီး ချုံ့နိုင်မှာသေချာတယ်။ ခုဆို ကိုယ့်မှာ သမီးလေးလဲရှိနေပြီဆိုတော့ ကိုယ့်ရဲ့ next generation ကို ကိုယ့်တုန်းကလို တွေဝေမှုတွေနဲ့ မကြီးပြင်းစေချင်ဘူး။ကိုယ်ဖြစ်စေချင်တဲ့ လမ်းကြောင်းဖောက်ပြီး လျောက်ခိုင်းမှာမျိုး မဟုတ်ပဲ သူတို့ စိတ် သူတို့ သိ သူတို့ ကိုယ်ပိုင် အသိဥာဏ်နဲ့ ရွေးချယ်မှုတွေ လုပ်နိုင်ဖို့ ပံ့ပိုးပေးချင်တာမျိုးပါ။
perfect ဆိုတာ မရှိနိုင်ဘူးမို့ အကောင်းဆုံးကြိုးစားပြီး သင်ယူမယ် ပြန်ပြီး sharing လုပ်မယ်ဆိုတာ ခု page ပြန်အသက်သွင်းရတဲ့ ရည်ရွယ်ချက်ပါပဲ။
No comments:
Post a Comment