ကျမ မြတ်နိုးသော မေတ္တာစိတ်

အယုံကြည်ဆုံးသော ခံယူချက်ကိုပြောပါလို့ ဆိုလာရင် “တူသောအကျိုးပေးပါမယ်”လို့ မဆိုင်းမတွ ပြောမိပါလိမ့်မယ် .. ဟုတ်ပါတယ် .. ခုလက်ရှိကြုံရဆုံရသော ကောင်းကျိုးဆိုးကျိုးတွေဟာ ကျမတို့ ပြုခဲ့တဲ့ ကောင်းကြောင်းဆိုးကြောင်းတွေကြောင့်ပေါ့ .. ဒီတော့ တဦးတည်းသော တရားခံကြီးဟာ ကိုယ်တိုင်ပဲ မဟုတ်ပါလား ..

ကျမတို့ လူ့ဘ၀စရကတည်းက အငိုနဲ့စရပါတယ် .. နောက်ဆုံးအချိန်မှာ တခြားသောသူများက ငိုကြွေးခြင်းနဲ့ ခရီးဆုံးကို လိုက်ပို့ပါဦးမယ် .. အသက်ရှင်စဉ်တခဏလေးမှာရော .. ပူပန်ခြင်း စိုးရိမ်ခြင်း ကြောင့်ကြ တောင့်တခြင်းတွေနဲ့ ရီတခါ ငိုတလှည့် ဖြတ်သန်းကြရသူများပါပဲ .. ကျမတို့ ရှင်သန်ခွင့်ဟာ ၁၀နှစ်လား အနှစ် ၂၀လား အနှစ် ၁၀၀ လား .. မနက်ဖြန်ဆိုတာတောင် မသေချာသော ဘ၀များပါပဲ .. မနက်ဖြန်ဆိုတာဝေးသေးတယ် .. ခုလေးတင်ပဲ ၀င်လေပြန်မထွက်ခင်မှာတောင် ကျမတို့ အသက်ရှုခြင်းဟာ ရပ်တန့်သွားနိုင်ပါသေးတယ် ..

မျက်စိရှေ့မှာ ဘ၀တွေများစွာ ပျော်ရွှင်ချမ်းမြေ့နေတယ် .. မျက်စိရှေ့မှာ ဘ၀တွေများစွာ ပူလောင်ကြောင့်ကြနေတယ် .. မမြဲသောတရားတွေပေမယ့် ကျမတို့ အပြောင်းအကွေ့ကိုပဲ ခံနိုင်ရည် မရှိကြသေးပါဘူး .. ဘ၀ဟာ သိပ်တိုပါတယ် .. အသက်ရှုခွင့်ရှိဆဲ အခိုက်မှာ ကျမတို့ သံသရာပိုရှည်ကြောင်းတွေ လုပ်ဖြစ်နေကြပါတယ် .. ဒါဟာ ရင်ထဲက လောဘ ဒေါသ မောဟ မာန်မာနတွေကြောင့်ပဲ မဟုတ်ပါလား ..

ကိုယ်မဟုတ်တဲ့ အခြားသူများကို မှန်တချပ်လို့ ဆိုကြပါစို့ .. မှန်ရှေ့ရပ်ပြီး ကိုယ့်မျက်နှာပြုံးရင် မှန်ထဲက ပုံရိပ်က ပြုံးနေသလို အခြားသူများကို မေတ္တာစိတ်နဲ့ ကြည်ကြည်လင်လင် ပြုံးပြကြည့်ရင် တဖက်ကလည်း တူသောအပြုံးမျိုး ပြန်တုံ့ပြန်ပါလိမ့်မယ် ..

ကျမတို့ သာမန်လူပုဂ္ဂိုလ်တွေ မတတ်နိုင်တာတွေ သိပ်များပါတယ် .. စစ်တွေဖြစ်တယ် .. ကျမတို့ မဖြစ်စေချင်ဘူး ငြိမ်းချမ်းစေချင်ပေမယ့် ရပ်တန့်အောင် မစွမ်းနိုင်ပါဘူး .. ဒီတော့ ရပ်တန့်အောင်မစွမ်းနိုင်ရင် ဘာလုပ်မလဲ .. တဖက်တလမ်းက အကူအညီပေးမလား .. ငွေအားလား လူအားလား .. အဲဒီလို မတတ်နိုင်သေးရင်တောင် မေတ္တာစိတ်နဲ့ သူတို့တွေကို ချမ်းသာစေချင်စိတ်နဲ့ မေတ္တာပို့ပေးနိုင်ပါတယ် .. မေတ္တာစွမ်းအား စိတ်တန်ခိုးဟာ အလွန်မှ အင်အားကြီးမားတယ်လို့ ကျမစိတ်ထဲ ယုံကြည်တယ် .. ယုံကြည်သလို သတိရတိုင်း အချိန်အားတိုင်း “အားလုံးသော သတ္တ၀ါတွေ ကျန်းမာပါစေ ချမ်းသာပါစေ ဘေးရန်ကြောင့်ကြ ဆင်းရဲကင်း၍ ကိုယ်စိတ်နှစ်ဖြာ ကျန်းမာ ချမ်းသာပါစေ” လို့ အမြဲ ရေရွတ်နေပါတယ် .. အဲဒါရဲ့ ချက်ချင်းအကျိုးကတော့ ကိုယ်တိုင် စိတ်အေးချမ်း လုံခြုံတာပါပဲ ..

ကျမတို့ ဘေးပတ်ဝန်းကျင်မှာ မြင်နိုင်သော မမြင်နိုင်သော ဘေးအန္တရာယ်တွေ ၀ိုင်းနေပါတယ် .. နောက်မျက်စိတမှိတ်အတွင်းမှာတောင် ဘာဖြစ်မယ် မသိရတဲ့ ဘ၀ကြီးတွေကို ပိုင်ဆိုင်ထားကြတာပါ .. တခါတလေ အတွေးတွေ နယ်လွန်ပြီး စိုးရိမ်တာ ကြောက်လန့်တာ ဖြစ်တတ်ပါတယ် .. ကျမဆို တခါတလေ အကြောင်းမယ်မယ်ရရမရှိပဲနဲ့ ကြောက်စိတ်ဝင်တာမျိုးဖြစ်လေ့ရှိပါတယ် .. အဲဒီအခါမျိုးဆို ကျမအမြဲ ရွတ်ဆိုလေ့ရှိတာက မေတ္တာပို့ပါပဲ .. မေတ္တာပို့ရွတ်မိလိုက်ရင် စိတ်ထဲ လုံခြုံတဲ့စိတ် ဖြစ်သွားတာတော့ အမှန်ပါပဲ .. အဲဒီလိုအချိန် တခုခုဖြစ်သွားတယ်ထားပါဦး ကိုယ့်ဘက်မှာ အရှုံးမရှိနိုင်ပါဘူး ..

ကျမတို့ ရှေ့မှာ ရွေးချယ်စရာတွေ သိပ်အများကြီးလို့ ထင်ရပေမယ့် တကယ်တော့ ၂ခုတည်းပါ .. ကုသိုလ်နဲ့ အကုသိုလ် ၂မျိုးပေါ့ .. ကုသိုလ်ဖြစ်နေတဲ့အချိန်မှသာ အကုသိုလ်မဖြစ်နိုင်တာလို့ ဆိုထားတော့ ကျမတို့ ရှေ့က မသေချာ မရေရာတဲ့ သံသရာခရီးကြီးကို သွားဖို့ ဘယ်အရာကို ရွေးချယ်ကြမလဲ .. ??

ကျမလား .. အတတ်နိုင်ဆုံး အကောင်းဆုံးဖြစ်ဖို့ ကြိုးစားဆဲ ပါပဲ ..
အားလုံးသော သတ္တ၀ါတွေ ကျန်းမာပါစေ ချမ်းသာပါစေ ဘေးရန်ကြောင့်ကြ ဆင်းရဲကင်း၍ ကိုယ်စိတ်နှစ်ဖြာ ကျန်းမာ ချမ်းသာပါစေ
(သီလရှင်ဝတ်တော့မလားလို့တော့ မမေးပါနဲ့ .. ပါရမီ အဲ့လောက် ကောင်းမယ်လို့ မထင်မိသေးပါဘူး :D)

ရောက်ရာပေါက်ရာ အတွေးများ

ကျမတွေ့ဘူး သိဘူးသမျှ မြန်မာလူမျိုးတွေမှာ အရိုးစွဲနေတဲ့ အကျင့်လေးတွေ အစွဲအလန်းလေးတွေ တော်တော်များပါတယ် ..

ဥပမာ - ငယ်ငယ်တုန်းက ကျမ မေကြီးဖက်က အဖွားတို့ အဒေါ်တို့ဆိုရင် သေစကားပြောတာတို့ အပျက်စကားပြောတာတို့ကို မကြိုက်ပဲ ရှောင်ကြပါတယ် .. တခါတလေ ကျမက လမ်းသွားရင်း သေသွားရင်ဆိုတဲ့စကားမျိုးပြောမိလိုက်တာနဲ့ စကားနောက် တရားပါတယ် မပြောရဘူးလို့ ပြောတတ်ကြတယ် .. ငယ်ငယ်ကတော့ ကြောက်တယ်လေ .. အဲလိုပြောကြတော့ နောက် မပြောရဲဘူးပေါ့ .. ပြီးတော့ ဘယ်က ဘယ်လို စကားတွေ လက်ဆင့်ကမ်းလာတယ်တော့ မသိပါဘူး .. အသုဘအိမ်ရှေ့မဖြတ်ရဘူး တို့ .. သချို င်္င်းကုန်း လက်ညှိုးမထိုးရဘူး အကယ်၍ ထိုးမိရင် လက်ညှိုးကို ၇နှစ်ချက် အသက်အောင့် ကိုက်ရတယ်ဆိုတာတွေ အများကြီး အများကြီးပါပဲ .. အဲဒီအချိန်က မစဉ်းစားတတ်သေးပဲ သူများပြောသမျှ လိုက်လုပ်လိုက်တာပါပဲ ..

ခုတော့ ကိုယ့်ရဲ့ တထွာ တမိုက် ဥာဏ်လေးနဲ့ စဉ်းစားတတ်သလောက် မှတ်ထားသလောက်နဲ့ လုပ်သင့်တယ်ထင်ရင် ကိုယ်ပိုင် အတွေးနဲ့ လုပ်လိုက် မလုပ်သင့်တာလို့ ကိုယ့်ဦးနှောက်က ဆုံးဖြတ်ပေးရင် မလုပ်လိုက်နဲ့ ကိစ္စတော်တော်များများကိုယ် စိတ်တိုင်းကျ လုပ်ပိုင်ခွင့်ရတဲ့အချိန်မှာတော့ ကျမတွေးမိတယ် .. ငယ်ငယ်က တချို့ကိစ္စတွေက တော်တော်ရယ်စရာကောင်းပါလားပေါ့ .. ဒါဆို ခု ကိုယ်ကရယ်စရာတွေ မလုပ်မိတော့ဘူးလား .. ???? .. သိပ်တော့ မထင်သေးဘူး .. မတူညီတဲ့ကိစ္စတွေ လုပ်ရပ်တွေနဲ့ တချိန်ကျ ရယ်စရာ ကောင်းနေလိမ့်ဦးမယ် ..

ဒီလိုပါပဲ အသိဥာဏ် နုံနဲ့စဉ်က ကိုယ့်စိတ်ကို လေးလံစေတဲ့ အရာတွေဟာ ခုချိန်မှာ ဘာမှ မဟုတ်တော့သလို ..

ခုချိန် ကိုယ့်ရဲ့စိတ်ကို ပင်ပန်းစေတဲ့ အရာတွေဟာလည်း နောင် အချိန်ကာလတခုမှာ "ငါဟာ အဲဒီအချိန်က တော်တော် ရယ်စရာကောင်းခဲ့ပါလား" လို့ တွေးမိစေလိမ့်ဦးမယ် ..

တကယ် ပို့စ် စရေးတုန်းက ရေးချင်တဲ့ အကြောင်းအရာနဲ့ လမ်းလွဲနေပါပြီ .. :D ကျမ တကယ်ရေးတုန်းက အစွဲအလန်းအကြောင်း .. ဥပါဒ်ဒဏ်ကြောင့် ဥပါဒ်ရောက်တတ်တဲ့ အကြောင်းပါ .. :D ခုတော့ လွဲနေပြီ ..

ပြန်ကောက်ရမယ်ဆိုရင် ..

ကျမတို့ မြန်မာလူမျိုးတွေက အစွဲအလန်း ရိုးရာဆိုတာတွေကို အစွန်းရောက်လေ့ ရှိကြတယ် .. တသက်လုံး ယဉ်ပါးလာတဲ့ အရာတွေမို့ ပစ်ဖို့ ခဲယဉ်းတာလည်း ပါပါလိမ့်မယ် ..

ဒီ အရှေ့က ပို့စ်မှာ ကျမအတွက် အချိန် သိပ်မကျန်တော့ဘူးလို့ ရေးခဲ့တယ် .. ဒီလိုရေးတာသာ အဖွားတို့ ရှိနေသေးလို့ သိရင် နိမိတ်မရှိတာ နိမိတ်မကောင်းတာတွေ ရေးတယ်ပြောတယ်လို့ ဆုံးမကြဦးမယ် ထင်ပါတယ် ..း)

အချိန်တွေ တရွေ့ရွေ့ ကုန်နေပါတယ် .. နေ့ရက်တွေလည်း တရက်ပြီး တရက် ကုန်ကုန်လာနေပါတယ် .. ကုန်နေသမျှ အချိန် နေ့ရက်တိုင်းက သေဖို့ တရွေ့ရွေ့ နီးနီးသွားတာပါပဲ .. တခါတခါ တယောက်တည်း ရှိနေချိန်ဆို အတွေးတွေ သိပ်များတတ်ပါတယ် .. ကိုယ်တိုင်နဲ့ လူတွေရဲ့ အကြောင်း စိတ်ဓါတ်တွေ အကြောင်း လုပ်ရပ်တွေ အကြောင်း .. ကြီးကျယ်တယ်တော့ မထင်ပါနဲ့ .. :D

သေတယ်ဆိုတာက တော်တော် ကြောက်စရာကောင်းမယ့် ကိစ္စ ဖြစ်သလို တော်တော်လည်း စိတ်ဝင်စားစရာကောင်းပါတယ် .. ဘယ်လို ပုံစံ သေမလဲ .. ဘယ်လိုအချိန် သေမလဲ မသေချာပေမယ့် သေမှာတော့လည်း သေချာနေပြန်ပါတယ် ..

ခုချိန်ထက် ပိုကောင်းသော အချိန် မရှိ တဲ့ .. ခု လက်ရှိရနေတဲ့အချိန်က အကောင်းဆုံးပါပဲ .. ကျမတို့ ဘာတွေ လုပ်ကြမလဲ ..

ရန်လိုမှုတွေနဲ့ ဖြတ်သန်းမလား .. နားလည်မှုတွေနဲ့ ဖြတ်သန်းမလား .. ??
ငိုကြွေးခြင်းတွေ နောင်တတွေနဲ့ ဖြတ်သန်းမလား .. ပျော်ရွှင်မှုတွေ ကူညီမှုတွေနဲ့ ဖြတ်သန်းမလား .. ??
အားလုံးကတော့ ကိုယ့်ရဲ့ ရွေးချယ်မှုသာပါပဲ ..း)

ကိုယ့်လုပ်ရပ်ကိုယ်စစ်

မနက်က ပီအမ်ရေးထားတဲ့စာကို ဖတ်လိုက်မိတယ် .. ပြီးတော့ ကိုယ့်ရှေ့မှာ မြင်နေ တွေ့နေ ကြားနေရတာတွေနဲ့ ဆက်စပ်မိပြီး အခုစာကို ရေးဖြစ်သွားတယ် ..

ကျမဘ၀တလျှောက်လုံး မွေးဖွားကြီးပြင်းပုံက အထွေအထူးမရှိပါဘူး .. သာမန်မိသားစုတစုကပဲ ပေါက်ပွားလာတာပါ .. ဦးလေး အဒေါ်တွေက ၀န်ထမ်းတွေများပါတယ် .. အမေကိုယ်တိုင်လည်း ၀န်ထမ်းပါပဲ .. ပြီးတော့ ဦးလေး အဒေါ်တွေက လူပျိုကြီး အပျိုကြီးတွေနဲ့ တိုက်မှာ အပေါ်ထပ် အောက်ထပ်နေပါတယ် .. ဒီတော့ နေရထိုင်ရ နည်းနည်းကြပ်တယ်ဆိုပါတော့ .. လွတ်လွတ်လပ်လပ် သိပ်မနေရဘူး .. သူ့အရွယ်နဲ့ သူတော့ ပေးသင့်တဲ့ လွတ်လပ်မှုမျိုးတော့ ပေးပါတယ် .. ဒါက ခုမှ နားလည်လာတာပါ .. ငယ်ငယ်တုန်းကတော့ စိတ်ဆိုးဘူးတယ် .. သူများတွေလို လွတ်လွတ်လပ်လပ် မနေရလို့ ..

ကျမအသက်က အခု ၂၄ ထဲမှာ .. အခုချိန်ထိ မိသားစုနဲ့ မဟုတ်ပဲ သူငယ်ချင်းတွေနဲ့ချည်းပဲ ထွက်တဲ့ ခရီး ၂ခါပဲ သွားဖူးတယ် .. အရင်နှစ်က ဒီဇင်ဘာမှာ ကျိုက်ထီးရိုးတခါတက်ပြီး .. အခုနှစ် တခေါက်ရန်ကုန်ပြန်တုန်းက တခါ ကျိုက်ထီးရိုးတက်တယ် .. ဒါပဲသွားဖူးပါတယ် .. ဒါတောင်မှ ခရီးတိုလို့ပါ .. အင်း .. ရီစရာတော့ဖြစ်နေမလားပဲ .. အသက်က ၂၄ နှစ် အခုလောလောဆည်လည်း သူများနိုင်ငံမှာ အလုပ်လုပ်နေတယ် .. ဒါပေမယ့် ရန်ကုန်ပြန်ရောက်တော့ မြန်မာနိုင်ငံတွင်းခရီးထွက်တာ လိုက်ကန့်သတ်တဲ့မိဘတွေကို တချို့ကတော့ ပိုတယ်လို့ ထင်ကြမယ် .. ဒါပေမယ့် မိဘက မိဘပဲလေ .. မတတ်သာလို့သာ (တနည်း) ရှေ့ရေးအတွက်မို့သာ သူများနိုင်ငံ မလွှတ်ချင်ပဲ လွှတ်လိုက်ရပေမယ့် မျက်စိအောက်ကတော့ အပျောက်မခံချင်ကြတာ မိဘရဲ့ စိတ်ပဲဆိုတာ တဖြည်းဖြည်းနားလည်လာတယ် ..

သားသမီးတွေကို အဝေးမှာထားရလို့ မိဘတွေ အချိန်ပြည့်စိတ်ပူနေမယ်ဆိုတာ သားသမီးတွေအနေနဲ့ သိဖို့ကောင်းတယ် .. မိဝေးဘဝေးမို့ မျက်ကွယ်ရာပဲဆိုပြီး နေချင်သလိုနေတာ .. မသိနိုင်ဘူးထင်ပြီး လုပ်ချင်ရာလုပ်တာတွေက တကယ်တော့ ဘယ်သူ့ကို ထိခိုက်တာလဲ .. သေချာစဉ်းစားကြည့်ရင် ကာယကံရှင်က အထိခိုက်ဆုံးပါ .. သွယ်ဝိုက်ပြီး ထိခိုက်သူတွေကတော့ မိဘနဲ့ ကိုယ့်အသိုင်းအ၀ိုင်းပဲပေါ့ ..

အမေက ပြောဘူးတယ် .. ယောကျားလေးတယောက် ကိုယ့်ကိုချဉ်းကပ်တာခံရပြီဆို ကိုယ့်ကိုယ်အရင်ပြန်ဆန်းစစ်ပါတဲ့ .. ဘာကြောင့် ချဉ်းကပ်သလဲ .. အလွယ်ရမယ်ထင်လို့လား .. တကယ်မြတ်နိုးလို့လား ..

လမ်းဘေးထိုင်ပြီး ပါးစပ်သရမ်းတဲ့လူမျိုးကို ကျမအထင်မကြီးတတ်ပါဘူး .. အဲဒါလည်း မိန်းကလေးတယောက်ကို စော်ကားနည်းတမျိုးပါပဲ .. ဒါပေမယ့် အဲဒီမှာလည်းနှစ်ဖက်ကြည့်ရပါမယ် .. သူဘာလို့ ကိုယ့်ကိုဒီလိုဆက်ဆံလဲ .. ကိုယ့်အနေအထိုင်အပြောအဆိုက စချင်စရာဖြစ်လို့လား .. ဒီလိုဆို သူတို့ကို အပြစ်ပြောလို့မရပါဘူး .. ကိုယ့်အပြစ်ပါ .. သူများစ စရာဖြစ်အောင် နေမိတာကိုး .. ဒီလိုမဟုတ်ဘဲ မိန်းမမြင်သမျှလိုက်စနေတဲ့လူဆိုရင်တော့ တော်တော်အထင်သေးစရာကောင်းပါတယ် ..

စင်ကာပူနိုင်ငံမှာ နေခိုင်ခွင့်အမျိုးမျိုးနဲ့ နေထိုင်ကြတဲ့ မြန်မာတွေ သိန်းဂဏန်းရှိပါတယ် .. ဒီထဲမှာ ကောင်းတဲ့လူရော မကောင်းတဲ့လူပါ ပါပါတယ် .. တချို့လည်း မြန်မာအချင်းချင်း အမြတ်ထုတ်တဲ့လူတွေလည်းတွေ့ရပါတယ် .. တချို့လည်း ပါးစပ်နဲ့ပဲ အသားယူလိုက်ရ ယူလိုက်ရဆိုတာမျိုးလည်း မြင်ဘူးပါတယ် .. တကယ်ဆို ကိုယ်လည်း မြန်မာ သူလည်းမြန်မာ .. ကိုယ့်နိုင်ငံမှာ လုပ်ကိုင်ဖို့ အခွင့်အလမ်းမရှိလို့ သူများနိုင်ငံလာပြီး ဒုက္ခခံရတာပါ .. ဒါတွေကို ကိုယ်တိုင်လည်းခံစားဘူးမှာပါ .. ကိုယ်တွေ့အသိရှိရက်နဲ့ အကူအညီမပေးနိုင်ရင်တောင် စော်ကားတာမျိုးမလုပ်သင့်ပါဘူး .. တတ်နိုင်သလောက် ကာကွယ်ပေးသင့်ပါတယ် ..

မိန်းကလေးတွေအနေနဲ့လည်း လူတဖက်သားက ကိုယ့်ကို အထင်သေးစေမယ့် အပြုအမူအပြောအဆိုမျိုးကို ရှောင်ကြဉ်သင့်ပါတယ် .. သူများကိုပဲ အပြစ်ပြောပြီး ကိုယ့်မျက်ချီးကိုယ်မမြင်တာမျိုးမဖြစ်သင့်ပါဘူး .. လက်ခုပ်ဆိုတာနှစ်ဖက်တီးမှမြည်တာပါ .. ကိုယ်က စိတ်လိုလက်ရ လိုက်တီးပြီးမှ အပြစ်ကို သူများပုံချတာလည်း မဖြစ်သင့်ပါဘူး .. ကိုယ်ဟာ မြန်မာမိန်းကလေးဖြစ်တဲ့အတွက် မြန်မာမိန်းကလေးအားလုံးအပေါ် ကိုယ်စားပြုပါတယ် .. ကိုယ့်လုပ်ရပ်ကြောင့် မြန်မာမိန်းကလေးတွေအကုန်လုံး အထင်အမြင်သေးခံရနိုင်တယ် ဆိုတဲ့အတွေးလေးကို ခေါင်းထဲထည့်ထားပြီး ကိုယ့်လုပ်ရပ် ကိုယ်ပြန်စစ်ကြရအောင် ..
 
မှတ်ချက် = စိတ်ထဲရှိသလို ချရေးထားခြင်းဖြစ်ပါသည် ..
အားလုံးကို လေးစားလျှက်

အဆုံးသတ်မရောက်ခင်

ကျွန်မတို့ရဲ့ သတ္တကမ္ဘာလောကကြီးမှလူအမျိုးမျိုး တည်ရှိနေထိုင်ကြတဲ့အတွက် "လူအမျိုးမျိုးစိတ်အထွေထွေ"ဆို

တဲ့ စကားအတိုင်း လူတိုင်း လူတိုင်းရဲ့ ခံယူချက်၊ စိတ်ကူးစိတ်သန်း ၊ရည်မှန်းချက် ၊ ရည်ရွယ်ချက်၊ လိုက်နာဆောင်ရွက်မှု၊ ကြိုးစားအားထုတ်မှု ၊ စိတ်နေသဘောထား၊ ကိုးကွယ်ယုံကြည်မှု ၊ပတ်ဝန်းကျင် အသိုင်းအ၀ိုင်း မွေးဖွားကြီးပြင်းပုံ စသည် အားလုံးက အစစ အရာရာကွာခြားနေကြတယ် .....။

ဒီလိုစိတ်တွေ အမျိုးမျိုးကွဲပြားနေတာကြောင့် တစ်ယောက်နဲ့တစ်ယောက် ၊ အသင်းအဖွဲ့အစည်း တစ်ခုနဲ့တစ်ခု ဆက်နွယ်ပတ်သက်ကြတဲ့နေရာမှာ သဘောတရား နားလည်လွဲမှားမှုတွေ အထင်လွဲမှားမှုတွေဖြစ်ပြီး မဖြစ်သင့်တဲ့ အခြေအနေမျိုးနဲ့ အမုန်းတရားတွေ အာဃာတတွေ အမြင်မကြည်လင်မှုတွေနဲ့ နောက်ဆုံး လမ်းခွဲကြရတဲ့ အဖြစ်မျိုးတွေထိ ဖြစ်နေကြတယ် ….။

ကျွန်မတို့တွေဟာ အသက်ရှင်နေသ၍ လူအမျိုးမျိုးနဲ့ပေါင်းသင်းဆက်ဆံနေရဦးမှာပါ .....။

ကျွန်မတို့အသက်ရှင်နေသ၍ ပတ်ဝန်းကျင်နဲ့ ကင်းကွာပြီးနေဖို့ဆိုတာမဖြစ်နိုင်ပါဘူး .. ဒါကြောင့်မို့ လူတစ်ယောက်ကို ချစ်သည်ဖြစ်စေ မုန်းသည်ဖြစ်စေ မနှစ်သက်သည်ဖြစ်စေ အသက်ရှင်နေသ၍ ပြောဆိုဆက်ဆံနေရအုံးမှာပါပဲ ....။

ဘယ်လိုပဲဖြစ်ဖြစ် ပြောဆိုဆက်ဆံရမှာချင်း အတူတူ အဆင်ပြေပြေကောင်းကောင်းမွန်မွန်ပဲ တွေ့ကြ ဆုံကြ လမ်းခွဲကြတာဟာ အကောင်းဆုံးပါ….. လူတွေက နောက်ဆုံးမှာတော့ ဘယ်လောက်ချစ်ချစ် ဘယ်လောက်မုန်းမုန်း ဘယ်လောက်ပဲမခွဲခွာချင်ပါဘူးပြောပြော တနေ့တော့ မဖြစ်မနေ ကွဲကွာခြင်းနဲ့ပဲ အဆုံးသတ်ကြမှာပါ .....။

မဖြစ်မနေကွဲကွာခြင်းဆိုတာကတော့ သေခြင်းတရားပါပဲ.. သူလည်းသေလူ ကိုယ်လည်းသေလူဆိုတာကို သိနေကြ ပြီပဲ .. ဘာအတွက်နဲ့ ကိုယ်က မာနတွေကြီး အမုန်းတရားတွေထားပြီး သူများတကာကို မခေါ်နိုင်မပြောနိုင်တွေ ဖြစ်နေရဦးမှာလဲ .. ဒီလူတစ်ယောက်ကိုမုန်းတဲ့အတွက်ကိုယ့်မှာ ဘာအကျိုးတရားရှိသွားပါသလဲ .. ကိုယ့်မှာ သူ့ကို မုန်းပြီးဒေါသထွက်ရလို့ အချိန်ကုန် ၊ လူပင်ပန်း၊ စိတ်ပင်ပန်း၊ ကိုယ့်မှာရှိတဲ့ တာဝန်တွေလစ်ဟင်းရုံကလွဲပြီး ကိုယ့်အတွက်ဘာအကျိုးတရားရရှိသွားပါသလဲ.. ကိုယ်ပဲ မအေးချမ်းနိုင် ပူလောင်နေမှပေါ့ .. သူကဘာဖြစ်မှာလဲ .. ကိုယ်သူ့ကို မုန်းနေတယ်ဆိုတာ သူကသိတောင်သိပါ့မလား .....။

ဒီတော့ သူ့ဘက်ကိုမစဉ်းစားပဲ ကိုယ့်အကျိုးဘက်ကနေပဲ စဉ်းစားကြည့်ရအောင် .. ကိုယ်လုပ်နေတာတွေဟာ သူ့ကို ကိုယ့်ရဲအဖိုးတန်အချိန်တွေပေးပြီး မုန်းနေရသလိုပါပဲ .. သူအတွက် ကိုယ်ရဲ့အဖိုးတန်အချိန်တွေပေးရလောက်အောင်တန်ပါသလား .. အကျိုးလည်းမရှိတဲ့အပြင် ကိုယ်အတွက်ပါထိခိုက်နေပြီဆိုရင်တော့ အပင်ပန်းမခံပဲ သူ့ကိုခွင့်လွှတ်ကြည့်လိုက်ပါလား .. ကိုယ်အတွက်နဲနဲတော့အေးချမ်းသွားမှာအမှန်ပါ
အကယ်၍ ခွင့်မလွှတ်နိုင်ဘူးဆိုရင်တောင် သူ့ကို ကိုယ့်စိတ်ထဲမှာ ရှိတယ်လို့သဘောမထားပဲ ဥပက္ခာသဘောလေးထားကြည့်ပါ .. နဲနဲတော့အေးချမ်းသွားမှာပါအမှန်ပါ .....။

အားလုံးဟာ ခွဲခွာခြင်းမှာ အဆုံးသတ်မယ်ဆိုတာ သေချာနေပါတယ် .. ကွဲကွာကြရမယ့် အတူတူ ရှိနေတဲ့ အချိန်ကလေးအတွင်းမှာ ဘာလို့ တစ်ယောက်ကိုတစ်ယောက် အမုန်းတွေ အာဃာတတွေ အတ္တတွေ မာနတွေနဲ့ အချင်းချင်းပူလောင်အောင် တိုက်ခိုက်တာတွေ လုပ်နေကြတာလဲ .. တကယ်တမ်း အဲဒါဟာ အဓိပ္ပါယ်ရှိရဲ့လား .....။

လူတွေဟာ တစ်ယောက်နဲ့တစ်ယောက်တိုက်ခိုက်တဲ့နေရာမှာ အရင်ဆုံးတိုက်ခိုက်မိကြတာကတော့ စကားလုံးတွေနဲ့ပါပဲ .. လူကိုမုန်းစေတာလည်းကိုယ့်ရဲ့စကားတစ်ခွန်းပါပဲ .. ချစ်စေတာလည်း အဲဒီစကားတစ်ခွန်းပါပဲ .. ဒီပါးစပ်ပေါက်လေးတစ်ခုနဲ့ပဲ လူတွေ ကောင်းစားသွားတာရှိသလို .. အမုန်းတွေပွား ရန်ငြိုးတွေဖွဲ့ရင်း သတ်ကြဖြတ်ကြတဲ့ အထိဖြစ်တာတွေလည်းကြားဖူးသိဖူးကြမှာပါ .....။

လူတစ်ယောက်ရဲ့ စိတ်ဓါတ်အဆင့်အတန်းဟာ ဒီလူတစ်ယောက်ပြောလိုက်တဲ့စကားပေါ်မှာ သိသာနိုင်ပါတယ် .. ကိုယ်ပြောလိုက်တဲ့စကားတစ်ခွန်းကြောင့် ကိုယ့်အပေါ်ကို အထင်ကြီးလေးစားခံရတတ်သလို .. ကိုယ့်စကားကိုကြည့်ပြီး ကိုယ့်ကို အထင်သေးစိတ်ဝင်သွားတာမျိုးလည်းဖြစ်တတ်ပါတယ် .. (သူများအထင်ကြီးခံချင်တာနဲ့ အထင်ကြီးစေတဲ့စကားတွေကို လုပ်ပြောဖို့မဟုတ်ပါဘူး .. လုပ်ပြောတယ်ဆိုကတည်းကလည်း အစစ်အမှန်မဟုတ်လို့ ကိုယ်ပြောတဲ့စကားက ကိုယ့်ရဲ့ စိတ်ဓါတ် အဆင့်အတန်းကို သိသာစေတာကြောင့် ထိန်းထိန်းသိမ်းသိမ်းပြောဖို့ ကို ဆိုလိုတာပါ..)

ငါကတော့ စကားကိုဒီလိုပဲပြောတတ်တယ် .. ငါ့စိတ်ထားကတော့ကောင်းပါတယ် ..ဆိုတဲ့ လူဖြောင့် စိတ်တို ဆိုတာမျိုးတွေကိုလည်း ကြားဖူးမှာပါ.....။

ချိုချိုသာသာပြောလည်း ဒီစကားပါပဲ .. ဆဲဆိုအော်ဟစ်ပြောလည်း ဒီစကားပါပဲ .. စကားကတော့ ဒီစကားပါ ဒါပေမယ့် အပြောခံရသူရဲ့စိတ်ထဲမှာတော့ နာခံချင်စိတ် လက်ခံချင်စိတ်ကွာခြားသွားနိုင်ပါတယ် လူ့အကျင့်ဆိုတာ ပြုပြင်ယူရပါတယ် .. ဒီလိုပြုပြင်ဖို့ကလည်း ကိုယ့်ရဲ့အကျင့်ကဘယ်လိုရှိတယ်ဆိုတာကို သိဖို့လိုပါတယ် .. သိပြီးရင်လည်း သိရုံနဲ့ မပြီးပါဘူး .. ဘယ်အကျင့်တွေကမကောင်းဘူးလဲ ဘယ်အကျင့်တွေကကောင်းလဲဆိုတာ ခွဲခြားတတ်ရပါမယ် .. ကောင်းတယ် ဆိုးတယ် ခွဲခြားသိပြီးရုံနဲ့လည်း အသုံးမ၀င်သေးပါဘူး .. ကောင်းတာကိုယူပြီး မကောင်းတာကို စွန့်နိုင်ဖို့ ကြိုးစားရပါအုံးမယ် ..
မကောင်းတာကိုသိရက်နဲ့ ငါကအကျင့်ပါနေပြီ .. မွေးကတည်းကဒီလိုပဲပြောဆိုနေထိုင်လာတာ .. ဆိုပြီးထားလိုက်ရင် ကျွန်မတို့ဟာ ဘယ်တော့မှ စိတ်ဓါတ်အဆင့်အတန်းမြင့်တဲ့လူ၊ ပါးစပ်စည်းကမ်းရှိတဲ့လူ
တစ်ယောက်ဖြစ်လာနိုင်မှာမဟုတ်တော့ပါဘူး .....။

ကျွန်မရဲ့ ကြီးကြီးပြောတဲ့စကားလေးပါ .. အဆင့်အတန်းဆိုတာ ခွဲစရာမလိုပါဘူးတဲ့ .. သူ့အလိုလိုကွဲပြီးသားပါတဲ့ .....။

ကျွန်မငယ်စဉ်ကသိပ်မသိပေမယ့် အခု အရွယ်ရောက်လာတဲ့အချိန်မှာတော့ နားလည်လာနေပါပြီ .. အားလုံးကိုနားလည်နေတာမျိုးမဟုတ်ပါဘူး .. ကျွန်မအရွယ်နဲ့ကျွန်မ သိသင့်သလောက်သိနေတာပါလို့ ဆိုလိုချင်တာပါ .. အခုဆိုရင် အလုပ်ထဲမှာရော အပြင်မှာပါရှိတဲ့ အပေါင်းအသင်းတွေအားလုံး
ကောင်းသည်ဖြစ်စေ၊ မကောင်းသည်ဖြစ်စေ တည့်အောင်ပေါင်းဖို့ပဲ စဉ်းစားတတ်နေပါပြီ .. သူကမကောင်းလို့
ငါကပြန်မကောင်းနိုင်ဘူးဆိုတားမျိုးမဖြစ်အောင် ကျွန်မကြိုးစားတယ် .. တစ်ခုတော့ကွာတာပေါ့ .. စိတ်ထားကောင်းတဲ့သူကို စိတ်ရောကိုယ်ပါနှစ်ပြီး ကျွန်မပေါင်းတယ် .. စိတ်ထားမကောင်းသူဆိုရင်တော့ အဆင်ပြေအောင်နေတယ် .. အလိုက်အထိုက်ပေါင်းသင်းတယ် .....။

နောက်တစ်ခု ကျွန်မယုံကြည်လိုက်တာက စေတနာရောင်ပြန်ဟပ်တယ်ဆိုတာပါပဲ .. ကိုယ့်ဘက်ကသာ စေတနာနဲ့အစစ်အမှန်ပေးရင် တောင်းစရာမလိုဘူး တကယ်ကို ပြန်လာပါတယ် .. မယုံရင် စမ်းသပ်ကြည့်ကြပါလား .. ကိုယ့်စေတနာမှန်ရင် တကယ်အောင်မြင်လာမှာပါ.....။

တစ်ခုတော့ရှိတယ် .. တစ်ချို့ပေးတယ် ပြန်မလာဘူး ပြောကြတယ် .. ဒါက အချိန်မရောက်သေးလို့ပါလို့ ပြောချင်ပါတယ် .. အချိန်တန်တော့ပြန်လာမှာပါ .. အဲဒါကိုလည်း အချိန်ဘယ်လောက်အတွင်းဆိုပြီး
တိုင်းတာသတ်မှတ်ထားလို့မရပါဘူး .. ကိုယ့်စေတနာပေါ်ပဲ မူတည်မယ် ထင်ပါတယ် .. ကိုယ့်ဘက်ကလည်း ပေးကတည်းက ပြန်လာမလားဆိုပြီး မျှော်လင့်ချက် မထားထားတာတော့အကောင်းဆုံးပါပဲ .. မျှော်လင့်နေရတဲ့အတွက် ပျက်စီးမှာ ဆုံးရှုံးမှာကို စိုးရိမ်ပူပန်ရပါတယ် .. မအေးချမ်းနိုင်ပါဘူး ..

ဒါကြောင့် ကိုယ်ပေးမယ်ဆုံးဖြတ်ပြီးရင် အပြတ်ပေးလိုက်ပါ .. မမျှော်လင့်ပါနဲ့ .. ကိုယ်မမျှော်လင့်ပေမယ့်အချိန်တန်ရင်တော့ ပြန်လာမှာ သေချာပါတယ် .. တကယ်တော့ ဒါ လောက ကသတ်မှတ်ထားတဲ့ လောကနိယာမလေးတစ်ခုပါပဲ .....။

မေတ္တာစိတ်နဲ့ကြည့်တတ်ရင် အရာရာ အေးချမ်းပါတယ် .. စိတ်ထားကောင်းတဲ့လူ .. စိတ်ထားလှတဲ့လူဟာ မျက်နှာလေးပါ လှနေတတ်တယ်လို့ ကြားဖူးမှာပါ .. စိတ်ကလေးဟာ တည်ငြိမ်အေးချမ်းနေတဲ့အတွက် မျက်နှာလေးဟာလည်း မလှဘူးဆိုရင်တောင် တည်တည်ကြည်ကြည် ငြိမ်းငြိမ်းချမ်းချမ်းလေး ဖြစ်နေတတ်ပါတယ် .. အဲလိုအလှမျိုးမှာ ပူလောင်ခြင်းဆိုတဲ့ အတ္တ မာနတွေ မပါပါဘူး .. ပကတိ တည်ငြိမ်အေးချမ်းလွန်းပါတယ် .....။

ကျွန်မတို့ နေ့စဉ် ကိုယ့်ကိုကိုယ် လှအောင် ပြုပြင်နေထိုင်ကြတယ် .. ပြင်လွန်းတဲ့အတွက် အပေါ်ယံကတော့လှနေပါပြီ ..ကဲ.အတွင်းစိတ်ကရော .. အပြင်မှာ မြင်တွေ့ရတဲ့အတိုင်း တကယ်လှရဲ့လား .. ကိုယ်မြင်တွေ့နေတဲ့အရာတွေကိုရော တကယ်လှတယ်လို့မြင်ရဲ့လား .. အရာရာကို ကိုယ်က မေတ္တာစိတ်နဲ့ ကြည့်တတ်ရင် လောကကြီးတခုလုံးဟာ လှနေမှာပါ .. အရာရာတိုင်းရဲ့ အလှတရားဟာ ကြည့်တဲ့လူရဲ့အကောင်းမြင်မေတ္တာစိတ်ဆိုတဲ့ မျက်စိနဲ့ပဲ ဆိုင်ပါတယ် .. ကျွန်မတို့တွေအားလုံးဟာ အဆုံးသတ်မှာ ခွဲခွာရမယ့် လူတွေချည်းပါပဲ .. အခုတွေ့နေတုန်း အချိန်ခဏလေးမှာ ဘာလို့ တစ်ယောက်နဲ့တစ်ယောက် ချစ်ချစ်ခင်ခင်မနေနိုင်ရမှာလဲရှင် .. နေရောမနေသင့်ဘူးလား .....။

ကျွန်မတို့တွေ အားလုံး လူတိုင်းအပေါ် မေတ္တာစိတ်ကလေးထားပြီး အကောင်းဆုံးကြိုးစား ရှင်သန်သွားကြရအောင်လေ ..

www.mysuboo.com ရဲ့ မဂ္ဂဇင်းမှာ ပါဘူးတဲ့ ဆောင်းပါးလေးပါ ..