ပြန့်ကျဲနေတဲ့ အိပ်မက်ဆိုး

ညဘက် ကျွန်မ မှေးကနဲ အိပ်ပျော်သွားတုန်း `မောင်ပြန်လာပြီ´ဆိုတဲ့ အသံကို ကြားလိုက်မိတယ်

အသိထဲမှာလဲ မောင်ပြန်လာပြီဆိုပြီး မောင့်ကိုသွားကြိုဖို့ အခန်းထဲကနေ ကျွန်မပြေးထွက်လာလိုက်တယ်

အောက်ထပ်မှာတော့ မီးတွေကလည်းမှောင် ..

မောင့်အကျင့်က အမြဲအဲဒီလိုပဲမီးကိုမဖွင့်ဘူး ..

မီးဖွင့်လို့အိမ်ကလူတွေနိုးမှာစိုးရိမ်တတ်တဲ့မောင် ရှိသမျှပစ္စည်းတွေ ခလုတ်လိုက်တိုက်မှ တစ်အိမ်လုံးနိုးလာတတ်တာလေ ..

မောင်ပြန်လာနေကျအချိန်က အမြဲမိုးချုပ်တယ် ..

ညမီး အလင်းလေးနဲ့ပဲ အိမ်ပေါ်ထပ်လှေကားရှိရာကို စမ်းတ၀ါးဝါးနဲ့တက်လာတတ်တဲ့မောင့်ကို လှေကားထိပ်ကပဲ ကျွန်မကြိုနေကျ

ကျွန်မလှေကားထိပ်ကနေရပ်စောင့်နေလိုက်တယ် ..

အောက်က ဘာသံမှလည်းမကြားရတဲ့အပြင် တိတ်ဆိတ်နေတယ်

မောင်အိမ်အောက်ကနေ အပေါ်ကိုတက်ဖို့ ဒီလောက်ကြာစရာအကြောင်းမရှိဘူးလေ

ကျွန်မလည်းအောက်ထပ်ကိုဆင်းလာခဲ့လိုက်တယ်

အောက်ထပ်မှာ မှောင်မှောင်မဲမဲနဲ့ ကျွန်မ မောင့်ကိုလိုက်ရှာနေတယ်

ရှာလို့မတွေ့တော့ ငါပဲနားကြားမှားသလားလို့စိတ်ထဲထင်မိတယ်

စောင့်လက်စနဲ့တော့ အပေါ်ပြန်မတက်တော့ဘူးလေ အောက်မှာပဲ မောင့်အလာကိုစောင့်လိုက်တော့မယ်ဆိုပြီး မီးဖိုးထဲရေသောက်ဖို့ ထွက်လာလိုက်တယ်

ရေသောက်ပြီးတော့ အပြင်ကိုကြည့်လိုက်မှ အိမ်ကို ကျောခိုင်းရပ်နေတဲ့ မောင့်ကို တွေ့လိုက်တယ်

စိတ်ထဲမှာတော့ .. ငါ့မှာတော့ရှာလိုက်ရတာ .. သူက အပြင်မှာလေညှင်းခံနေသေးတယ်ဆိုပြီးတွေးလိုက်မိတယ်

မောင်က ကိုယ်ခံအားသိပ်မကောင်းတဲ့သူဆိုတော့ အပြင်မှာကြာကြာနေရင် အအေးမိတတ်တယ်လေ

ကျွန်မလည်း မောင့်ကိုထွက်ခေါ်ဖို့ ခြံထဲဆင်းလိုက်တယ်

ခြံထဲရောက်တော့ မောင်ကို မတွေ့တော့ပြန်ဘူး ..

`သြော် .. ဒီမောင်တစ်ယောက်တော့ ဘယ်နားရောက်သွားပြန်ပြီလဲမသိဘူး .. လူကိုတော်တော်မောအောင်လုပ်တာပဲ ..´

ကျွန်မတွေးပြီး မောင့်ကိုလိုက်ရှာနေတယ်

ဟော တွေ့ပါပြီ .. ခြံတံခါးဝနားက မောင်ကိုယ်တိုင်စိုက်ထားတဲ့ ပန်းလေးတွေကို မှောင်ထဲ ဘာရပ်ကြည့်နေပါလိမ့့် ..

ကျွန်မ အနားသွားပြီး မောင့်ကို ခေါ်လိုက်တယ်..

`မောင်´

မောင်ကျွန်မကို လှည့်ကြည့်တယ်

ကျွန်မ အရမ်းလန့်သွားတယ်မောင့်မျက်နှာတစ်ခုလုံးဖြူစုတ်ပြီး သွေးမရှိသလိုပဲ

`မောင် ဘာဖြစ်နေတာလဲ .. မောင်နေမကောင်းဘူးလား .. အထဲဝင်ရအောင် မောင်ရယ် .. ပြန်ပြီး အအေးမိနေပါဦးမယ် ..´

ကျွန်မ မောင့်ကို လက်တွဲဖို့ရှေ့တိုးသွားတော့ မောင်နောက်ဆုတ်သွားတယ် ..

မောင့်မျက်နှာကိုကြည့်လိုက်တော့ မျက်ရည်တွေနဲ့

`မောင် ဘာဖြစ်နေတာလဲ ..´ ကျွန်မ မေးလိုက်တယ်

မောင် ဘာမှပြန်မပြောဘူး ..

ကျွန်မကြည့်နေရင်း ပုံရဲ့ ပုံရိပ်က မျက်စိရှေ့ကနေ ဝေးရာကို တရွေ့ရွေ့ ရွေ့လျားသွားတယ် .. ကျွန်မ မောင့်နောက်ကို လိုက်တယ်မမှီဘူး ..

ပိုပိုဝေးသွားတယ်

ကျွန်မပြေးလိုက်တယ်

မောင့်ကိုမတွေ့တော့ဘူး

မောင် ......................

ကျွန်မ အိပ်မက်ဆိုးမက်ပြန်ပြီ

အိမ်မက်ဆိုးကနေ မျက်ရည်တွေနဲ့ နိုးထရပြန်ပြီ

မောင်အိပ်နေကျ နေရာကိုကြည့်လိုက်တော့ မောင့်အစား မောင်နဲ့ကျွန်မ မင်္ဂလာဆောင်တုန်းကပုံတွေ ပြန့်ကျဲနေတယ်

မအိပ်ခင်က ကျွန်မပြန်ကြည့်နေမိတာလေ

ဓါတ်ပုံလေးတစ်ပုံကောက်ယူကြည့်မိတော့ ပုံထဲမှာ မောင်က ကျွန်မကိုပြုံးပြနေတယ်

ငိုမိပြန်ပြီမောင်ရယ်

မောင်မကြိုက်မှန်းသိသိနဲ့

မောင့်ကိုလွမ်းလို့ပါ

မောင် .. ကျွန်မ ဘယ်အချိန်ထိ ဒီလိုအိပ်မက်ဆိုးကနေ မျက်ရည်တွေနဲ့ နိုးထနေရဦးမှာလဲ

မောင်ကျွန်မကို ခွဲခွာသွားခဲ့တာ ၃ နှစ်တောင်ကျော်ခဲ့ပြီပေါ့ ..

မောင် ငြိမ်းငြိမ်းချမ်းချမ်းနားခိုအိပ်စက်နိုင်ပါစေမောင်ရယ် .....