အလှူအတွက် နှိုးဆော်ခြင်း

ခုတလော အွန်လိုင်းမှာ မြင်နေရတဲ့ မြန်မာနိုင်ငံမှာ တွေ့ကြုံလိုက်ရသမျှ ဒုက္ခတွေက ကြားရ မြင်ရတာ တချက်ကလေးမှ သက်သာရာ လမ်းကြောင်းမတွေ့မိပါဘူး .. ကိုယ်တတွေ မွေးတည်းက နေလာလိုက်တဲ့ မြန်မာနိုင်ငံမှာ ဆက်တိုက် ကြုံတွေ့နေရတဲ့ ဆင်းရဲ ဒုက္ခတွေကို မြင်တိုင်း ကြားတိုင်း စိတ်မကောင်းဖြစ်ရုံကလွဲပြီးလည်း ကိုယ်တတ်နိုင်တာဆိုလို့ ပိုက်ဆံလေး နဲနဲပါးပါးလှူတာလောက်ပဲ ရှိပါတယ် .. တကယ် လက်တွေ့မှာ ကွင်းဆင်းပြီး လိုက်လံ လုပ်အားပေးနိုင်တဲ့ သူတွေကို တကယ်ပဲ ချီးကျူးမိပါတယ် .. လေးလည်းလေးစားမိသလို ကျေးဇူးလည်း တင်မိပါတယ် ..

မေးထဲကို ၀င်လာသမျှ ရေနဲ့ပတ်သက်တဲ့ ဒုက္ခတွေရဲ့ ပုံတွေတိုင်း ကိုယ့်ရဲ့ရင်ထဲကို ၀မ်းနည်းမှုတွေပါ သယ်ဆောင်ပေးပါတယ် .. ကိုယ့်နိုင်ငံမှ ဟုတ်ရဲ့လားလို့ တွေးမိတဲ့ အထိပါပဲ ..

ငယ်ငယ်တည်းက ကိုယ်သိတဲ့ မြန်မာပြည်က တခါမှ ကပ်ဘေးတွေ ခံရတယ်ဆိုတာ မရှိသလောက်ပါပဲ .. အဲဒီတုန်းက တွေးမိတယ် .. မြန်မာနိုင်ငံက မြန်မာနိုင်ငံသားတွေဟာ များသောအားဖြင့် စိတ်ကောင်းစေတနာရှိကြတယ် .. အလှူရေစက် လက်နဲ့မကွာ ရှိကြတယ် .. ကောင်းမှုကုသိုလ်တွေပြုကြလို့ ကပ်ဆိုးမှန်သမျှ ကင်းလွတ်ခဲ့တာပဲ လို့ပေါ့ .. ခုတော့ .. ကြုံလိုက်ရတဲ့ ကပ်တွေ ကပ်တွေဆိုတာ ရင်နာစရာတွေ ချည်းပါပဲ ..

ကိုယ်ကိုတိုင်က အပြင်ထွက်လိုက်တာနဲ့ ရေဆာတတ်တဲ့သူမျိုးပါ .. ရေဆာတဲ့ဒုက္ခကို ကိုယ်ချင်းစာမိတယ် .. ကိုယ်ရေဆာတယ်ဆိုတာ သောက်ချင်ရင် လွယ်ပါတယ် .. လမ်းဘေးမှာ ၀ယ်သောက်ချင်လဲ နေရာတိုင်းမှာ ဆိုင်ကရှိပြီးသားရယ် ..

ကိုယ့်တိုင်းပြည်က ကိုယ့်ရဲ့ တိုင်းရင်းသားတွေ .. ရေဆာလို့မှ ရေလှူမယ့်သူ မရှိရင် ဆာလောင်မွတ်သိပ်ရမယ့် အဖြစ် .. နေပူကျဲတဲမှာ ရေပုံး ကိုယ်စီနဲ့ ရေစောင့်နေတဲ့ ပုံရိပ်တွေ မြင်မိတဲ့အချိန်မှာ ရင်ထဲ မချိအောင် ခံစားရတယ် .. မြန်မာနိုင်ငံမှာ ကြုံတွေ့နေရတဲ့ ၀ဋ်ကြွေးတွေ ဘယ်တော့များမှ ကုန်ဆုံးပါမလဲ ..

ပုံတွေကိုတော့ ထပ်မတင်တော့ပါဘူး .. အားလုံးလည်း ကြည့်ပြီး မြင်ပြီး ကိုယ့်လိုပဲ ခံစားပြီးလောက်ပါပြီ ..

ပုံတွေ မြင်လိုက်ရတိုင်း ကိုယ့်မြန်မာပြည်မှ ဟုတ်ရဲ့လားလို့ တွေးမိ စိတ်မကောင်းဖြစ်မိရုံကလွဲပြီး ကိုယ်ချင်းစာစိတ် ဖြစ်ရုံကလွဲပြီး ကိုယ်တိုင်လည်း မတတ်နိုင် .. မတတ်နိုင်တဲ့ အထဲကမှ ကိုယ်တတ်နိုင်သလောက်ကလေးပေါ့ ..

သောက်ရေ သုံးရေနဲ့ လိုအပ်သမျှ လှူဒါန်းနိုင်မယ့် လင့်လေးတွေ ကိုယ်လည်း မှတ်ထားရအောင် မှတ်ချင်သူများလည်း မှတ်ထားရအောင် ဒီကနေ အသိပေး နှိုးဆော်လိုပါတယ် ..

ရှင်ဇဋိလ

ဒီနေ့ပဲ မြန်မာနိုင်ငံက အသိ အစ်မတယောက်နဲ့ စကားပြောဖြစ်ပါတယ် .. အပေါ်က လင့်လေးက အဲဒီ အစ်မ ပေးတဲ့ လင့်လေးပါ ..

ခုဆိုရင် အဲဒီဘုန်းဘုန်းက ရေကိစ္စနဲ့ ခရီးတွေထွက်ပြီး ဒုက္ခရောက်နေသူတွေကို ကူညီနေပါတယ်တဲ့ ..

အဲဒီအစ်မကို မိုးရွာနေပြီဆိုလို့ မေးကြည့်မိတော့ .. မိုးတော့ ရွာနေပါတယ်တဲ့ .. ဒါပေမယ့် ရေသန့်ရဖို့က ခက်နေသေးတယ်တဲ့ .. ပြီးတော့ နောက်ပိုင်း ကြုံတွေ့လာနိုင်တဲ့ ရောဂါတွေကို ကာကွယ်ဖို့လည်း လိုအပ်နေပါသေးတယ်တဲ့ ..

ကိုယ်ကိုတိုင် ဒီစာကို ရေးဖို့ မရေးဖို့ စဉ်းစားမိပါသေးတယ် .. လိုအပ် မလိုအပ် ပြန် ချင့်ချိန်ရပါသေးတယ် .. ဒါပေမယ့် မြန်မာနိုင်ငံက ခုဆိုရင် အဘက်ဘက်က ကိုယ်ထူကိုယ်ထစနစ်နဲ့ ထူကို ထူထောင်ရမယ့် အခြေအနေရောက်နေပါပြီ .. ကိုယ့်ကိုကိုယ်သာ အားကိုးရာ မဟုတ်ပါလား ..

အောက်က လင့်နှစ်ခုကတော့ သိတဲ့လူတွေ တော်တော်များမှာပါ .. ဘယ်နေရာကနေ ဘယ်လိုပဲ လှူလှူ အဓိက က ကြုံတွေ့နေရတဲ့ ဒုက္ခတွေ အမြန်ဆုံးအေးငြိမ်းဖို့ပါပဲ ..

RAVEN BDC

စင်္ကာပူ - ကိုဇူလိုင် email: julydream0707@gmail.com
ရန်ကုန် - ကိုရဲဟိန်း mobile: 09 5043302

Lotus Foundation

- ကိုဝင်းထွန်းဆင့် ဖုန်း (+၆၅) ၉၀၂၂၃၆၄၃
- ကိုအောင်ပြည့်စုံအေး ဖုန်း (+၆၅) ၉၁၁၉၇၃၆၁
- ကိုကျော်ဝဏ္ဏ ဖုန်း (+၆၅) ၈၂၃၆၉၁၅၉
- ကိုထင်ကျော် ဖုန်း (+၆၅) ၉၄၂၄၂၉၆၁

- မခင်မမ ဖုန်း (+၆၅) ၉၇၃၃၄၃၀၂

Lotus Foundation မှတဆင့် ရေအလှူပေးလှူလိုပါက -

- ကိုဝင်းထွန်းဆင့်

POSB Savings A/C - 175-43771-1 OCBC Saving A/C - 5535079809
- ကိုအောင်ပြည့်စုံအေး DBS Saving plus A/C - 0206068726
- မခင်မမ POSB Savings A/C - 063-50289-8 သို့ ပေးပို့လှူဒါန်းနိုင်ပါသည်။

Lotus Foundation ကလူမှူရေးလုပ်ငန်းတွေအတွက်တတ်အားသရွှေ့စေတနာနဲ့ကူညီပေးနေကြတဲ့သူတွေစုစည်းထားတာပါ ..

တတ်နိုင်သူတွေ တတ်နိုင်သလောက် တတ်နိုင်တဲ့ ဘက်ကနေ မြန်မာနိုင်ငံကို ကူညီကြရမှာပါပဲ .. ကျမတို့ ဖြုန်းတီးနေတဲ့ ငွေတွေထဲက တချို့တ၀က်ပဲ ဖြစ်ဖြစ် အနည်းအကျဉ်းပဲ ဖြစ်ဖြစ် ကျမတို့ရဲ့ သွေးချင်းတွေအတွက် လှူဒါန်းနိုင်ပါစေ ..

မြန်မာနိုင်ငံကြီး ကြုံတွေ့နေရသမျှ ကပ်ဆိုး ဘေးဆိုးတွေကနေ အမြန်ဆုံး လွတ်ကင်း ချမ်းသာကြပါစေ ..

ခွင့်တောင်းခြင်း - RAVEN BDC နှင့် Lotus Foundation လိပ်စာနဲ့ ဆက်သွယ်ရန် နံပါတ်များကို ဖော်ပြခွင့်ပြုဖို့ ဒီနေရာကနေ ခွင့်တောင်းလိုက်ပါတယ်ရှင် ..

ဧပရယ် တန်ခူး

အချိန်ရာသီတွေ
ရွေ့လျားပြောင်းလဲ
ခြေလှမ်းမှန်မှန်နဲ့
နာရီတွေ တိုက်စားတယ် ...။

ရောက်ခဲ့ပြန်ပြီ
မြန်မာတို့အတွက်
နှစ်သစ်ကူးတရက် ...။

ဇာတိအိမ်တွေမှာတော့
မပြောင်းမလဲ
အဲ .. ပြောင်းတော့ ပြောင်းလဲ လိမ့်မယ် ...။

တွေးကြည့် ငေးကြည့်
သတိရခြင်းတွေလည်း ရှိလိမ့်မယ် ...။

လွမ်းမိတဲ့အထဲမှာ
ဧပရယ်ပြယုဂ်
အခေါ်အဝေါ် သတ်မှတ်ချက်လေးတွေ ပါမယ်
သူငယ်ချင်းတွေနဲ့ ဖြတ်သန်းခဲ့ချိန်တွေ ပါမယ် ...။

ပိတောက်တွေပွင့်ပြီ
ပန်းမနှစ်သက်ပေမယ့်
ပိတောက်လေးတော့လည်း ချစ်ပါတယ် ...။

မြင်ယောင်မိတယ်
သင်္ကြန်မိုး ဖွဲဖွဲ
ပိတောက်တွေ ကတဲ့ပွဲ ...။

ည

မီးခိုးနံ့ရောနေတဲ့ လေက ညင်ညင်သာသာနဲ့ မြို့ပြညထဲ အတူ လိုက်ပါ မျောလွင့်နေသည် .. ကားမောင်းဆရာနှင့် စပယ်ယာတို့ရဲ့ စီစီညံညံအသံတွေလည်း အပါအ၀င် .. ကားကြီး အချင်းချင်း ကျော်တက်ဖို့ အပြိုင် အဆိုင် မောင်းနေကြသည် .. တနေကုန် အလုပ်ထဲ ပင်ပန်းလာသူအချို့ကလည်း ရှေ့ဘာဖြစ်မလဲဆိုတာ မစဉ်းစားနိုင်ခင်မှာပင် အိပ်မက် မက်လို့ နေပြန်သည် ..

တချို့သော လမ်းထိပ်များတွင် ညနေဆိုင်လေးများဖြင့် စည်ကားနေသည် .. ပိုက်ဆံ ရှားပါးသည်ဟု မည်မျှပင် ဆိုစေကာမူ ဘီယာဆိုင်နှင့် လ္ဘက်ရည်ဆိုင်များတွင်တော့ လူများ ပြည့်လျှက် ရှိကြသည် .. ဘီယာဆိုင်နှင့် လ္ဘက်ရည်ဆိုင်များသည် ညဘက် မိုးချုပ်သည့် အချိန်မျိုးတွင် ကားလမ်းမနားထိတိုင်အောင် ခုံများခင်းလျှက် ရောင်းချကြသည် .. လူကြီး လူလတ် လူငယ် များသည် လမ်းဘေးနားကျကျတွင် နေရာယူလျှက် ပင်ပန်းမှုများကို ၀ါသနာပါရာ ဖြေဖျောက်ကြသည် ..

တနေရာတွင် ကျမ ငယ်စဉ်က စီးခဲ့ဘူးသော ဆိုက်ကားဆရာကြီး လူစောင့်နေသည် .. နောက် တနေရာတွင် ကျမ ငယ်စဉ်က စာတူတူ သင်ခဲ့ဘူးသော ကျောင်းနေဘက် သူငယ်ချင်းမလေး တဦးလည်း လူစောင့်နေသည် ..

ဆိုင်ကြီးတချို့မှ သီချင်းသံ ဆူဆူညံညံများ ရောနှော အော်မြည်နေကြသည် .. လူငယ်တအုပ် အသံကျယ်ကျယ်ဖြင့် သီချင်းတပုဒ်ကို သံပြိုင် ဆိုသွားကြသည် .. တနေရာတွင် အရက်မူးသမားကြီးတဦး ရေချိန်မကိုက်သေးဘဲ ရစ်နေသည် .. တနေရာတွင် ပွဲစား အမျိုးသမီးကြီး တဦး စကားတွင်တွင်ပြောရင်း အတင်း အုပ်နေသည် ..

အမျိုးသမီးလေးနှစ်ယောက် စကားပြောနေသည် .. သူတို့ပြောနေတာက ဒီနေ့မီးလာမယ့် ရက်လား ဟူသတည်း .. ကျန်တယောက်က နောက် ၁၅ မိနစ်နေလျှင် ထပ်ပျက်လိမ့်ဦးမယ် ဟူသတည်း ..

စတိုးဆိုင်မှ အရောင်းဝန်ထမ်းမလေးတဦး ပစ္စည်း ၀ယ်သူကို မျက်စိဒေါက်ထောက် ကြည့်နေသည် .. ငွေရှင်းကောင်တာမှ မိန်းကလေးကတော့ မျက်နှာ ၈ခေါက်ချိုးဖြင့် ပစ္စည်းရောင်းနေသည် .. ၀ယ်သူမျက်နှာမှာတော့ စိတ်မသက်မသာ ရှိလှသည် ..

တချို့ အိမ်ရှေ့တွေမှာ အမျိုးသမီးကြီးများ ယပ်တောင် တဖျတ်ဖျတ်ဖြင့် ခြင်မောင်းလျှက် ရှိကြသည် ..

ထိုအချိန်တွင် ၁၅ မိနစ် ပြည့်ပြီထင့် .. မီးများ တပြိုင်နက် မှောင်ကျသွားလေသည် .. လူများအားလုံးတာဝန်ကိုယ်စီဖြင့် ဖယောင်းတိုင် ထွန်းသူထွန်းကြသည် .. လက်နှိပ်ဓါတ်မီးရှာ၍ မီးအားမြှင့်စက် ပြေးချကြသည် .. မြည်တွန်တောက်တီး၍ မီးစက် ပြေးနှိုးသူ နှိုးကြသည် .. ကလေးများကတော့ ကစား မပျက် ..

ဧပရယ် ဖူးလ်

ကျွန်တော် ဒီနေရာမှာ ရပ်စောင့်နေတုန်းပဲ ..

တချိန်တခါတုန်းကတော့ ဒီလိုနေ့ရက်မျိုးတွေမှာ ငိုသံစွက်တဲ့ ရယ်သံတွေနဲ့ ချိုမြိန် သာယာခဲ့ဘူးတယ် ..

x x x x x 

စိတ်ရှုပ်နေတဲ့ ဧည့်ကြိုကောင်တာက အမျိုးသမီးကိုလည်း အားနာလှပြီ .. သူမ မျက်နှာငယ်လေးနဲ့ နောက်တကြိမ် တောင်းတောင်းပန်ပန် ပြန်ရှာခိုင်းမိတော့ ..

"အမရယ် .. ကျမ ရှာတာလည်း ကုန်နေပါပြီ .. ဒီနာမည်နဲ့ ကား အက်ဆီးဒင့် လူနာ လုံးဝ မရှိပါဘူးရှင် .." ပြောပြောဆိုဆိုနဲ့ သူမကို လှည့်မကြည့်တော့ပဲ ထွက်သွားတော့တယ် ..

စိတ်ပျက် လက်ပျက်နဲ့ ရပ်ထားခဲ့တဲ့ ကားနားရောက်တော့ ..

"April fool" ပြိုင်တူ အော်လိုက်တဲ့ အသံကြောင့် သူမ လန့်သွားခဲ့တယ် .. ပြုံးဖြီးဖြီးနဲ့ သူတို့မျက်နှာတွေ မြင်လိုက်ရတဲ့အချိန်မှာ ကျမ ဒေါသတွေလည်း အထွဋ်အထိပ် ရောက်လို့ပေါ့ .. ကျမ အရူးလုပ်ခံလိုက်ရတယ်လေ .. တချိန်တည်းမှာပဲ ကျမ ရှက်စိတ်နဲ့ ဒေါသ စိတ် ပေါင်းပြီး မျက်ရည်တွေ စီးကျ လာခဲ့တယ် ..

ကျမ မျက်ရည်ကို မြင်တော့ ..

"ငယ် .. ငယ် .. မငိုပါနဲ့ကွာ .. ကိုယ်က စလိုက်တာပါ .. ပြီးတော့ ဟိုကောင်တွေ တရားခံ .."

ကျမ ကလေးတယောက်လိုပဲ ကားဘေးနား ငုတ်တုတ်ထိုင်ချလိုက်ပြီး အားရပါးရ ငိုချလိုက်တယ် .. ဟုတ်တယ်လေ .. ကိုယ့်ချစ်သူတယောက်လုံး ကားအက်စီးဒင့်ဖြစ်တယ်လို့ သိလိုက်ရတဲ့အချိန် မိန်းကလေးတယောက် အနေနဲ့ ဘယ်လောက်များ စိုးရိမ် ပူပန်သွားလိမ့်မလဲဆိုတာကို မတွေးမိလို့ ခုလို စလိုက်တာလား ..

"ငယ် .. ကိုယ်တောင်းပန်ပါတယ်ကွာ .. မငိုနဲ့တော့နော် .. ဒီလောက် ဖြစ်သွားမယ် မထင်လို့ စလိုက်မိတာပါ .. ကားပေါ်တက် .. ကိုယ်ပြန်လိုက်ပို့ပေးမယ်နော် .."

အပြန် လမ်းတလျှောက်လုံးလည်း သူက ချည်း စကားတွေ များလာခဲ့တယ် .. တောင်းပန်စကားလည်း အထပ်ထပ် ဆိုရင်းပေါ့ ..

x x x x x

ဒီလိုပါပဲ .. ကျမ ချစ်သူရ ကံကောင်းခဲ့လား ကံဆိုးခဲ့လား ကိုယ်တိုင် မဝေခွဲနိုင်ခဲ့ဘူး .. ကျမ ချစ်သူက ကျမပြုံးနေရင် ငိုစေသူ .. ကျမ ငိုနေရင်လည်း ပြုံးစေနိုင်သူ ..

အစ အနောက်သန်တဲ့ သူ့ကြောင့် ကျမ အမြဲတမ်း ငိုခဲ့ရတယ် .. ပြီးတော့ ပြောသေးတယ် .. ချော့ချင်လို့ ငိုတဲ့ထိ စတာတဲ့ ..

တခါကလည်း ကျမတို့ ချစ်သူသက်တမ်း ၂နှစ် ပြည့်မှာ သူ ချိန်းထားတဲ့ နေရာကို တော်တော်နဲ့ ရောက်မလာဘူး .. ရောက်လာတဲ့ အချိန်မှာ ..

"ငယ် .. ကိုယ်ငယ့်ကို ပြောစရာရှိတယ် .." သူ အမြဲတမ်း တခုခု ပြောစရာရှိတယ်လို့ ပြောလိုက်ရင်ကို ကျမ စိတ်ထဲမှာ စိုးရိမ် ပူပန်မှုတွေ ကြီးစိုးနေတတ်တယ် ..

"ကိုယ်ပြင်လို့ မရတဲ့ အမှားတခု လုပ်ခဲ့တယ် .. ငယ် ကိုယ့်ကို ခွင့်လွှတ်ပါ .." သူက ဒီလိုပါပဲ အမိန့်သံတွေနဲ့ ကျမဘ၀ကို ကြီးစိုးချင်တဲ့သူ ..

"ကိုယ်မိန်းကလေးတယောက်ကို လက်ထပ်ရတော့မယ် .." ဒီစကားသံဟာ ကျမအတွက် ဘယ်လောက်များ ရက်စက်ပါသလဲ ..

"ကိုယ့်ကို စကားတခွန်းလောက် ပြန်ပြောပါဦး .."
"ကိုက ဘာစကား ကြားချင်တာလဲ .. ငယ်က ကြည်ဖြူပါတယ် .. အဲဒီ မိန်းကလေးနဲ့ လက်ထပ်ပါလို့ ပြောစေချင်တာလား .." ငိုသံမစွက်အောင် ကြိုးစားပြောတဲ့ ကြားကကို မျက်ရည် လွယ်လွန်းတယ် ..

ကျမ မျက်ရည်ကို မြင်မှ .. မျက်နှာ ပြုံးထေ့ထေ့နဲ့ ..

"ဘာလို့ ငိုတာလဲ .. ကိုယ်လက်ထပ်မှာ ဘယ်သူလဲ သိလို့လား .. ကိုယ်က ချစ်လို့စတာ .. ကိုယ်လက်ထပ်ချင်တာ ငယ်ပေါ့ .." တဲ့လေ ..

ဘယ်လိုလဲ .. ကျမ ရူးသွားနိုင်လောက်တယ်နော် ..

ချစ်ခြင်းတွေကို ရူးသွပ်စွာ ခံစားတတ်တဲ့ ကျမနဲ့ အရာရာကို ပျော်ပျော်ရွှင်ရွှင် ပေါ့ပေါ့ပါးပါး ဖြတ်သန်းတတ်တဲ့ သူ .. နှစ်ယောက်သား အရာရာမှာတော့ ထပ်တူမကျနိုင်ခဲ့တာပဲလေ ..

ကျမကို နောက်ထပ် မစပါနဲ့တော့ .. လို့ တောင်းတောင်း ပန်ပန်ပြောတိုင်းလဲ .. ကျမရဲ့ မျက်ရည်တွေကို သုတ်လို့ နောက် လုံးဝ မစတော့ဘူးနော် ဆိုတာနဲ့သာ အဆုံးသတ်လေ့ ရှိတာပါပဲ ..

x x x x x

"ငယ် .. ကိုယ်တောင်းပန်တယ်နော် .. စိတ်မဆိုးနဲ့တော့ .."
ကျမ အတွေးစတွေကို ဖြတ်လို့ သူ့ဘက်ကြည့်မိတော့ သူ့မျက်နှာက ပကတိ ကြည်စင်နေတာပါပဲ .. သူက အမြဲ ဒီလိုပဲလေ .. မျက်ဝန်းတွေကိုက သိပ် ရိုးသားလွန်းပါတယ် ..

"အရမ်း စိတ်ဆိုးသွားလား .."
"စိတ်ဆိုးတာ မဟုတ်ပါဘူး .. စိတ်ပူသွားတာပါ .. ဒါပေမယ့် ငယ် ဒါထက်ပို မခံစားနိုင်တော့ဘူး .. ကိုယ့်ချစ်သူတယောက်လုံး မတော်တဆဖြစ်ပြီး ဆေးရုံရောက်နေပါတယ်ဆိုတဲ့ သတင်းက ဘယ်လောက်ထိ ဆိုးရွားတဲ့ ပူပန်မှုလည်း ဆိုတာကို မစဉ်းစားမိဘူးလား .. ကိုယ်ချင်း မစာမိဘူးလား .. ငယ့် ဒီလိုပုံစံကို မြင်တော့ ၀မ်းသာသွားလားဟင် .." ကျမ နာနာကျည်းကျည်း ဆိုမိတယ် ..

"ဟာ .. ဒီလို မဟုတ်ပါဘူး .. ကိုယ်မရည်ရွယ်ပါဘူး .. သူငယ်ချင်းတွေကလည်း ငယ်က ကိုယ့်ကို သိပ်ချစ်မှန်းသိတော့ .."
"အင်း .. သူငယ်ချင်းတွေ ကြားထဲမှာ ဟာသတခုပေါ့နော် .."
"ဟာ .. ဒီလိုမဟုတ်ပါဘူး .. အထင်မလွဲပါနဲ့ကွာ .. ကိုယ်တကယ် တောင်းပန်ပါတယ် .. ကိုယ့်ကို ခွင့်လွှတ်ပါကွာ .. နောက် ဘယ်တော့မှ ငယ့်ကို စိတ် မပူစေရတော့ဘူးနော် .. ကိုယ်တကယ် ကတိပေးတယ် .."

"ဟင့်အင်း .. ငယ် ယုံလို့ မရဘူး .. ဒီလိုပဲ ထပ် ထပ်ပြီး စိတ်ဆင်းရဲ စိတ်ဒုက္ခရောက်နေရဦးမှာပဲဆိုတာ သိတယ် .."
"ကိုယ်ဘယ်လို တောင်းပန်ရမလဲကွာ .. အဲလိုကြီးတော့ မပြောပါနဲ့ .. ကိုယ့်ကို ခွင့် မလွှတ်နိုင်ဘူးလား .. ကိုယ်နောက်တခါ ခုလိုမျိုး ထပ်လုပ်တယ်ဆိုရင်လေ ကားတကယ်တိုက်ပါစေကွာ .."
ကျမ အလန့်တကြားနဲ့ ..
"အို .. ဘာတွေ လျှောက်ပြောနေတာလဲ .. နမိတ်မရှိ နမာမရှိနဲ့ .."
"ဟုတ်တယ်လေ .. ငယ်ကမှ ခွင့်မလွှတ်တာ .. နောက်တခါ ခုလိုအဖြစ်မျိုး ထပ်လုပ်မိရင် .."
"တော်တော့ ဆို .. မပြောနဲ့တော့ .. တကယ်လို့ ကိုသာ ခုလိုမျိုး ငယ့်ကို ထပ်ပြီးတော့ စိတ်ဆင်းရဲအောင် လုပ်ရင် .. ကို ကားမတိုက်နဲ့ ငယ့်ကိုပဲ ကားတိုက်ပါစေ .."
"ဟာ .. ပေါက်တတ်ကရ .. ငယ် လျှောက် မပြောနဲ့ကွာ .."
"အင်းပါ ထပ်မပြောတော့ဘူး .. အဲဒါ အတည်ပဲ .. ကို သာ နောက်တခါ ခုလို အဖြစ်မျိုး ထပ်မဖြစ်စေနဲ့ပေါ့ .. နော် .. ငယ် ခုနက ဘယ်လောက်တောင် စိုးရိမ်နေတယ် မှတ်လဲ ကိုရဲ့ .."

x x x x x

၂၀၁၀ ဧပြီလ ၁ရက်

မနက် မိုးလင်းလင်းချင်း သူမ စိတ်တွေ လေးလံနေခဲ့တယ် .. ဒီချိန်မှာပဲ တယ်လီဖုန်းသံ မြည်လာခဲ့တယ် ..

x x x x x

သူမ ဆေးရုံမှာ လူတွေကို လိုက်စကားပြောပေမယ့် ဘယ်သူတယောက်ကမှ ပြန်အဖြေမပေးခဲ့ဘူး .. သူမ မောနေပါပြီ .. စိတ်တွေရော ရင်တွေရော ပူလှပြီ .. ကျမ ချစ်သူနာမည်ကို ရှာပေးကြပါ ..

x x x x x

ကျွန်တော် ဒီနေရာလေးမှာ စောင့်နေပါတယ် .. ကျွန်တော့် ချစ်သူ စိတ်ပူပန်စွာနဲ့ ပြေးလာမယ့် အချိန်ကိုပေါ့ .. ဒီတခါတော့ သူမကို အကြာကြီး စိတ်ပူအောင် မလုပ်တော့ပါဘူး .. သူမကို မြင်တာနဲ့ ကျွန်တော် ချက်ချင်း ခေါ်မှာပါ .. ဒါပေမယ့် သူမ ခုထိ ရောက်မလာသေးဘူး ..

သူမကို ကျွန်တော် စောင့်နေပါ့မယ် .. သူမ မလာမချင်းပေါ့ ..

ဝန်ခံချက် .. ဧပရယ်ဖူး နေ့အတွက် ၀တ္တုတို တပုဒ်လောက် တင်ချင်တာပါ .. ရေးပြီး သိပ်မကြိုက်ဘူး .. ဖတ်ပြီး မကောင်းရင် ခွင့်လွှတ်ပေးပါနော် .. :D

ဒိုင်ယာရီ တအုပ်

ပျော်ရွှင်မှုတွေ ခြုံလွှမ်းဘူးတဲ့
ဒီ စာမျက်နှာတွေ
အလွမ်း တရွက်
အဆွေး တရွက်
တဖျတ်ဖျတ်နဲ့ လေအဟုန်မှာ လွင့်မျော
ဒါတွေက တကယ် အတိတ်တဲ့

အတိတ်ရဲ့ ပုံရိပ်တွေမှာ
မြက်ခင်းစိမ်းနဲ့ ထိုင်ခုံလေး နှစ်ခုပါတယ်
စမ်းချောင်းလေး ကွေ့ကွေ့ ကောက်ကောက်စီးတယ်
သာယာချိုမြိန်ဖွယ် ရယ်သံတချို့ စွက်တယ်
စာတိုက်ပုံးလေးလည်း မအိပ်ရဘူးတဲ့

ပြောင်းလဲခြင်း စာမျက်နှာအလယ်မှာ
ငိုသံတချို့နဲ့ မျက်ရည်စ တချို့အလည်လာတယ်
ဒေါသသံတွေနဲ့ တံခါးပိတ်သံ ကြမ်းကြမ်း တချို့
တချို့စာမျက်နှာတွေက အနားသတ်တွေ စုတ်ပြဲလို့

နောက်ဆုံးရဲ့ ရှေ့တရွက်မှာ
တည်ငြိမ်တဲ့ အပြုံးတ၀က် စူးစမ်းခြင်းတ၀က်
သံယောဇဉ် တစ နာကျင်ခြင်း တစ
နှမြောတသခြင်းတွေကို မာနတစုံနဲ့ ဖုံးတယ်

နောက်ဆုံးစာမျက်နှာကိုရောက်ပြီ
ဒါက ဒီစာအုပ်ရဲ့ အဆုံးသတ်
ဟန်ဆောင်ခြင်းကင်းကင်းနဲ့
အဖြူထည် သက်သက် ဖြစ်ဖို့
တစုံတခုမှ မရေးခြစ်မိအောင် ကြိုးစားမှ ထင်တယ်

စိတ်ကူးလေးပါ .. ဘ၀တခုက ဒိုင်ယာရီတအုပ်ဆိုရင် စာအုပ်ထဲက တမ်းတစရာတွေကို ရှာဖွေ တမ်းတပြီး ရေးလိုက်ပါတယ် ..း) တချို့အတွက်ကတော့ ဇာတ်လမ်းတပုဒ် ဒိုင်ယာရီ တအုပ်လည်း ဖြစ်နိုင်ပါသေးတယ် .. ကိုယ်တိုင် စာအုပ်ရဲ့ နောက်ဆုံးစာရွက်ကို ရေးရတော့မယ့်အချိန် ရောက်လာခဲ့ရင် ... "The End" ဆိုပြီးတော့သာ ပိတ်လိုက်ပါတော့မယ် .. :D

ခုတလော

ခုတလော ဘာတွေ ရှုပ်ချင်ယောင်ဆောင်နေလဲ .. :D

အရင်တပတ်က အိမ်ပြောင်းပါတယ် .. ဝေးဝေး လံလံ ဟိုဘက်ကားလမ်းကနေ ဒီဘက်ကားလမ်းကို ပြောင်းတာပါ .. :D အရင် အိမ်မပြောင်းခင်ကတည်းက ကိုယ့်အခန်းကိုယ် မရှိတာများပြီး အလုပ်ပြီးတာနဲ့ ရောက်ရောက်သွားတတ်တဲ့ အိမ်ပေါ့ .. ခုတော့ ပြန်ချင်ရင် အိမ်နောက်ခန်း ၀င်လိုက်ရုံပဲ .. အိမ်ပြန်ဖို့ရာ အီလေးဆွဲပြီး နေစရာမလိုတော့ဘူးပေါ့ ..

သူငယ်ချင်း အပေါင်းအသင်းမက်တဲ့ မိုးခါးအတွက် ခုတော့ သူငယ်ချင်းလို ခင်မင်မှုမျိုး မောင်နှမတွေလို ရင်းနှီးမှုမျိုးနဲ့ အိမ်လို့ ပီပီ သသ ခေါ်ဆိုနိုင်တဲ့ နေရာတခုမှာ နေနေရင်း အပြင်လောကနဲ့ပါ အဆက်အသွယ် ပြတ်ချင်သလိုလို ဖြစ်နေပါပြီ :D .. ဘယ်လောက် မောင်နှမတွေ တရုံးရုံးဖြစ်နေလဲဆို မျက်နှာချင်းတွေဆိုင် အပြိုင်ပွေလီနေကြပြီး စာရေးဖို့တွေပါ လစ်ဟင်းတဲ့ထိပါပဲ ..

သွေးသား မတော်စပ်ကြဘူး .. ဒါပေမယ့် ခင်ရာ ဆွေမျိုး ..
ငယ်ပေါင်းကြီးဖော်လည်း မဟုတ်ကြဘူး .. ကြီးပေါင်း ကြီးဖော်ပေါ့ .. :P
အတွေးထဲမှာတော့ မိသားစုလေးတခုလိုပါပဲ ..

အချိန်တန်ပြီဆို ဘယ်သူ မလာသေးဘူးလဲ .. လာနေပြီလား .. ဘယ်ရောက်နေပြီလဲ .. ဒီလူက မလာဘူးလား .. ဘာလို့လဲ .. ဘာဖြစ်လို့လဲ စသည်ဖြင့် ချော့တန်ချော့ ခြောက်တန်ခြောက် .. နည်းမျိုးစုံသုံးပြီး အပြိုင်ပလီ (အဲ .. ဟုတ်ပါဘူး .. :P) အပြိုင်အဆိုင် ချစ်နေကြပါတယ် ဆိုပါတော့ .. :P

ခု လောလော လတ်လတ်မှာ .....

တွေးနေမိတာက

အမှန်အတိုင်းပြောရရင် တွေးဖို့ အချိန် မရှိဘူးဖြစ်နေတယ် .. ပလီရ ရန်ဖြစ်ရနဲ့ တွေးမယ်ကြံလိုက်ရင် အိပ်ချိန်ရောက်ရောက် သွားလို့ပါ .. :D ပြောရမယ်ဆို တွေးလည်း မတွေးချင်ဘူး .. သိပ်ဝေးဝေးထိ တွေးလိုက်မိရင် ခု စိတ်ချမ်းသာနေတာတွေရဲ့ ဝေးဝေးကို ရောက်သွားမှာဆိုးလို့ ..

ကိုယ့်ကိုကိုယ် ပြန်ဆင်ခြင်မိတာက

အပျော်ဘက်ပဲ စိတ်ရောက်နေတယ် .. စိတ်ချမ်းသာနေရင် အကုန်မေ့မေ့နေတတ်တယ် .. (စိတ်ချမ်းသာတာကောင်းပေမယ့် တချို့တာဝန်တွေ လစ်ဟင်းကုန်နေပြီ ..)

ကျန်းမာရေး

ရောဂါ တော်တော် ကြီးနေပါတယ် .. ထမင်းစားပြီးရင် မျက်လုံးက ပိတ်ချင်နေတယ် .. :P

ဖတ်ဖြစ်နေတာက

မြင်နေရတဲ့ မျက်နှာတွေ :P ..

ရောက်နေတဲ့နေရာက

ကွန်ပျူတာရှေ့ .. :P (နောက်တာ) အပေါ်က ပြောထားတဲ့ အိမ် ..း))

မုန်းနေမိတာက

အချိန်တွေ .. မလိုရင် သိပ်ကုန်လွယ်တာပဲ .. မြန်မြန်ကုန်စေချင်ရင် မကုန်ဘူး ..

ချစ်နေတာက

ဝေးဝေးကဆို မိသားစုလေး .. အနားမှာတော့ အများကြီးပဲ .. တယောက်တမျိုး အားလုံးကတော့ ချစ်ဖို့ ကောင်းနေတာပဲ ..း)

စိတ်ပျက်နေမိတာက

ဟိုတလောကတော့ ကိုယ့်ကိုကိုယ် စိတ်ပျက်တယ် .. ခုတလောတော့ မပျက်တော့ပြန်ဘူး ..

စိတ်ထဲက မပါပဲ ပြောတတ်တဲ့ ၀တ်ကျေတန်းကျေ စကားတွေ .. (စိတ်ပျက်ပေမယ့် လိုအပ်တယ်ဆိုတာလည်း သိနေတော့ ..)

လူကြီးလူကောင်းယောင်ဆောင်ထားတဲ့ လူတွေ .. မျက်နှာပြောင်ပြောင်နဲ့ အရှက် မရှိသူတွေ ..

နားထောင်နေမိတဲ့ သီချင်း

ကြားကြားသမျှ ..

တမ်းတနေမိတာက

အိမ်ပြန်ချိန် .. ရုံးပိတ်ရက် ..

စွဲလန်းနေမိတာက

မရှိဘူးထင်တယ် .. စဉ်းစားလို့ မရဘူး ..

မေ့လျှော့ပြစ်နေတာက

ရှေ့မှာ မျက်နှာချင်းဆိုင် ကြုံတွေ့ရမယ့် ကံတရား .. တွေ့ ကြုံ ဆုံ ကွဲ .. (မေ့ထားချင်သေးတယ် ..)

လိုအပ်နေတာက

လိုအပ်တာလေးတွေ အချိန်နဲ့ အမျှ ရှိနေပေမယ့် အထူးတလည် လိုအပ်တာမျိုးတော့ မရှိပါ ..

စားဖြစ်နေတာက

ဆိုက်ပရက်စ်က စာဖိုးမှူးကြီး လက်ရာ ..း))

လွမ်းနေမိတာက

ခုတလော လွမ်းဖို့ အချိန် မရှိပါ ..

သနားနေမိတာက

ခုတော့ သနားစရာလူ မရှိဘူး .. ကိုယ့်နားလည်း ဘယ်သူမှ မရှိဘူးလေ .. သနားဖို့ ကောင်းတဲ့ မြင်ကွင်းကိုမြင်ရင်တော့ သနားတယ် ..

တောင်းမိနေတဲ့ဆု

ဆုမတောင်းဖြစ်ဘူး .. ဆန္ဒတွေတော့ ရှိတယ် .. ဆန္ဒတွေအတိုင်း ပြည့်ဝလာရင်တော့ ကောင်းမှာပဲ ..

ထပ်ပြန်တလဲလဲ အော်ဟစ်နေမိတာက

အကျယ်ကြီးတော့ မအော်မိပါဘူး .. ခပ်တိုးတိုး ရေရွတ်မိတယ် ဆိုပါတော့ .. :P .. လုပ်သင့်တာတွေ လုပ်ရဦးမယ် .. လုပ်စရာတွေ အများကြီး ရှိသေးတယ် ..

ကြိတ်ပြီး ချီးကျူးနေတာက

ကိုယ့်ထက် စိတ်ဓါတ်ရေးရာ ကောင်းမွန် ပြတ်သားသူတွေ .. တပါးသူ အပေါ် စေတနာ ထားနိုင်လွန်းတဲ့ သူတွေ .. ဇွဲ ၀ီရိယ အားကောင်းတဲ့သူတွေ .. အမှား အမှန်ကို ချင့်ချိန် ဆုံးဖြတ်နိုင်တဲ့သူတွေ ..

ကြိတ်ပြီး အထင်သေးနေမိတာက

အရှက်တရား မရှိတဲ့သူတွေ .. ကိုယ် အသာရနေရင် ပြီးရော သူတပါးအပေါ် ကိုယ်ချင်းစာနာစိတ် မရှိသူတွေ ..

ဝန်ခံချင်တာက

ဒီပို့စ်ကို ရေးဖို့ ၃ရက် အချိန်ယူလိုက်ရပါတယ် .. :P

ချစ်လှစွာသော အကိုကြီး ကိုဖိုးစိန်က စာမရေးတဲ့သူတွေကို ကြည့်မရလို့ ဆိုပြီး တဂ်ပါတယ် .. ဘယ်ကြည့်လို့ရမလဲ .. နေရာချင်းက အရမ်းဝေးတာကိုး .. :P

မိုးခါး အကြိုက်

ကော်ဖီ

ကော်ဖီကို စွဲစွဲလန်းလန်း သောက်ဖြစ်နေတာ ကြာခဲ့ပြီ .. အချိန်အားတိုင်း .. စိတ်ကူးပေါက်တိုင်း .. သတိရတိုင်း ကော်ဖီကို သောက်ဖြစ်တယ် .. (သတိရတိုင်းဆိုတာ တခြားမတွေးပါနဲ့ .. ကော်ဖီသောက်ဖို့ သတိရတာကို ဆိုလိုတာပါ .. :D .. ဒီတိုင်း သတိရတတ်တဲ့သူကတော့ ကော်ဖီကို မစွဲလန်းသလို သောက်လေ့ သောက်ထလည်း မရှိပါဘူး .. ဤကား ကြော်ငြာ :P)

ကော်ဖီကို အိမ်က ဖေကြီးတို့မေကြီးတို့ကလည်း သောက်တတ်တော့ ငယ်ငယ်တည်းက သောက်ဖြစ် သောက်တတ်ခဲ့ပါတယ် .. ကော်ဖီသောက်ပြီး အိပ်မပျော်ခြင်းအဖြစ်ကိုလည်း မကြုံတွေ့ဘူးလို့ စာမေးပွဲရက်တွင်းမှာတောင် ကော်ဖီ သောက်ကောင်း အိပ်ကောင်း ဖြစ်ခဲ့ပါတယ် ..

ကော်ဖီကို ဘာလို့ ကြိုက်လဲ .. ကျမအတွက် ကော်ဖီက ကိုယ် ချိုချင်ရင် ချိုတဲ့အရသာ ပေါ်အောင် ဖျော်နိုင်သလို ခါးချင်ရင်လည်း ခါးတဲ့အရသာ ပေါ်အောင် ဖျော်ပြီး စိတ်ကြိုက် သောက်နိုင်ပါတယ် .. တခါတလေ အချိုလွန်ပြီး ပျက်သွားတဲ့အခါ သွန်ပစ်လိုက်ရုံကလွဲပြီး တခြားဆိုးကျိုးလည်း မပေးပါဘူး .. ခါးသက်တဲ့ အရသာကို မနှစ်သက်ပေမယ့် တခါတလေ ခါးသက်သက်အရသာကလည်း ကျမကို ဆွဲဆောင်တတ်ပါသေးတယ် ..

စာအုပ်စာတမ်း လှလှလေးများ .. ဘောလ်ပင် ရောင်စုံ လှလှလေးများ ..

စာအုပ်လှလှလေးတွေ ဘောလ်ပင်ရောင်စုံလေးတွေ မြင်ရင် ကျမစိတ်က ၀ယ်ချင်တဲ့စိတ် ဖြစ်ပေါ်လာတတ်ပါတယ် .. ဒါကလည်း ငယ်တည်းက ကျမ အကျင့် တခုပါပဲ ..

ကျောင်းတက်တုန်းကတော့ စာအုပ်လှလှလေးတွေမှာ ကိုယ်ကြိုက်တဲ့သီချင်းလေးတွေ ရေးကူးတတ်တယ် .. ရောင်စုံတွေနဲ့လည်း ဟိုလျှောက်ခြစ် ဒီလျှောက်ခြစ်ပေါ့ .. လက်ရေးကတော့ မလှပါဘူး .. :P

နောက် .. ကျမမှာ ရင်ဖွင့်ဖော် သူငယ်ချင်း မရှိပေမယ့် စာအုပ်လှလှလေးတွေမှာ စိတ်ချ လက်ချ ရင်ဖွင့်နိုင်ပါတယ် .. သူက နှုတ်လုံတယ် .. သူတပါး မသိစေချင်တဲ့ကိစ္စကို ကျမခွင့်ပြုချက် မရပဲ ဘယ်သူမှ မသိစေရဘူး .. ဒါပေမယ့် ကျမ ဘေးနားက စာအုပ် လှလှလေးတွေက စုတ်ပြတ်သတ်နေတတ်တယ် .. အဖုံးသာလှပြီး အထဲကစာရွက်တွေကတော့ အမြဲတမ်း စုတ်ဖြဲ ခံရတတ်တယ် ..

ကွန်ပျူတာ

ကွန်ပျူတာကတော့ ကျမအတွက် မရှိမဖြစ်ကို လိုအပ်တဲ့ အရာပါပဲ .. ကွန်ပျူတာနဲ့အတူ တွဲရက်လိုအပ်တာကတော့ အင်တာနက်ပေါ့ .. ခုလို စာတွေရေးဖို့ သူငယ်ချင်းတွေနဲ့ စကားပြောဖို့ .. အလုပ်ချိန်မှာ ပျင်းရင် သူငယ်ချင်းတွေကို လှမ်းနားပူဖို့ .. အင်တာနက်က မရှိမဖြစ်ပါ ..

သီချင်း

သီချင်းတွေကို အရမ်းကြိုက်ပါတယ် .. တခါတလေ ကိုယ်လွမ်းတဲ့အချိန် သူက လိုက်လွမ်းပေးတယ် .. ကိုယ်စိတ်ညစ်တဲ့အချိန် အတူလိုက်ပြီး ပေါက်ကွဲပေးတတ်သလို တခါတလေ စိတ်ဖြေဆေး တခုလိုပဲ .. သီချင်းတွေကလည်း ကျမအတွက် မရှိမဖြစ်တခုပါပဲ ..

ဒီလိုတွေးလိုက်တော့လည်း ကျမမှာ အဖော်တွေ များမှ များပဲ .. ကျမအနားမှာ တခုမဟုတ်တခု (သို့မဟုတ်) အားလုံးက ရှိနေခဲ့တယ် ..

မဇွန်တဂ်တဲ့ တဂ်ပို့စ်လေးပါ .. မိုးခါး အကြိုက်တွေ များလွန်းလို့ ခုချက်ချင်း ပေါ်လာတဲ့ အကြိုက်တွေကို စာစီရေးလိုက်ပါတယ် .. မကြိုက်တာတွေလည်း များမှ များပါပဲ .. :D ရေးတာ နောက်ကျလို့ စိတ်မဆိုးဘူး ထင်ပါတယ် ..း)) စိတ်ဆိုးနဲ့နော် ..း)) အရှုပ်တွေ များလွန်းနေလို့ပါ .. :D

အခွံ

ကြာလှပေါ့
မုန်းတတ်ခဲ့တာ
ဝတ်ကျေတန်းကျေ
အလာပ သလာပ
ဝတ်ကျေတန်းကျေ
ပြုံးပြ မဲ့ကြ
ဝတ်ကျေတန်းကျေ
ငိုကြ ရီကြ
ဝတ်ကျေတန်းကျေ
ပြောကြ ဆိုကြ

အားနာမှုတွေ
ဝတ္တရားတွေနဲ့
ဒီအရေခြုံတွေ
တလွှာချင်းစီ ဆွဲခွာ ဖြတ်ထုတ်

ရင်ဘတ်ဟောင်းလောင်းနဲ့
အပေါ်ယံတွေ
အပေါ်ယံ အခွံနဲ့
ရင်ခွင်ဗလာတွေ

တစိမ့်စိမ့်ထိုင်တွေး
တစိမ့်စိမ့်ထိုင်ငေး
ရေးရေးလေးတောင် ပေါ်မလာတဲ့ အဖြေ

တခါတခါ
ကိုယ့်အတွေး ကိုယ်မေ့
လောကကြီးနဲ့ အဆက်အသွယ် ပြတ်/ဖြတ်

အကျင့်ပါပြီး ခေါင်းထဲရောက်ရောက်လာတတ်တာက

လူတွေ အခွံ ဖြစ်နေရတဲ့ အကြောင်း
ရင်ခွင် ဗလာ ဖြစ်နေရတဲ့ အကြောင်း

PS. ပေါက်ကွဲခြင်း မဟုတ်ပါ .. ခုလည်း ပေါက်ကွဲမနေပါ .. စိတ်ကူးပေါက်သလို တွေးတွေး ရေးရေးပါပဲ ..း)) ခုတလောက အလုပ်ထဲမှာ ဆိုက်ထဲ ဆင်းဆင်းနေရပါတယ် .. အသားတွေလဲ မဲကုန်ဘီး( .. လူတွေနဲ့ ဆက်ဆံတဲ့အခါ တခါတလေ စိတ်အခန့် မသင့်တာနဲ့ စိတ်ထဲ ဘ၀င်မကျတာနဲ့ ဒီလိုပဲ ဟိုလျှောက်ခြစ် ဒီလျှောက်ခြစ်လိုက်တာပါ .. ကိုယ်တိုင်လည်း လိုအပ်ရင် လိုအပ်သလို မရီပြချင်လည်း ရီပြဖြစ်ပါတယ် .. မပြောချင်တဲ့လူနဲ့လဲ ပြောဖြစ်ရပြန်ပါတယ် .. အဲလိုလုပ်ရတာ သူများတွေတော့ မသိဘူး ကိုယ့်စိတ်မှာတော့ အရမ်းကို ပင်ပန်းပါတယ် .. စိတ်မပါတဲ့ အလုပ်ကို လုပ်ရတာကိုး .. ကိုယ့်အပေါ်ကိုလည်း စိတ်ထဲကအတိုင်း မဟုတ်ပဲ စိတ်ထဲက မပါပဲ ပြုံးပြ ရယ်ပြကြတဲ့လူတွေကို သူတို့ တော်တော် ပင်ပန်းရှာမှာပဲ ဆိုပြီး သနားမိနေပါတယ် .. ဒီလောက်ပါပဲ .. ကျန်တာ သိပ် ထွေထွေ ထူးထူး မရှိပါ ..

ကျမနှင့် ချစ်သော ........

- "သမီး အပျိုကြီး လုပ်မယ်ဆိုရင် တသက်လုံး ဖေကြီးက ရှာကျွေးထားမှာပေါ့" (ဆိုလိုတာက ယောကျာင်္းရရင်တော့ တာဝန်ထပ်ယူတော့မယ် မထင်နဲ့ပေါ့ .. :P)

"သမီး ဘာလုပ်ချင်လဲ .. သမီး လုပ်ချင်တာကို ဖေကြီးက ရှိသမျှ အကုန် ကုန်ချင်ကုန်ပါစေ ဖြစ်အောင် လုပ်ပေးမယ်" (ကျမ အရှုံးရမယ်ဆိုရင်တောင် ဘေးနားမှာ အမြဲတမ်း အားပေးနေမယ့် ဖေကြီးပေါ့ ..း))

"သမီးကို ဖေကြီးက ယုံပြီးသား" (ကျမ မဟုတ်တာ မလုပ်နိုင်အောင် ချုပ်တဲ့ စကားပေါ့ .. :D)

"သမီး အဆင်ပြေသလို စိတ်တိုင်းကျ လုပ်ပါ .. ဖေကြီးတို့က ရတယ် .." (လုပ်မယ့် အလုပ်တိုင်း အပေါ်ကို မစွက်ဖက်ပဲ ယုံကြည်မှုပေးတဲ့ ဖေကြီးပေါ့ ..း))

"သမီး နေကောင်းရဲ့လား .. ကျန်းမာရေး ဂရုစိုက်ပါ .. ကျန်းမာရေးက အရေးကြီးဆုံးပဲ .." (အမြဲတမ်း ဖုန်းဆက်တာနဲ့ သတိပေးနေကျ စကားတခွန်းပေါ့ ..း))

"အဆုံးစွန် .. သားသမီး အတွက်ဆိုရင် ဘာမှ မလုပ်နိုင်တော့လို့ လမ်းဘေးမှာ အထုပ်သယ်ရမယ် ဆိုရင်တောင် သားသမီးကို မသိစေရဘူး .. သားသမီးတွေ မျက်နှာငယ်ရမယ့် အဖြစ်မျိုး သူများ လက်ညှိုးထိုးခံရမယ့် အလုပ် ဘယ်တော့မှ မလုပ်ဘူး .." စသည်ဖြင့် ........

ကျမက အဖေ့သမီးတဲ့ .. ဖေကြီးက သမီးကြီးမို့ ပိုတယ် .. ယုံတယ် .. ငယ်ငယ်တည်းကပါ .. ကျမကလည်း ဖေကြီးကို အရမ်းကပ်တယ် .. ကျမအတွက် တိုင်ပင်ဖော် တိုင်ပင်ဖက် .. နွေးထွေးတဲ့ ရင်ခွင်တစုံ .. အကာအကွယ်ပေးမယ့် လက်နှစ်ဖက် .. သယ်ပိုးပေးမယ့် ပုခုံးနှစ်ဖက် .. သယ်ဆောင်သွားပေးမယ့် ခြေတစုံ .. ဖေကြီးမှာ ရှိတယ် .. အင်အားတွေ နဲပါးလာပြီ ဆိုပေမယ့်ပေါ့ .. သားသမီးအတွက် လွတ်လပ်မှုတွေ ဆုံးရှုံးတယ် .. လုပ်ပိုင်ခွင့်တွေလည်း ဆုံးရှုံးတယ် .. ဒါပေမယ့် ဒါ ငါ့သားသမီးအတွက်ဆိုတာနဲ့တင် ကျေနပ်တယ် .. 

- စကားကို သိပ် ချိုချိုသာသာ မပြောတတ်ပေမယ့် စကားတွေမှာ ကျမအတွက် စေတနာတွေ ပျော်ဝင်နေတယ် ဆိုတာ သိတယ် ..စကားတွေက ပုံမှန်ပေမယ့် မေတ္တာတရားရဲ့ နွေးထွေးမှုကို ခံစားရတယ် .. စကားလုံး အလှတွေနဲ့ သိပ် တီတီ တာတာ မပြောတတ်ပေမယ့် မျက်ဝန်းတစုံမှာ ကျမအတွက် ချစ်ခြင်းတွေ ရှိနေတယ်ဆိုတာလည်း ကျမခံစားလို့ရတယ် .. သူ့မှာ ကျမကို အားပေးတတ်တဲ့ လက်တစုံ ရှိတယ် .. စိတ်ညစ်မှုတွေကို ဖြေဖျောက် ပြောဆို ပေးနိုင်တဲ့ နှုတ်ခမ်း တစုံ ရှိတယ် .. ရိုးသားစွာနဲ့ ချစ်ခင်တတ်တဲ့ စိတ် ရှိတယ် .. 

တယောက်ကို တယောက် အကျိုးအမြတ်တွေ မတွက်ချက်ပဲ ချစ်တယ် .. ကျမအိပ်မက်ထဲက ပန်းရောင် အိမ်လေးမှာ သူနဲ့ကျမ အတူတူ ပန်းတွေ ပျိုးတယ် .. စိမ်းလန်းမယ့် သစ်ပင်တွေ စိုက်တယ် .. ငါးလေးတွေ မွေးတယ် .. အစာကျွေးတယ် .. သစ်သီးတွေ ခူးတယ် .. (ဘယ်လိုလဲ ကြည်နူးဖို့ ကောင်းတယ်ဟုတ် ..း)) ဆက်မက်ဦးမယ် .. အဲလို အိပ်မက် လှလှလေးတွေ .. အိပ်ရေး ပျက်ချင် ပျက်ပါစေ ..း)

- အပြန်အလှန် အားပေးကြတယ် .. အချိန်ပြည့်မဟုတ်ပေမယ့် တတ်နိုင်သလောက် .. အချိန်ကြာလေ အဖြူရောင် သံယောဇဉ်တွေနဲ့ ရင်းနှီးမှုတွေ ကူညီမှုတွေ အားပေးစကားတွေနဲ့ ကျမတို့ ရှေ့ဆက်ကြတယ် ..

သူတို့မှာ ရင်ဘတ်ချင်း နားလည်ပေးနိုင်တဲ့ ခံစားချက် တစုံစီ ရှိတယ် .. သူငယ်ချင်း (၀ါ) မောင်နှမလို့ စိတ်ထဲက သတ်မှတ်ထားမိတယ် .. လူ သိပ်များများ မဟုတ်ပါဘူး .. ၃ယောက် ၄ယောက် ၅ယောက် .. ပြောတတ်တဲ့စကားက နင် စကားတွေ ပြောချင်ရင် ငါတို့ နားထောင်ပေးချင်တယ် .. ဒါပေမယ့် ကျမ အကျင့်အတိုင်း လုံးစေ့ပတ်စေ့ မပြောဖြစ်သေးပါဘူး .. မခင်လို့ မဟုတ်ပေမယ့် ကျမ အကျင့်ကိုက ..

တယောက်ကို တယောက် ဘာတွေရှိလဲဆိုတာ မတွေးပဲ သူဘာလိုလဲ ဆိုတာမျိုး .. သူ ဘာလုပ်နေလဲဆိုတာထက် အဆင်ပြေရဲ့လား ဆိုတာမျိုး .. ဘာပေးပါဆိုတာထက် ဘာလိုအပ်လဲ ဆိုတာမျိုး .. ဒီလိုမျိုး ပြောင်းပြန် အချိုးကျ ကြတယ် .. တချို့နဲ့ တခါတလေတော့လည်း ခပ်ဝေးဝေးကနေပဲ အားပေးစကားပြောရတယ် .. ဒါပေမယ့် သေချာတာ လုံးဝ အပေါ်ယံ မဟုတ်ဘူး ..

လှတယ် .. အရောင်စုံတွေနဲ့ အစီစီ အရီရီနဲ့ ပန်းတွေက ပွင့်လို့ .. လောကကြီးက လှပါတယ် .. တခါတလေ ခံစားဖို့ မေ့နေလို့သာ ..

ဗညားက ကျမ ခင်မင်မြတ်နိုးတဲ့ သူတွေတဲ့ .. ဗညားရေ ငါနောက်ကျသွားတယ် .. ဆောရီး ဗြောတီး ဟေ့ .. :P

ဆုံးရှုံးခြင်း မှတ်တမ်း

မထင်မှတ်တဲ့အချိန်မှာ မထင်မှတ်တဲ့ ထောင့်က ရိုက်ချက်တခုကြောင့် ယိုင်လဲသွားရမတဲ့လား ..

ရုတ်တရက် ကြားလိုက်ရတဲ့ စကားလေးတခွန်းကြောင့် သူမ မိုက်ခနဲ တချက် ဖြစ်သွားရတယ် .. "ကို့ကို သူမဆီ ပြန်သွားခွင့်ပေးပါ" တဲ့လား ..

ကျမက သူ့အပေါ် လွမ်းဆွတ်နေတဲ့ အချိန်မှာ သူကတော့ ကျမမဟုတ်တဲ့ တခြားတယောက်ကို သတိရ တမ်းတနေပါတယ်တဲ့ .. ကျမရဲ့ စိတ်ကူး အိပ်မက်တွေမှာ သူနဲ့ နှစ်ကိုယ်တူဘ၀ဆိုတာကို တွေးတောနေချိန်မှာ သူကတော့ မတည်ဆောက်လိုက်ရတဲ့ အိပ်မက်ဟောင်းတခုကို ပုံဖော်လွမ်းဆွတ်နေခဲ့တယ်ပေါ့ .. ကျမရဲ့ အတွေးမှာ သူနဲ့ နီးဖို့ ကြိုးစားရင်း နီးစပ်ခွင့်ရတော့မယ်လို့ ပျော်ရွှင်နေမိချိန်မှာ သူကတော့ ဝေးကွာသွားခဲ့တဲ့ မျှော်လင့်ချက်တစုံတခုကို ရင်ဝယ်ပိုက်လို့ အပြေးအလွှား လိုက်လံ ဖမ်းဆုတ်နေခဲ့တာပဲ ..

မတရားခဲ့ဘူး ..

ဆုံတွေ့ခဲ့တဲ့
ကံတရားတွေကစလို့
သူမကိုယ်တိုင်က ညံ့နေခဲ့တာပါ ..

နူးညံ့တဲ့ အပြုံးတခုကို ပိုင်ဆိုင်တဲ့ သူ့ကို စတွေ့တွေ့ချင်း ရင်ခုန်ခဲ့တဲ့ ကျမ အစတည်းက ရှုံးနိမ့်ခဲ့တာပါ .. ပိုဆိုးတာက သူ့အပြုံးကို ပိုင်ဆိုင်သူက ရှိနှင့်နေခဲ့ပြီ .. ဒါထက်ပိုဆိုးတာက ပိုင်ရှင်က ကျမ သူငယ်ချင်းတဲ့လေ ..

ရင်နာစရာပါပဲ
ဒဏ်ရာကို လူမသိ သူမသိကုစား
ကူကယ်ရာလည်း မရှိခဲ့ဘူး

ရေးလက်စ ဒိုင်ယာရီကို အဆုံးမသတ်ခင် မဟုတ်လည်း အဆုံးသတ်ပြီးတာနဲ့ မြင်ယောင်နေတဲ့ အပြုံးတခုကို အပြီးအပိုင် စွန့်လွှတ်လိုက်တော့မယ်ဆိုတဲ့ ခံစားချက်တခုနဲ့တင် သူမ ရင်တွေ နာကျင်နေတတ်ပြီလေ .. ဖြစ်သင့်တဲ့အရာတခုမို့ သူမ အဆုံးသတ်ဖြစ်အောင် ကြိုးစားရမယ် .. ကံတရားကိုသာ အပြစ်တင်လိုက်ပါ ..

လူမသိ သူမသိကျတဲ့
မျက်ရည်တွေအတွက်
ကိုယ်တိုင်လည်း အရှက်သည်းခဲ့ပြီ
ပိုင်ဆိုင်ခွင့်ရဖို့ မကြိုးစားပေမယ့်
လိုချင်စိတ်ရှိခဲ့တာ လူဆိုတဲ့ အတ္တကြောင့်ပါ ..

စိတ်ချပါ .. ကျမကလေ သူ့အပြုံးကို မြင်ယုံနဲ့ ကျေနပ်နေခဲ့တာတဲ့ .. တခါတလေတော့လည်း ပိုင်ဆိုင်ချင်မိတာပေါ့ကွယ် ..

မငိုပါနဲ့
တားခွင့်မရှိပေမယ့်
နှစ်သိမ့်ပေးခွင့်တော့ ရှိလိမ့်မယ် ..

ကျမ ကြိုးစားနှစ်သိမ့်ပေးမှာပေါ့ .. သူသာ လိုအပ်မယ်ဆိုရင်လေ .. သူ့မျက်ရည်တွေအတွက် စိတ်မကောင်းပေမယ့် ကျမစိတ်တွေ မဖြူစင်နေခဲ့ဘူး ..

အပြုံးတွေ ပြန်မြင်ခွင့်ရပေမယ့်
သူ့မျက်ဝန်းတွေ စိုလဲ့နေခဲ့တယ်
မသိချင်ယောင်ဆောင်နေခွင့်ပေးပါ ..

ခပ်ပြုံးပြုံးနေတတ်တဲ့ သူ့နှုတ်ခမ်းတွေ ကိုပဲ သတိထားမိတော့ သူ့မျက်ဝန်းက ၀မ်းနည်းမှုကို သတိမထားမိဘူး .. တမင် မသိချင်ယောင်ဆောင်တယ်လည်း ပြောနိုင်ပါတယ် .. ဒီလိုလည်း ကျမက အတ္တကို ရှေ့တန်းတင်တတ်ခဲ့တယ်လေ ..

အဖြေတခုက ရှေ့မှာ လှောင်ပြောင်လို့
အချိန်တချို့ကလည်း နောက်ကြောင်းပြန်လှည့်လို့
ငါကလည်း အရှုံးတွေ တပွေ့တပိုက်နဲ့ ..

ပြင်ဆင်ခွင့်ကို တောင်းဆိုခွင့်မရှိသူတယောက် အတွက် ပေးလာတဲ့ အရှုံးကိုပဲ တသက်စာ ..