လနဲ့ ကြယ် နီးတဲ့ နေ့ (၂၄-၃-၂၃)

 ဒီနေ့ သောကြာကြယ် Venus နဲ့ လတို့ ကောင်းကင်မှာ တော်တော် နီးစပ် နီးကပ်နေကြောင်း လူအများကြီး ရှဲကြတယ် .. အဲထဲမှာ ဘယ်လိုထပ်တွေ့ရလဲဆိုရင် တချို့က ကောင်းသော အပြောင်းလဲ ကောင်းသော အရာတွေ လာနေပြီ ရှေ့မှာ ကြိုနေပီလို့ ဆိုကြပြီး တချို့ကျ ဒါ မကောင်းတာ ပျက်စီးရာတခုခု ဖြစ်တော့မယ့် နိမိတ်လို့ ဆိုကြပြန်တယ် .. အဲလိုတွေ မြင်ပြီး ကိုယ့်စိတ်ထဲ ဖြစ်လာတာကတော့ ကိုယ်ကြိုဆိုနေတဲ့ အရာတွေ ရှေ့မှာ စောင့်နေမှာပဲ ဒါကြောင့် ကိုယ့်စိတ်ကို ကောင်းသော အတွေး အမြင် ဝန်းကျင်မှာ ရှိနေမှပဲ ဆိုတဲ့ သတိရစေတယ် .. ပြီးတော့ ဒီနှစ်ပိုင်းတွေထဲ လုပ်မိတဲ့ အလေ့အကျင့်တွေ အရ လဲ ကိုယ့်စိတ်ရဲ့ ထူးဆန်းပုံတွေကို သတိထားမိလာတယ် .. ကိုယ့်စိတ်ထဲ ရှေ့မှာ ကောင်းခြင်းတွေပဲလို့ ယုံကြည်ထားတဲ့သူအတွက် သူ့စိတ်ဟာ ကြည်နူးတက်ကြွနေမယ် .. ဒါဟာကောင်းတဲ့ frequency မှာ ရှိနေတဲ့သဘောမို့ ကောင်းသော အရာတွေကို ဆွဲဆောင်ပြီး ဖြစ်နေတယ် .. ဒုက္ခတွေတော့ ဖြစ်တော့မယ်လို့ တွေးမိသူတွေအတွက်ကျ ပူပန်သောကတွေများတဲ့ စိတ်ဖြစ်နေတဲ့အတွက် အကျိုးမပြုတဲ့ အရာတွေကို အလိုလို ဆွဲဆောင်မိပြီး ဖြစ်နေပြန်တယ် .. ဘယ်အရာကို ရွေးချယ်မယ်ဆိုတာ ကိုယ်စီရွေးချယ်ခွင့်ပါပဲ ..

ကျမတို့က ကိုယ်တိုင်ကစလို့ ပြုပြင် ပြင်ဆင်ပြီးမှ တပါးသူကို ကူညီနိုင်မှာ ဖြစ်တဲ့အတွက် ကိုယ့်စိတ်အင်အားကို အားကောင်းနေအောင် အရင်လုပ်ဖို့လိုအပ်ပါတယ် .. သူများကို ကူချင်ရင် ကိုယ်တိုင်က အရင် သန်မာနေရပါမယ် .. အဲဒီကနေတဆင့် ကိုယ့် မိသားစု အသိုင်းဝိုင်း ဆွေမျိုးတွေနဲ့ ပတ်ဝန်းကျင်ကို ချဲ့ထွင်ကူညီနိုင်မှာ ဖြစ်တယ် .. ကိုယ့် ကိုယ်နဲ့စိတ် အခြေနေ မြင့်နေမှ တပါးသူကို ဆွဲတင်နိုင်မှာ ဖြစ်ပြီး ကိုယ်မသန်မာရင် သူများဆွဲချတာ ခံရနိုင်သလို အောက်ကို ပြုတ်ကျသွားနိုင်ပါတယ် .. 

ကျမတို့ ချစ်တဲ့ ဝန်းကျင်က သူတွေကို ကူညီနိုင်ဖို့ ကိုယ့်ကို အရင် ကုစားကြရအောင် .. ကိုယ့်အတွေးတွေကို ကောင်းသော ပြောင်းလဲခြင်းတွေဆီပဲ စိတ်နှစ်ထားပြီး နိုင်တဲ့တာဝန်ကို အစွမ်းကုန် ထမ်းကြရအောင် .. 

"ဘယ်အရာကို ရွေးချယ်မယ်ဆိုတာ ကိုယ်စီရွေးချယ်ခွင့်ပါပဲ .."

photo credit: https://www.facebook.com/photo/?fbid=3472156196399155&set=pcb.3593831247507058