Thursday, December 29, 2011

အရှိန်

ကိုယ့်ရှေ့မှာ တရှုံ့ရှုံ့ ငိုကြွေးနေတဲ့ သူငယ်ချင်းမလေးကို ကြည့်ပြီး ကျမကိုယ်တိုင် စိတ်တွေလေးလံ ထိုင်းမှိုင်းနေခဲ့တယ် .. အားပေးဖြေသိမ့်စရာ စကားလုံးတစွန်းတစမှ ရှာမရတဲ့ ကိုယ့်ကိုကိုယ်ပဲ အပြစ်တင်နေမိတယ် .. တဆက်တည်းမှာပဲ မထင်မှတ်ထားတဲ့ သတင်းစကားကြောင့် အံ့သြခြင်း မယုံနိုင်ခြင်းတွေနဲ့လည်း ပြည့်နေခဲ့တယ် .. ကိုယ်တောင် ဒီလောက် မယုံကြည်နိုင်ရင် ဆိုတဲ့ အတွေးနဲ့ ရှေ့က ချစ်လှစွာသော သူငယ်ချင်းမလေးအတွက် သောကတွေ ဝေနေမိတယ် .. ပြောစရာ စကား ရှာမရတဲ့ အဆုံး သူမရဲ့ လက်ကလေးကို အသာဖျစ်ညစ်အားပေးမိတယ် .. မော့ကြည့်တဲ့ မျက်ဝန်းမှာ မျက်ရည်စတွေနဲ့ .. သူငယ်ချင်းမလေးရဲ့ ဒီမျက်ရည်ကြည်တွေအတွက် ကိုယ်တိုင်လည်း ပယောဂ မကင်းခဲ့သလိုလို ..

သက်ပြင်းမောကိုသာ အခါခါချမိရင်း ...
----------

လွန်ခဲ့တဲ့ ၁၀နှစ်ကျော်ကတော့ အနှင်း အိမ်ထောင်မကျခင်ကဆို အမွန်ရယ် အနှင်းရယ် အသက်ရယ် သုံးယောက်ဟာ ဘယ်တော့မှမခွဲပဲ ဘယ်သွားသွား ဘယ်လာလာ တပူးတွဲတွဲ ရှိနေခဲ့တာ .. အမွန်က ကျောထောက်နောက်ခံ ကောင်းတဲ့ မိသားစုက ဆင်းသက်လာသူပီပီ အိမ်ရဲ့စီးပွားရေးက အစ ဦးဆောင်နေနိုင်သူ .. အသက်ဆိုတဲ့ ကိုယ်ကတော့ ခပ်ထက်ထက် ခပ်မာမာနဲ့ ကိုယ့်တပိုင်တနိုင်စီးပွားရေးလေးကို လည်ပတ်နေနိုင်သူ .. အနှင်းဆိုတဲ့ သူငယ်ချင်းမလေးကသာ လူပုံက နွဲ့နွဲ့ အရာရာကိုလည်း အကြောက်အရွံ့ပိုသူမို့ ကိုယ်နဲ့ အမွန်က စိတ်မချ ဖြစ်နေခဲ့ရတာ ..

အဲဒီအချိန်မှာပဲ အရပ်မြင့်မြင့် ထောင်ထောင်မောင်းမောင်းနဲ့ လုပ်ငန်းခွင်တခုမှာ မန်နေဂျာရာထူးလဲ ရထားတဲ့ လစာဝင်ငွေအသင့်အတင့်ရှိတဲ့ ကိုမင်းထက်ဆိုသူတဦး အနှင်းကို စ စိတ်ဝင်စားရာက စ .. အနှင်းအပေါ်ကို အမြဲတမ်း ဂရုတစိုက်နဲ့ အရာရာဦးဆောင်မှုပေးနိုင်မယ့် ထိုအမျိုးသားကို ကိုယ်နဲ့အမွန်ကလည်း မျက်စိကျရာက စပြီး ကိုယ်တွေကလည်း တွန်းတွန်းတိုက်တိုက် လုပ်ပေးလိုက်တော့ အစတည်းက အားကိုးရာလိုနေတဲ့ အနှင်းဟာလည်း အိမ်ထောင်ရေးဆိုတဲ့ တွင်းနက်ထဲ ကျသွားခဲ့ရတော့တယ် ..

ကိုမင်းထက်ဟာ ဆိုရင်လည်းပဲ စတွေ့တည်းက အေးလွန်း ရိုးလွန်းလို့ ကိုယ်တွေပဲ အနှင်းနဲ့ ဇာတ်လမ်းထွင်ပေးခဲ့ရသေးတာ .. အေးအေးဆေးဆေးနေတတ်တဲ့ စိတ်သဘောထား မဆိုးတဲ့ အရည်အချင်း အထိုက်အသင့်ရှိတဲ့ အမျိုးသားတဦးနဲ့ ကိုယ်တွေရဲ့ သူငယ်ချင်းမလေးကို စိတ်ချရပြီလို့ တွေးထင်ထားခဲ့သေးတာ .. အိမ်ထောင်ကျပြီးလို့ နှစ်စဉ်နှစ်တိုင်း ကိုယ်စီမွေးနေ့တွေမှာ ဆုံကြ တွေ့ကြ .. ရှေးဟောင်းနှောင်းဖြစ်တွေပြောကြနဲ့ အရာရာဟာ မပြောင်းမလဲ ပုံမှန်လည်ပတ်နေခဲ့တာ အနှင်းရဲ့ သားလေးတောင် မူလတန်းကျောင်းသားကြီး ဖြစ်လို့ ..

ခုတော့ဖြင့် သတင်းတွေက ဟုတ်လို့ ကျော်လာခဲ့ပြီ ..

“ကောင်မလေးက ညဘက်ဖွင့်တဲ့ ကာရာအိုကေဆိုင်ကတဲ့ .. ညစဉ်ညတိုင်း အဲ့ဒီဆိုင်သွားပြီး အိမ်တောင်ပြန်မရောက်တာ အတော်ကြာပြီတဲ့ .. ပြီးတော့ တိုက်ခန်းတခန်းတောင် ကောင်မလေး နာမည်နဲ့ ၀ယ်ပေးထားသေးတယ်တဲ့ ..”

အို .. အဲဒီသတင်းတွေ ကြားတုန်းကဆို မဖြစ်နိုင်ဘူးချည်း ထင်နေခဲ့သေးတာ .. အနှင်းဆီမေးတော့လည်း သူ့ဘက်က ပုံမှန် .. သူ့ယောင်္ကျားကိုယ်တိုင်က စတည်းကကို ခရီးအလီလီထွက်ရ အလုပ်သဘောအရ ညဘက်နောက်ကျတတ်တဲ့သူဆိုတော့ ကောလဟာလတွေပါလို့ အနှင်းကိုယ်တိုင် ရယ်မောပြောခဲ့သေးတာ .. ခုတော့ အနှင်းကိုယ်တိုင် ကိုယ်တွေရှေ့လာပြီး မျက်ရည်မဆည်နိုင် .. ကိုယ်တွေကိုယ်တိုင်လည်း ဘာမှလုပ်မပေးနိုင် ..

အို .. လောကကြီး ဘာတွေဖြစ်နေပါလိမ့်ရယ်လို့သာ ..

----------

အနှင်းက ငိုလို့ အားရသွားတဲ့ပုံနဲ့ မျက်ရည်စတွေသိမ်းရင်း အသံကို ထိန်းလို့ စကားစလာတယ် ..

“သူက ငါ့ကို ကွာမယ်တဲ့ .. ဟိုမိန်းကလေးနာမည်နဲ့ အခန်းဝယ်ထားတယ် .. ပြီးတော့ ငါနဲ့ကွာပြီးရင် မင်္ဂလာဆောင် ထပ်လုပ်မယ်တဲ့လေ .. ငါ ဘာလုပ်ရမလဲ .. ငါဟာလေ ခုလိုအဖြစ်မျိုး ကြုံရတော့မှ ငါ တော်တော်ညံ့နေသလားလို့ အတွေးပေါက်မိတယ် .. ခုမှ တွေးမိတဲ့ငါ ဘယ်လောက်ညံ့နေလဲ ..”

“ကောင်မလေးကို သွားတွေ့ပြီး ပြောရင်ရော ..”

“ဟင့်အင်း .. ငါမလုပ်ရဲဘူး .. ငါ မပြောရဲဘူး ..”

“မကွာပေးနဲ့ဟာ .. ဘာပြောပြော နင်က မယားကြီးပဲ .. သူ့ဟာသူ ထပ်ယူချင်လို့ ယူလဲ မယားငယ်ပဲ ဖြစ်မှာ .. နင်သာ ကွာ မပေးလိုက်နဲ့ .. သားမျက်နှာလဲ ကြည့်ဦး ..” အမွန်က ၀င်ပြောတယ် ..

“ဟတ် .. မင်တို့ မသိလို့ကွ .. ခုခေတ်မှာ မယားကြီး မယားငယ်ဆိုတာ မရှိတော့ဘူး .. မယားပြိုင်ပဲ ရှိတော့တယ် ..”

အဲဒီစကားပြောတဲ့အချိန် အနှင်းမျက်နှာမှာ နာကြင်ရိပ်တွေ ပြည့်နေခဲ့တယ် ..

“ဘာပဲဖြစ်ဖြစ်ပေါ့ကွယ် .. မင်း သားလေး  စိတ်ဒဏ်ရာ ရနေပါ့မယ် .. သူ့သားအပေါ်မှာရော သဘောထားက ဘယ်လိုလဲ ..”

“ပြောရင်ယုံမလား မသိဘူး .. ခုတော့ သူက ငါ့ကိုရော သားကိုပါ ရှိတယ်တောင် ထင်တော့တာ မဟုတ်ဘူး .. အရမ်းကို မွှန်နေတာပဲ .. စကားပြော အဆင်မပြေတိုင်းလဲ သားကို စိတ်ထိခိုက်မှာ စိုးလို့ ငါပဲ ရှောင်နေလိုက်တယ် .. ဟင်း .. တခါတလေဆို ရှောင်လို့တောင် မလွတ်ပါဘူးလေ ..”

နှစ်သိမ့်စရာစကား ရှာမရတဲ့အဆုံး ကျမရော အမွန်ပါ သက်ပြင်းသာ အခါခါ ချမိတော့တယ် ..

အနှင်းကပဲ ဆက်ပြီး .. “ငါ ကွာပေးလိုက်ရင် ကောင်းမလားပဲ စဉ်းစားနေမိတယ် .. ခုက ငါရော ငါ့သားရောကို အိမ်မှာ မနေချင်အောင် သူက ပညာရှိနည်းနဲ့ နှိပ်စက်နေတာ .. ငါ လုံးဝ စိတ်မချမ်းသာဘူး သူငယ်ချင်းတို့ရယ် .. မထင်ရအောင်ကို သူက ရက်စက်တတ်တာပဲ .. ကွာပေးဖို့ ပြောတယ် .. ငါဟာလည်း ညံ့လွန်းလိုက်တာမှ ယောင်္ကျားလုပ်စာအပြင် တခြားအပိုဝင်ငွေရအောင် မကြံတတ် မစည်တတ် .. ငါ သူ့ကို ကွာပေးလိုက်ပြီးရင် ငါနဲ့ ငါ့သားဘ၀ ဘယ်လိုရှေ့ဆက်ရမလဲ .. ငါ တော်တော် အဖြစ်မရှိတဲ့ မိန်းမပဲ ..” ပြောရင်း အနှင်း ငိုပြန်တယ် ..

“အို မဟုတ်တာပဲ အနှင်းရယ် .. အနှင်းက ဘာလို့ အရည်အချင်း မရှိရမှာလဲ .. အိမ်ထောင်မကျခင်ကဆို ကိုယ်တွေလုပ်တဲ့ ကုမ္ပဏီမှာ မင်းက နာမည်ကောင်း အရဆုံးပဲလေ .. ဒါကြောင့်လဲ ကိုမင်းထက်က မင်းကို သဘောကျခဲ့တာပဲ .. မင်းဟာလည်း အရည်အချင်းရှိတဲ့ ထက်မြက်တဲ့ မိန်းကလေးတယောက် မိခင်တယောက်ပါကွာ ..”

“ဟင်း .. ဟင်း .. ဒါတွေက အတိတ်မှာ ပြီးခဲ့ပါပြီကွာ .. ခုတော့ ငါက အိမ်ထောင်ရေးမှာလည်း အသုံးမကျ ၀င်ငွေလည်းရအောင် မရှာနိုင်တဲ့ မိန်းမတယောက် အဖြစ်ကို အိမ်ထောင်ရှင်ဆိုတဲ့ ဝေါဟာရက ၀ါးမြိုသွားခဲ့တာ ၁၀စုနှစ် ၁ခု ရှိရောပေါ့ .. ငါ အိမ်ထောင်ပြုခဲ့တာ အမှားလို့ မထင်ပေမယ့် အိမ်ထောင့်တာဝန်ထဲမှာပဲ နစ်မြုပ်နေခဲ့တာ ငါမှားသွားတယ် .. ငါ့ကိုယ်ငါ တုံးပစ်ခဲ့တာပဲ ..”

“မင်းမှာ အချိန်ရှိသေးတာပဲ အနှင်း .. ခုမှစလည်း နောက်ကျနေပြီဆိုရင်တောင် ပြန်လည်ပြင်ဆင်ခွင့် ရှိလာမှာပါ .. မင်းစိတ်တွေကို အရင် ရှင်းပစ်လိုက် .. မင်းလဲကျလို့ မဖြစ်ဘူးနော် .. မင်းမှာ သားလေးတယောက်လုံး ရှိသေးတယ် .. အနည်းဆုံး မင်းသားလေးအတွက် မင်းရှင်သန်နေရမယ် .. တာဝန်တွေ ကျန်နေသေးတယ် .. ပြီးတော့ မင်း အချိန်တခုတော့ စောင့်လိုက်ပါ .. သူတောင်းဆိုတိုင်း မကွာပေးလိုက်ပါနဲ့ .. ခုချိန် သူတို့ အရှိန်တက်နေရင်တောင် အရှိန်ကုန်ရင် ရပ်သွားပါလိမ့်မယ် .. မင်းရဲ့ မေတ္တာတရားနဲ့ စေတနာကိုသာ ယုံကြည်နေပါ .. မင်းကို ယုံကြည်အားကိုးနေတဲ့သူတွေ ရှိတယ် .. သူတို့ကို စိတ်မပျက်စေနဲ့ကွာ .. ပြီးတော့ ကိုယ့်ကိုကိုယ် အထင်ကြီးစမ်းပါ .. လူတိုင်း မွေးတည်းက လက်နှစ်ဖက် ခြေနှစ်ဖက်နဲ့ ပခုံးနှစ်ဖက်ကြား ခေါင်းပေါက်တဲ့လူကြီးပဲ .. လူတိုင်း ကိုယ်ခင်းတဲ့ လမ်းကို ကိုယ်လျှောက်ကြတယ် .. ကိုယ်ရွေးတဲ့လမ်း ကိုယ်လိုက်ရတာပေါ့ .. မှားနေရင်လည်း ပြင်လိုက် .. လိုအပ်နေရင် ဖြည့်လိုက် .. နောက်ဆုံး မျှော်လင့်သလို ဖြစ်မလာလို့ စွန့်လွှတ်ရမယ်ဆိုရင်တောင် ကိုယ့်ဘက်ကတော့ နောင်တ ကင်းနေပါစေ သူငယ်ချင်း .. ကိုယ်ဖြစ်ချင်သလို ဖြစ်လာမယ့် လောကကြီးမှ မဟုတ်တာကွာ .. ကိုယ့်ဘက်က တတ်နိုင်သလောက် အကောင်းဆုံး ဖြစ်အောင် ကြိုးစားဖို့သာ ကိုယ့်တာဝန်မလား ..”

အနှင်းက ကျေးဇူးတင်သလို အကြည့်နဲ့ ကျမနဲ့ အမွန်ကို လက်ကမ်းပေးတယ် .. ကျမတို့ သုံးယောက်သား ဖက်လိုက်ကြတယ် .. ပြီးတော့ အနှင်းက

“ကျေးဇူးပဲ သူငယ်ချင်းတို့ .. ငါဟာ အနည်းဆုံးတော့ အသုံးမကျတဲ့လူမဟုတ်ဘူးဆိုတဲ့ အသိ ရလိုက်တယ် .. ပြီးတော့ ငါ့ကိုချစ်တဲ့သူတွေရှိသေးတယ် ငါ့ကို လိုအပ်နေသူတွေ ရှိသေးမှန်းလဲ သိလိုက်တယ် .. ငါ ရပ်တည်နေထိုင်သွားပါ့မယ် .. ငါ အကောင်းဆုံးဖြစ်အောင် ကြိုးစားမယ် .. ကိုယ့်ကိုကိုယ်နဲ့ သူတို့ကိုပါ ခွင့်လွှတ်နိုင်ဖို့ ကြိုးစားမယ် .. ငါပြန်တော့မယ်ကွယ် .. သားလေး မျှော်နေတော့မယ် ..”

----------
(၃လခန့် ကြာသော်)

ကလင် ကလင် ကလင်

“ဟဲလို”

“အသက်လား .. ကိုယ်ပါ အနှင်း”

“အနှင်း .. ပြော .. ဘာထူးခြားသေးလဲ ..”

“ထူးခြားတယ် အသက်ရေ .. ကိုယ့်လူကြီး လွန်ခဲ့တဲ့ ၁လ လောက်က အိမ်ကဆင်းသွားခဲ့တယ် .. ကိုယ်လဲ မတားနိုင်အားတော့ဘူး .. လွှတ်ပေးထားလိုက်တယ် .. လိုက်ရှာ လိုက်ခေါ်လဲ မလုပ်တော့ဘူး .. စိတ်ထဲကနေပဲ သူစိတ်ချမ်းသာပါစေတော့လို့ မေတ္တာပို့ပေးနေလိုက်တော့တယ်ကွယ် .. လင်မယားပဲဟာနော် .. ရန်သူမှ မဟုတ်ပဲ .. ကျန်ခဲ့တဲ့ ၃ ၄ ရက်က အိမ်ကို ပြန်လာတယ် .. ကိုယ့်ဘက်ကတော့ တာဝန်ကျေအောင် ဆက်ဆံပါတယ် .. မနေ့က ညကတော့ ကိုယ့်ကို တောင်းပန်တယ် .. သူမှားပါတယ်တဲ့ .. ခွင့်လွှတ်ပါတဲ့ .. ကိုယ်က ခွင့်လွှတ်ထားပြီးသားပါ .. ကောင်မလေးကလည်း ခု ယောင်္ကျားယူသွားပြီတဲ့လေ .. အင်း .. ကိုယ် အံ့သြမိပါတယ် .. ဒါပေမယ့်လည်း ဖြစ်တတ်ပါတယ်လေလို့ပဲ တွေးလိုက်တော့တယ် .. သူလည်း နောင်ကြဉ်သွားလောက်ပြီထင်ပါတယ် .. ကိုယ့်ဘက်ကလည်း ထိန်းတန်တာ ထိန်း ကြည့်တန်တာ ကြည့်နေရတာပေါ့ကွယ် ..”

“သြော် ..”

ကျမလည်း ရှုပ်ထွေးလှတဲ့ အိမ်ထောင်ရေးကြီးကို နားထောင်ပြီး သြော် တလုံးသာ ထွက်နိုင်တော့တယ် .. တယောက်လိုအပ်မှုကို တယောက်ဖြည့်နေတဲ့ သံယောဇဉ် မေတ္တာမပါတဲ့ အပေါ်ယံ သာယာမှုမျိုးဆိုတာ အရှိန်ကုန်တော့လည်း ရပ်သွားရတာပါပဲလား .. ပြီးဆုံးသွားတော့လည်းပဲ အရာရာဟာ အခိုးအငွေ့မပါ ပျောက်ကွယ်သွားရတာပါပဲလေ .. အစစ်အမှန်မဟုတ်တဲ့ သာယာမှု သက်သက်နဲ့ အတုအယောင်တွေကြား ကိုယ်တွေကသာ အသက်ရှုကြပ်လို့ တချို့တွေကတော့ တိုးဝင်လိုက် နစ်မြုပ်လိုက် ပြီးဆုံးသွားလိုက် .. တိုးဝင်လိုက် နစ်မြုပ်လိုက် ပြီးဆုံးသွားလိုက် ..

Saturday, December 10, 2011

ကျမနှင့် Beyond Rangoon

ကျမသည် တခါတရံတွင် အတော် အူကြောင်ကြောင် နိုင်သူ တဦးဖြစ်ပါသည် လို့ စရေးရရင်ကောင်းမလား .. ကျမသည် တခါတရံ အတော် ရူးကြောင်မူးကြောင်နိုင်ပါသည်လို့ ရေးရကောင်းမလား .. ကျမအတွက် စာ စရေးတဲ့အခါ အစပိုင်း အင်ထရိုကိစ္စမှာ တော်တော် အချိန်ပေးရတတ်ပါတယ် .. ဟုတ်ကဲ့ ခုနကစာကို ပြန်ဆက်ရရင် ကျမသည် တခါတရံ စိတ်ရူးပေါက်တတ်ပြီး အူကြောင်ကြောင်အတွေးတွေ လိုအပ်သည် မလိုအပ်သည် မသိ တွေးတောရင်း ကိုယ့်ဒုက္ခ ကိုယ်ရှာတတ်သူ တယောက် ဖြစ်ပါသည် ..

ကျမ စစ်ကားတွေ ကြည့်လေ့မရှိပါ .. စိတ်ဆင်းရဲစရာကောင်းတယ်လို့ သတ်မှတ်မိပါတယ် .. ပိုဆိုးပြီး တကယ်အဖြစ်ပျက်ကို အခြေခံရိုက်ထားတာဆိုရင် ပိုပြီး ရှောင်တတ်ပါတယ် .. တခါတလေ လူများတဲ့အခါ ၀ိုင်းကြည့်မိပေမယ့် တယောက်တည်းဆိုရင်တော့ ဘယ်တော့မှ စစ်ကား သရဲကား စတဲ့ ထိတ်လန့်စရာ ကားတွေကို ရှောင်ပါတယ် ..

ခုတော့ မရို့စ်ဆီက ပို့စ်ကို ဖတ်မိရင်း Beyond Rangoon ကို ကြည့်မိပါတယ် .. ဒီတိုင်းတွေ့ရင် မကြည့်ပါဘူး သေချာပါတယ် .. ဒါပေမယ့် ခု ကြည့်ပြီးသွားပါပြီ .. ကြည့်ပြီးတော့လည်း ခံစားရတယ် .. မျက်ရည်ကျရပါတယ် .. (ပြောထားပါတယ်နော် .. ကိုယ့်အကြောင်းကိုယ် ..း))

တကယ်မဟုတ်ပါဘူး အရုပ်ကြီးပါ သရုပ်ဆောင်နေတာပါ ဒါဟာ ဇာတ်လမ်းလို့ ဘယ်လိုပြောပြော ကျမကတော့ တော်တော်ခံစားလိုက်ရတယ် .. (တယောက်တည်းရဲ့ ခံစားချက်ပါ) ..

မျက်စိရှေ့မှာ ကြီးပြင်းလာတဲ့ သူငယ်ချင်းကောင်း မိတ်ဆွေကောင်းတွေ ချက်ချင်း မျက်စိရှေ့မှာ အသက်ပျောက်သွားခဲ့တယ် .. ချစ်သူတွေ ခင်ပွန်းဇနီးတွေ မိသားစုဝင်တွေ မျက်စိရှေ့မှာ အသက်ပျောက်သွားတယ်ဆိုတဲ့ ခံစားချက်က ဘယ်လောက်ဆိုးလိုက်ပါမလဲ .. အသက်လုပြေးလွှားရင်း သူ့မကယ်နိုင် ကိုယ့်မကယ်နိုင်ဘ၀နဲ့ လွတ်ခါနီးမှ အသက်ဆုံးသွားတဲ့ ကိုယ့်ချစ်ခင်သူတွေအတွက် ဘယ်လိုဖြေသိမ့်နိုင်လိမ့်မလဲ .. လင်ရယ် သားရယ် စုံညီနေရာကနေ ချက်ချင်း မုဆိုးမဖြစ်သွားရတဲ့ မိန်းမတယောက်အတွက် ဘယ်လိုနှစ်သိမ့်နိုင်ပါ့မလဲ .. ကိုယ်က လွတ်ရာ လွတ်ကြောင်းဖြစ်နေပြီ .. ကိုယ့်ခင်ပွန်း ကိုယ့်ချစ်သူ ဘယ်တော့ပေါ်လာမလဲဆိုတဲ့ ဒုက္ခ .. တခြားလူတွေ တဖြည်းဖြည်းစုံလာပြီး ကိုယ့်မိသားစုထဲက လိုအပ်နေသူရဲ့ မသေချာတဲ့ အိမ်ပြန်လမ်းကို ပူပန်ရတဲ့ ဒုက္ခ .. အိုး .. ဆက်စဉ်းစားရင်း မကြုံဘူးပါပဲ ရူးချင်လာတယ် .. ကိုယ်သာ အဲလိုအချိန် အဲလိုနေရာမှာဆို ကျန်ခဲ့သူတော့ မဖြစ်ချင်မိဘူး .. သေရဲလားဆိုတော့လည်း အသားလေးညပ်မိလို့ နာရင်တောင် တဆစ်ဆစ်တုန်လို့ .. အတွေးတွေနဲ့တင် ခက်ရချည့် ..

ရုပ်ရှင်ကို ကြည့်နေရင်း ပြေးကြလွှားကြသူတွေကြား ကိုယ်ပါ မောလာတယ် .. လွတ်ပါစေ ဆုတောင်းနေရင်းနဲ့ မလွတ်ပဲ သေသွားတော့ ၀မ်းနည်းရပြန်တယ် .. တဦးကို တဦး ကူညီဖေးမရင်း အန္တာရယ်နဲ့  တွေ့တော့မလား တွေ့တော့မလားရယ်လို့ ရင်တွေတုန်လို့ .. ဒါဟာ ရုပ်ရှင်လို့ ဘယ်လိုတွေးတွေး ကိုယ်ပါရောပူပန်နေလိုက်တာ .. အင်း ကိုယ်ရူးမှန်းလည်း ကိုယ်သိပါရဲ့ ..

လူတိုင်း ပြည့်စုံ ပျော်ရွှင်မှုကိုသာ လိုလားမှာပါ .. အကောင်းဆုံးဆိုတဲ့ အခြေအနေကိုလည်း မျှော်လင့်လိမ့်မယ် .. မျှော်လင့်တာနဲ့ လွှဲခဲ့ရင် .. ထပ်တော့ မလွဲချင်တော့ပါဘူး .. အရာရာ အန္တာရယ်ကင်း ငြိမ်းချမ်းစေချင်ပြီ .. အားလုံးလည်း ငြိမ်းချမ်းမှုကို မျှော်လင့်ကြမယ်ထင်ပါတယ် .. အယူအဆတွေ အနည်းငယ် လွှဲချင်လွှဲနေလိမ့်မယ် .. ရင်ထဲက ပန်းတိုင်ကတော့ တူညီကြပါလိမ့်မယ် ..

လူဆိုတာ တယောက်တည်းနေရင်တောင် ကိုယ့်စိတ်နဲ့မတည့်ဖြစ်နေတာ အများနဲ့ဆိုရင်တော့ ညှိနှိုင်းကြရမှာ အသေချာပါပဲ .. တဦးနဲ့ တဦး ဆက်ဆံကြတဲ့အခါမှာ မေတ္တာတရား နားလည်မှုတွေနဲ့သာ တည်ဆောက်ကြမယ်ဆိုရင် အတော် ငြိမ်းချမ်းမှာပဲလို့ မျှော်မှန်းမိတယ် .. အားလုံးပဲ တူညီတဲ့ ပန်းတိုင်ကို မတူညီတာတွေ ညှိနှိုင်းရင်း အမြန်ဆုံးရောက်ရှိဖို့ ဆုမွန်ကောင်း တောင်းမိပါတယ် ..

ကျမ အရူးထပြီးရေးတာနဲ့ လိုက်ဖတ်နေရပြီ .. မထူးပါဘူး .. Beyond Rangoon ကိုလည်း ထပ်ကြည့်ချင် ကြည့်လိုက်ကြဦးပေါ့ ..း) အများကတော့ ကြည့်ပြီးသား ဖြစ်လိမ့်မယ်ထင်ပါတယ် .. ခုလို စိတ်ရူးပေါက်တိုင်း ထရေးတတ်တာကိုလည်း သည်းခံဖတ်ပေးလို့ ကျေးဇူးတင်ပါတယ် .. :D ကမ္ဘာသူ ကမ္ဘာသားအပေါင်း ငြိမ်းချမ်း ပျော်ရွှင်ကြပါစေ .. ၀ဋ်ကြွေးတွေ ရှိရင်လည်း အမြန်ကုန်ပါစေတော့ပေါ့ ..း)

Tuesday, November 29, 2011

စကားလုံး မဲ့

မရှိမဲ့ ရှိမဲ့ စကားလုံးတွေနဲ့
စာတွေချရေး
အတွေးတွေသာ ကျဲခဲ့တယ်
ထိုက်တန်တဲ့ စကားလုံး မတွေ့ခဲ့ဘူးပဲ ..

သားက ကားသမားကြီးဖြစ်ချင်သတဲ့
၁၁နှစ်အရွယ်ကောင်လေးက ဆိုတယ်
သူ့လက်ရှိအလုပ်က ဘဲဥပြုတ်အရောင်းသမား
ကြုံသလိုလည်း လူခေါ်ပေးတယ် ..

လုပ်ချင်တာ မလုပ်ချင်တာ ဘေးချ
လုပ်သင့်တာ မလုပ်သင့်တာ မတွေးအား
ကောင်း၏ မကောင်း၏ ဥာဏ်မမှီပေမယ့်
ခေါင်းထဲစွဲနေတာ တနေ့ ၀င်ငွေ ၃၀၀၀ ရှိရမယ် ..

သားတို့ သမီးတို့ အရွယ်
စာတွေသင်အံနေရမယ်
လောကဓံရဲ့ အထုအထောင်း
လမ်းဘေးဈေးသည်ဖြစ်ရတယ် ..

သမီး ကြီးလာရင် .. ??
အလိုလို လူကြီးဖြစ်လာလိမ့်မယ်
ရည်ရွယ်ချက် .. မျှော်လင့်ချက်
တွေးဖို့တောင် စိတ်ကူးမရခဲ့ဘူးရယ် ..

လူသားစင်စစ်ဖြစ်ပါလျှက်
အခွင့်အရေးမပြည့်ဝသည့် ဘ၀
ကလေးငယ်ကလေး ဖြစ်ပါလျှက်
ကလေးမပီသရသည့် ဘ၀ ..

လန်ခရူဆာကြီး ဖြတ်သွားတယ်
ကားပေါ်မှာ ကလေးလှလှလေး
ပါးစပ်အဟောင်းသားနဲ့ ငေးရုံကလွဲ
ဘာများ တတ်နိုင်ဦးမလဲ ..

အချိန်တွေ သိပ်ဆွဲလို့တော့ မဖြစ်
ဒီကနေ့ လစ်မစ်မပြည့်ရင်
ကြိမ်လုံးနဲ့ တင်ပါး နှစ်ပါးသွားရလိမ့်မယ် ..

ဝဲတက်လာတဲ့ မျက်ရည်ကို သုတ်
ငိုချင်တဲ့ စိတ်ကို မြိုချလို့
ခြေထောက်မဲမဲလေးနဲ့ ခပ်သုတ်သုတ်လှမ်း
ဈေးဝယ်တွေ လွတ်ကုန်မှ ခက်မယ် ..

http://amaythar1976.blogspot.com/2011/11/blog-post_29.html?spref=fb
မှတ်ချက် - အပေါ်က လင့်က စာကို ဖတ်ပြီး ဘာစကားလုံးနဲ့မှ နှိုင်းစာမရအောင် ခံစားရပါတယ် .. ကျမတို့ ဘာတွေ တတ်နိုင်ပါမလဲ .. ဘယ်သူ့မှာ တာဝန်ရှိနေတာလဲ .. သူသူ ငါငါ လက်ညှိုးထိုး တရားခံရှာနေမယ့် အစား တခုခု .. တခုခုလောက် နိုင်သလောက်လေး ကူညီပေးကြရအောင်ပါ .. ဘ၀အကျိုးပေး နည်းကြရှာတယ် .. ကျမတို့ ဘာများ တတ်နိုင်ပါမလဲ .. ????????????????????????

Thursday, November 24, 2011

ထပ်တူမဖြစ်နိုင်သော ကိုယ်ချင်းစာခြင်း

စိတ်မကောင်းပါဘူးရှင် ...။

ပြောလို့ကတော့ လွယ်လိုက်တာ
ခံလိုက်ရသူတွေမှာသာ
ဘ၀တွေဆုံး
မျှော်လင့်ချက်တွေဆုံး
ဘ၀ရဲ့ အလင်းရောင်တွေပျောက်ဆုံး
အရာရာ ဆုံးရှုံး ...။

မှောင်ပါတယ်ဆိုမှ
မမြင်ရဘူးလုပ်နေတယ်
ဒါဟာအမှောင်ကွဲ့
မလင်းနိုင်တဲ့ အမှောင်တွေ
လင်းမလားမျှော်လင့်ချက်တော့ လွှတ်မချလိုက်နဲ့
အမှောင်ထဲ စုံးစုံးမြုပ်လိမ့်မယ် ...။

နိုင်သလောက်တော့ တွယ်ဖက်ထားပါရစေ
အရာရာပျောက်ဆုံး
ပိုင်ဆိုင်တာတွေ ဆုံးရှုံးရင်တောင်
အသက်တခါ ၀၀ရှုခွင့်အတွက်
လက်မောင်းတွေပြုတ်ထွက်ပါစေ
မှီရာကို ဆုတ်ဆွဲထားဦးမယ် ...။

ဟုတ်ကဲ့
ကျမ လွန်စွာမှ စိတ်မကောင်းဖြစ်ရပါတယ်
ကိုယ်ချင်းစာမိပါတယ်
ထပ်တူထပ်မျှ ကြေကွဲရတယ် ...။

မလုံလောက်မှန်းသိရဲ့ စကားတွေပြော
ဒဏ်ရာဟောင်းတွေသာ အသစ်ဖြစ်တော့တယ် ...။

Sunday, November 13, 2011

အလောင်းတော် ကဿပ

ကိုယ်တိုင်သွားခဲ့တဲ့ ခရီးစဉ်တော့ မဟုတ်ပါဘူး .. ဒါပေမယ့် အိမ်က လူကြီးတွေ သွားတော့ ပို့ပေးခဲ့တဲ့ ပုံလေးတွေနဲ့ မျက်နှာလုပ်တာပါ .. :D

ခရီးထွက်တာကို အရမ်းကြိုက်တဲ့ ကျမအနေနဲ့ ပုံတွေသာကြည့်ပြီး သရေယိုရတာ အားမရလို့ ကိုယ်နဲ့ ဘ၀တူတွေကိုပါ သရေယိုစေလိုက်တာပါ .. စာရေးဖို့ ကြိုးစားပေမယ့် ပို့စ်တွေ လက်စမသတ်ပဲ အာရုံတွေ များပြီး ပျက်ကွက်နေတာကို အနည်းငယ်များ ကာဗာဖြစ်မလားလို့ပါ .. :D ပုံတွေ ကြည့်လိုက်ပါဦးနော် .. မိုးခါးတော့ မရောက်ဘူးသေးဘူး .. ခရီးထွက်ချင်တယ် ...... (အကျယ်ကြီး အော်ပါတယ် .. :P)






























အလောင်းတော် ကဿပကို ဖေကြီးမေကြီးတို့ ကျန်ခဲ့တဲ့ ဧပရယ်လ သင်္ကြန်တုန်းက သွားခဲ့တာပါ .. ၃သိန်းလောက် ကုန်တယ်သိရပါတယ် .. အပေါ်က ပုံတွေကတော့ ခရီးတလျှောက်က ပုံတွေပါ .. လူကြီးတွေ ပြောအရ မေမြို့ကိုလည်း ရောက်တယ်တဲ့ .. ဆင်တွေ စီးရတဲ့ တောလမ်းခရီးမှာ ဆင်စီးခဲ့လား မေးတော့ ဆင်စီးချင်ရင် တော်တော်ကြာကြာစောင့်ရမှာမို့ မစီးခဲ့ဘူးပြောပါတယ် .. (ဆင်လည်းစီးချင်တယ် .. ငယ်ငယ်တုန်းက တိရစ္ဆာန်ရုံမှာ ၁ခါပဲ စီးဖူးတယ် ..)

မိုးခါးတို့က ခရီးဆိုရင် ဖုန်ပဲ ထူထူ တောပဲ ထူထူ ဘယ်ကိုဖြစ်ဖြစ် ခရီးတိုတို ရှည်ရှည် သွားချင်နေတာပါပဲ .. ခုလည်းပဲ မြန်မာနိုင်ငံက ဒေသတွေကို သတိရရင်း ဆားလည်း ချက်ရင်း .. ရင်းး .. ရင်းး ..း))

စိတ်ချမ်းမြေ့ ပျော်ရွှင်ကြပါစေရှင် ..

Friday, October 14, 2011

စိတ်ဒဏ်ရာ

"သားကြီးရေ .. သားကြီး .. မီရေ သားကြီး ဘယ်ရောက်နေတာလဲကွာ .. ခေါ်လိုက်ပါဦး .. ကိုယ်သွားရမယ့် အချိန် နီးနေပြီ .."

"ကို့သားကြီး ခုနကတော့ ခြံထဲတွေ့တာပဲ .. ခဏလေး မီသွားကြည့်လိုက်ဦးမယ် .."

"ဝါးးးးး .."

"အမလေး သားရေ လန့်သွားတာပဲ .. ဘယ်တွေသွားနေတာတုန်း .."

"သား ကျောင်းဝန်းထဲက ဇီဇ၀ါပန်း သွားခူးနေတာ မေမေ .. ဖေဖေ့ဖို့ .. ရော့ ဖေဖေ .. ပြန်လာရင် သားဖို့ မုန့်နဲ့ အရုပ် ၀ယ်ခဲ့နော် .."

"ဟား .. ဟုတ်ပါပြီဗျာ .. ငါ့သားက ဘာအရုပ် လိုချင်တုန်း .."

"လေယာဉ်ပျံ .. ဖေဖေ ခုမောင်းမယ့် လေယာဉ်ကြီး သားလိုချင်တာ .."

"အမလေး အဖေတူသား .. ဟွန်း .." မေမေက ခပ်ပြုံးပြုံးနဲ့ သားအဖနှစ်ယောက်ကို မျက်စောင်းထိုးတယ် ..

"ဒါမှ ငါ့သားကွ .. သား ဖေဖေ့လို လေယာဉ်ပျံကြီး မောင်းချင်ရင် စာကို ကြိုးစားရမယ်နော် .. မေမေ့ကိုလည်း ဂရုစိုက် .. ညီလေးကိုလည်း ကူထိန်းပေးနော် .."

"ဟုတ် .."

"လိမ္မာလိုက်တဲ့ ငါ့သားကြီး .. ဖေဖေကြီးကို မွှေးမွှေးပေးပါဦး .."

ကျနော် စိတ်လိုလက်ရ မွှေးမွှေးပေးလိုက်တော့ ဖေဖေ့မျက်နှာ ပြုံးလို့ .. မေမေ့ကလည်း ပျော်လို့ .. ကျနော့်ညီလေးကတော့ ပုခက်ထဲမှာ အိပ်မောကျနေလေရဲ့ ..

"ကဲ .. ကိုသွားတော့မယ် .. အစစ ဂရုစိုက်နော် မီ .."

"ဟုတ်ကဲ့ပါ ကို .. စိတ်ချပါ .."

အဲဒီအချိန် မေမေ့မျက်နှာမှာ စိုးရိမ်စိတ်တချို့ ယှက်သန်းနေတာ ကျနော် ဂရုပြုမိပါတယ် .. ကျနော်လည်း ဖေဖေ့ကို စိတ်ပူတယ်လေ .. သားလည်း ဖေဖေနဲ့ လိုက်ချင်တယ်လို့ ပြောချင်တယ် .. ဒါပေမယ့် ကျနော်လိုက်ခွင့် မရှိမှန်းလည်း သိနေပါတယ် .. ဒါပေမယ့် ဖေဖေမောင်းတဲ့ လေယာဉ်ပျံကြီး ကျနော် အရမ်းစီးချင်တယ် ..

----------

ကျနော် အခု ကောင်းကင်ပေါ်က တိမ်တွေကို အနီးကပ်မြင်နေရတယ် .. လေယာဉ်ပေါ်မှာ ဖေဖေရယ် မေမေရယ် ကျနော်ရယ် .. ဖေဖေ့လေယာဉ်ကြီးက တိမ်တွေကို ၀င်တိုက်လိုက် .. တိမ်တွေက လေယာဉ်ကို ၀င်တိုက်လိုက်နဲ့ .. တိမ်တွေကို အနီးကပ်မြင်ရတာ အရမ်းစိတ်လှုပ်ရှားဖို့ ကောင်းတယ် .. လေယာဉ်ပျံပေါ်ကနေ ဟိုးမြေပြင်ကို လှမ်းကြည့်ရင် အားလုံးက ပိစိကွေးလေးတွေ .. ကျနော် အရမ်းပျော်နေတယ် .. ဖေဖေရယ် မေမေရယ် ကျနော်ရယ် ..

ရုတ်တရက် ဖေဖေ ကျနော့်ကို ကြည့်တယ် .. ပြီးတော့ ဖေဖေ့မျက်လုံးတွေမှာ မျက်ရည်တွေလား .. ကျနော့်ခေါင်းကို တချက် သပ်တယ် .. ပြီးတော့ ..

"သား မေမေ့ကို ဂရုစိုက်နော် မေမေ့စကားနားထောင်ပြီး ညီလေးကိုလည်း ကူထိန်းပေးနော် .. ဖေဖေစိတ်ချမယ်နော်သား .. စာကိုလည်း ကြိုးစား .."

"ဟုတ် ဖေဖေ .."

ပြီးတော့ ဖေဖေ ခလုတ်တခုနှိပ်လိုက်တယ် .. ခလုတ်နှိပ်လိုက်တာနဲ့ ကျနော်တို့ စီးနေတဲ့ လေယာဉ်ကြီး နှစ်ခြမ်းကွဲသွားတယ် ..

"ဖေဖေ .. ဖေဖေ .. သားတို့ကို မခွဲသွားပါနဲ့ .. ဖေဖေ .. ဖေဖေ ......."

ဖေဖေ ကျနော့်ကို ကြည့်နေတယ် .. မျက်ဝန်းမှာ မျက်ရည်တွေလား .. နှုတ်ခမ်းတွေက  တခုခုပြောချင်နေတာလား ..

"ဖေဖေ သားကို ပြန်လာခေါ်ပါ .. ဖေဖေ ......... ဖေဖေ ........."

ဝုန်း ............

"ဖေဖေ .. ဖေဖေ .. ဖေဖေ ......"

ကျနော့မျက်စိရှေ့မှာ ဖေဖေရှိနေတဲ့ လေယာဉ်က တစစီ ပေါက်ကွဲထွက်သွားတယ် .. ကျနော် ဖေဖေ့ကို တစာစာအော်ခေါ်ရင်း မျက်ရည်တွေ ထိန်းမနိုင်သိမ်းမရ ကျလာတယ် .. ကျနော် အသက်ရှုကျပ်လာတယ် .. ကျနော့်ရင်ဘတ်ကို တယောက်ယောက်ဖိထားတယ် ..

"အား ......"

တဆတ်ဆတ်တုန်နေတဲ့ ရင်နဲ့ ကျနော့်တကိုယ်လုံး ချွေးတွေ ရွဲနစ်ပြီး နိုးထလာခဲ့တယ် ....

ဖေဖေ့ရဲ့ နောက်ဆုံးမှာစကားကို နားမှာကြားနေရင်း .. မျက်ရည်တွေ သွင်သွင်ကျရင်း ကျနော့်နှုတ်ခမ်းက စကားလုံးတခု ထွက်ကျလာခဲ့တယ် .. "ဖေဖေ .."

ခုလိုမောဟိုက်ပြီး နိုးထလာတဲ့ မနက်ခင်းပေါင်းများစွာကို ကျနော် အလွန်မုန်းတီးလှပါတယ် .. ဖေဖေဆုံးပါးပြီးနောက်ပိုင်း ကျနော့အခု အသက် ၂၀အထိ ခုလို ဆိုးဝါးလှတဲ့ အိပ်မက်ဆိုးပေါင်းများစွာကို ပိုင်ဆိုင်ခဲ့တယ် .. နောက်ဆုံးမှာ ဖေဖေက တနည်းနည်းနဲ့ ပျောက်ကွယ်သွားခဲ့တယ် .. နောက်ဆုံးတော့ ကျနော်တို့ပဲ ကျန်ခဲ့တယ် ဖေဖေ ..

ခုတင်ဘေး ခုံပေါ်က ကျနော့ဒိုင်ယာယီလေးကို ဆွဲယူလိုက်တယ် .. ပြီးတော့ ကျနော် စာကြောင်းတွေ ချရေးလိုက်တယ် ..

ဖေဖေ

ဖေဖေခု ဟိုး ကောင်းကင်ပေါ်မှာလားဟင် .. သားတို့ကို မေ့နေပြီပေါ့နော် .. ဒါမှမဟုတ် ဖေဖေသားတို့ကို သတိရနေတုန်းလား .. ပြီးတော့ ဖေဖေတယောက်တည်းဆို ပျင်းနေမှာပဲနော် .. ဖေဖေ့ကို သနားလိုက်တာ .. ဖေဖေ တယောက်တည်းဆိုလည်း မကြောက်နဲ့နော် .. သား ခု ဆေးဖော်နေတယ် .. အဲဒီဆေးအောင်ရင် သား ဖေဖေဆီ လာတွေ့မယ် .. အဲဒီအခါကျ သားကို ဖေဖေမောင်းတဲ့လေယာဉ်ကြီး ပေးစီးပါနော် ..

ဖေဖေ့ကို အရမ်းချစ်တယ် .. အရမ်းလည်း သတိရတယ် .. ဖေဖေနေကောင်းပါစေ ..

ဒိုင်ယာရီစာအုပ်ကို ပိတ်လိုက်ပြီး နေရာတကျ ပြန်ထားလိုက်တယ် .. ပြီးတော့ ကုတင်အောက်မှာ ဖွက်ထားတဲ့ ဂမ္ဘီယစာအုပ်တအုပ်ကို ယူပြီး ဖတ်လက်စ စာကို ဆက်ဖတ်နေလိုက်တယ် .. ပြီးတော့ ကျနော့မှတ်စုစာအုပ်တအုပ်ကို ယူပြီး ဆေးနည်းတွေ လိုက်မှတ်လိုက်တယ် .. ကျနော့် စာအုပ်ထဲမှာ ဆေးနည်း ပုတီးစိပ်နည်း ဖိုထိုးနည်း အစုံပဲ ရှိတယ် .. ကျနော်ရဲ့ ဆေးအောင်ရင် ကျနော့ ဖေဖေကို ခဏဖြစ်ဖြစ် တွေ့ရမယ် .. အတွေးထဲမှာတင် ကျနော် တက်ကြွလာတယ် .. ဒါပေမယ့် ဆေးဖော်ဖို့က ပစ္စည်းတွေလည်း အများကြီးလိုသေးတယ် .. မေမေမသိအောင်လည်း လုပ်ရသေးတယ် ..

မေမေ .. မေမေနဲ့ မတွေ့တာတောင် ကြာနေခဲ့ပြီ .. မေမေ အဆင်မှပြေရဲ့လား .. မေမေ့ကို သတိရတာနဲ့ မေမေ့ဘေးက အရက်သမားလူကြီးကိုပါ မြင်ယောင်လာခဲ့တယ် .. ဒီလူကြီး မေမေ့ကို နှိပ်စက်နေသေးလား .. မေမေ့ကိုလည်း သနားလိုက်တာ .. မေမေ့ဆီ သား အမြန်ပြန်လာမှာပါ .. ဒီကလူတွေ မသိအောင် သားထွက်လာခဲ့မယ် .. သား ဒီက လွတ်တာနဲ့ မေမေ့ကို လာခေါ်မယ် .. ပြီးရင် ဖေဖေရှိတဲ့နေရာကို သားရယ် မေမေရယ် ညီလေးရယ် လိုက်သွားမယ် .. မေမေ စိတ်မပူနဲ့နော် ..

ကျနော့ ပစ္စည်းတွေကို အနားမှာရှိတဲ့ အိတ်တခုတည်း စုပြုံထည့်လိုက်တယ် .. တံခါးပေါက်ကို သွားချောင်းကြည့်တော့ အစောင့်တွေ ဟိုဘက်ဒီဘက်လျှောက်နေတယ် ..

ကလင် .. ကလင် ..

ဘဲလ်သံနဲ့ အတူ ကျနော့ အခန်းတံခါးပွင့်သွားတယ် .. ကြည့်လိုက်တော့ လက်ထဲမှာ ဗန်းကို ကိုင်ရင်း လူတယောက်ဝင်လာတယ် .. ပြီးတော့ အသံချိုချိုနဲ့ ..

"သားရေ .. ဆေးသောက်ချိန်ရောက်ပြီ .. အိုး သားက လက်ထဲမှာ အိတ်ကြီးနဲ့ ဘယ်သွားမလို့လဲ .. အန်တီကို ပြောလေ .. အန်တီလည်း လိုက်ချင်တာပေါ့ .."

ကျနော် မသင်္ကာစွာနဲ့ ကြည့်ရင်း ..

"အန်တီက တကယ်လိုက်ချင်လို့လား .. သားက ဖေဖေမောင်းတဲ့ လေယာဉ်ကြီး သွားစီးမှာ .. မေမေနဲ့ ညီလေးကိုလည်း သွားခေါ်ရဦးမယ် .. အန်တီလိုက်ချင်ရင် မေမေ့ကို အရင်မေးပေးမယ် .. မေမေက လိုက်ဆို အန်တီလိုက်ခဲ့လေ .."

"တကယ်နော် သား .. ဒါဆို သားက ခရီးထွက်မှာပေါ့ .. ခရီးထွက်မယ်ဆို သားအားရှိဖို့ လိုတယ်သားရဲ့ .. ဗိုက်မဆာဘူးလား .. ဒီမှာ အန်တီ ထမင်းနဲ့ဟင်း ယူလာတယ် .. ပြီးရင် အားရှိအောင် ဒီဆေးလေးသောက် .. သား အားရှိပြီဆို အန်တီတို့ တူတူ သွားမယ် .. ဟုတ်ပြီလား .."

"ဟုတ် .."

ကျနော် ပျော်သွားတယ် .. ထမင်းနဲ့ဟင်းကို အားရပါးရစားပြီး ဆေးတွေလည်း ကျနော် သောက်လိုက်တယ် .. အန်တီကို ကြည့်လိုက်တော့ အန်တီမျက်ဝန်းတွေက မေမေ့လိုပဲ ကြင်နာမှုတွေနဲ့ ပြည့်နေတယ် ..

"စားကောင်းလား သား .. စားပြီးရင် ခဏအိပ်လိုက်ဦးနော် .. နောက် နဲနဲကြာရင် အန်တီ ထပ်လာခဲ့မယ် .. ဟုတ်လား .."

"ဟုတ် .."

ကျနော် ပြောရင်း အိပ်ရာပေါ်လှဲလိုက်တယ် .. လှဲနေရင်းပဲ ကျနော် ငြိမ်းငြိမ်းချမ်းချမ်း အိပ်ပျော်သွားခဲ့တယ် .. အန်တီက ပစ္စည်းတွေသိမ်းပြီး ထွက်သွားတဲ့ ခြေသံကို မပီမပြင် ကြားနေရတယ် .. ပြီးတော့ တံခါးပိတ်သံ တိုးတိုး ..

----------

ကျမ တာဝန်ကျနေတဲ့ စိတ်ရောဂါကု ဆေးရုံမှာ သနားစရာ ကောင်းတဲ့ ကလေးတယောက်ရှိနေတယ် .. သူသိပ်လေးစား ချင်ခင်ရတဲ့ ဖခင်ဟာ တိုက်လေယာဉ်မောင်းတဲ့ ဗိုလ်ကြီးတယောက်ဖြစ်တယ် .. သူမူလတန်းအရွယ်မှာပဲ သူ့ရဲ့ ဖခင်ဟာ ဒဏ်ရာရ ရဲဘော်တွေကို သွားကယ်ဖို့ လေယာဉ်နဲ့ ထွက်လာရင်း တဖက်က ရန်သူတွေရဲ့ ပစ်ခတ်မှုကြောင့် ကျဆုံးသွားခဲ့တယ် .. ကလေးဟာ အဲဒီအချိန်တည်းက ဖခင်ပြန်အလာကို မျှော်လင့်ရင်း စောင့်စားနေခဲ့တယ် .. အိမ်ထောင်ရေး ကံမကောင်းတဲ့ မုဆိုးမ မိခင်ရဲ့ နောက်အိမ်ထောင်ကလည်း အဆင်မပြေဖြစ်ခဲ့တယ် .. စိတ်ဒဏ်ရာတွေနဲ့ ကလေးဟာ တဖြည်းဖြည်းကြီးပြင်းလာရင်း တက္ကသိုလ် ၀င်တန်းကို အောင်မြင်ခဲ့တယ် .. သူအဖြစ်ချင်ဆုံးကတော့ စစ်ဗိုလ်ကြီးတယောက်အဖြစ်ပဲ .. ကံဝဋ်ကြွေးကြောင့် ကံမကောင်းခဲ့သူကလေးဟာ ဗိုလ်ဝင်ခွင့်မှာလည်း ကျဆုံးခဲ့တယ် .. သူ့ရဲ့ မျှော်လင့်ချက်အိပ်မက်တွေ အားလုံးပြိုပျက်သွားချိန်မှာတော့ ..

သူလေးရဲ့ စိတ်တွေ အမြန်ဆုံး ပုံမှန်ဖြစ်လာဖို့ ကျမတို့ ကြိုးစားနေခဲ့တယ် .. ကလေးရယ် .. အမြန်ဆုံး ငြိမ်းချမ်းမှု တွေ့ပါစေကွယ် ..

Friday, October 7, 2011

ဟိုရောက် ဒီရောက် (၇)

တရက် .. ကျမတို့ ကုမ္ပဏီကနေ NTU က Fair တခုမှာ ဝင်ရောက်ပြသဖို့ ဖြစ်လာပါတယ် .. အဲဒီပွဲလုပ်မယ့်ရက် မတိုင်ခင်မှာ ကိုယ့်ရဲ့ နေရာထိုင်ခင်းကို ပြင်ဆင်ဖို့ တခြားလူတွေနဲ့ အတူ NTU ကျောင်းကို ရောက်ခဲ့ပါတယ် .. ရုံးမှာ အချိန်ပိုင်း လာလာလုပ်တဲ့ ကောင်လေးက အခု NTU မှာ ကျောင်းဆက်တက်နေပါတယ် .. သူကလဲ Fair ပွဲအတွက် လာကူရင်း အပြန်မှာ သူနေတဲ့အဆောင်ကို သူဌေးရဲ့ ညီက လိုက်ကြည့်မယ်ဖြစ်တာနဲ့ ကိုယ်လဲ ကန့်လန့် ကန့်လန့် ပါသွားတယ် ဆိုပါတော့ ..

အစကတော့ အပေါ်ထိလိုက်တက်ကြည့်မယ် စိတ်မကူးပါဘူး .. ယောင်္ကျားလေးဆောင်လဲ ဖြစ်နေတာကိုး .. ဒါပေမယ့် မိန်းကလေးတက်လို့ရတယ် ဘာညာပြောတာနဲ့ ကားထဲ ထိုင်စောင့်ရမယ့် အတူတူ မထူးပါဘူးဆိုပြီး ပါသွားပြန်ပါတယ် .. မသွားခင်မှာ ရုံးကလူတွေကလည်း ညွှန်းတာကိုး .. အဲ့ကောင်လေးနေတဲ့အခန်းက ကွန်ဒိုလိုပဲ ဘာညာဆိုတော့ စလုံးက အဆောင်ခန်းတွေ ဘယ်လိုနေတယ်ဆိုတာ စပ်စုချင်စိတ်ကလည်း ပေါက်လာတယ်လေ ..

ကျောင်းသား/သူတွေအတွက် သေသေချာချာ စနစ်တကျ သပ်သပ်ရပ်ရပ် ရှိလှပါတယ် .. ကျောင်းသား ကျောင်းသူ အဆောင်တွေက ကပ်ရပ်ပါ .. ခွဲထားခြားထားတာတွေလည်း မရှိပါဘူး .. ကိုယ်ကတော့ ထင်တာပေါ့ .. ယောင်္ကျားလေးဆောင်ဆို မိန်းကလေး ၀င်လို့ မရလောက်ဘူးလို့ .. ဒါပေမယ့် ရတယ်လို့ ပြောပါတယ် ..

အဆောင်ရှိရာ အခန်းကို သွားချင်ရင် ကိုယ်ပိုင်ကဒ်လေးနဲ့ ဖြတ်ပြီး ၀င်ရပါတယ် .. အဆောင်က ၂ယောက် တခန်းပါ .. တော်တော်လေးကျယ်ဝန်းပါတယ် .. အိပ်ရာ ၂ခုကြားထဲမှာ အကာထားထားပြီး စာကြည့်စားပွဲ ဗီဒို စတာတွေနဲ့ ၂ယောက် လွတ်လွတ်လပ်လပ် နေနိုင်ပါတယ် .. ယောင်္ကျားလေးအခန်းဆိုတော့ ဓါတ်ပုံရိုက် မှတ်တမ်း မတင်ခဲ့တော့ပါဘူး .. :D အခန်း ၀င်ဝင်ချင်း အပြင်မှာ ဖိနပ်ထားဖို့ စင်က နံရံကပ်ပြီး ရိုက်ထားပြီးသားပါ .. အဲကွန်းလဲ ပါပြီးသားပါ .. ဒါကြောင့် ကွန်ဒိုလို့ ပြောတာထင်ပါရဲ့ .. ;) အခန်းခက ၃၀၀ အပြီးအစီးလို့ ပြောပါတယ် .. နိုင်ငံတော်ရဲ့ စေတနာပေါ့လေ .. :D

 ကျောင်းသား တွေအတွက် တီဗီထားထားတဲ့ အခန်းကျယ်၊ စားစရာသောက်စရာ လုပ်စားနိုင်ဖို့ မီးဖိုခန်း၊ အဆောင်ရဲ့ အနီးမှာတော့ Food Court ရှိပါတယ် .. အဆောင်က ၆ထပ်ဆောင်ပါ ..

 နားနေဆောင်
  ယောင်္ကျားလေးဆောင် မိန်းကလေးဆောင် ကူးတဲ့ တံတား
မီးဖိုချောင်
ကျောင်းသား/သူများ နေထိုင်ရာ အဆောင်
ကျောင်းသား/သူများ နေထိုင်ရာ အဆောင်(တဖက်ခြမ်း)
 အဆောင်မျက်နှာစာ
အဆောင်အနီးမှ Food Court 

အဲဒီအဆောင်နဲ့ ကျောင်းကို ရောက်သွားတဲ့အချိန်မှာ ကျမစိတ်ထဲ ဖြစ်မိတာက ငါတို့ နိုင်ငံက ကျောင်းတွေ အဆောင်တွေသာ အဲလို သန့်သန့်ရှင်းရှင်းနဲ့ စနစ်တကျရှိရင် သိပ်ကောင်းမှာပါပဲ ပေါ့ .. ဖြစ်လာမှာပေါ့လေ တချိန်ချိန်ပေါ့ ..း)

ခေတ်မှီဖွင့်ဖြိုးတိုးတက်တဲ့ နိုင်ငံတော်သစ်ကို ချီတက်နေပြီပဲ .. ;)

Friday, September 30, 2011

အိပ်မက်တောင်းသူ

မနက်ခင်းအတွက် ကဗျာ လှလှ တပုဒ် ရေးချင်တယ် ..

မနက်ဦးမှာ ရာသီဥတု ကြည်ကြည်လင်လင်နဲ့ မြက်ခင်းစိမ်းစိမ်း ကောင်းကင်ပြာပြာ ကျမတို့ အိမ်ခေါင်မိုးလေးတွေက ပန်းရောင် ထနေမယ် .. သစ်လွင်တောက်ပလို့ စိမ်းစိုလန်းဆန်းလို့ .. ပြူတင်းတံခါးဖွင့်တာနဲ့ မြေနံ့သင်းသင်း မိုးနံ့ရောရင်းရတယ် .. မိုးရနံ့နဲ့ နိုးထတဲ့မနက် စိတ်တွေ ဘယ်လောက် လတ်ဆတ်လိုက်မလဲ .. ဘေးအိမ်တွေက မြက်ရိတ်သံတွေ ကလေးတွေ စီစီညံနှိုးနေသံတွေ ဒါတွေဟာလည်း မနက်ခင်းရဲ့ သင်္ကေတ ..

မနက်အလင်းနေရောင်ခြည်ကို တေးသံသာသာနဲ့ ငှက်လေးတွေက ကြိုတယ် .. သူတို့လည်း အချင်းချင်း မနိုးသေးတဲ့သူတွေကို နှိုးနေတာ နေမယ် .. ဒါမှမဟုတ် သီချင်းတွေ သံပြိုင်ဆိုနေသလားပဲ .. သူတို့တွေ ပျံသန်းလိုက် ရပ်လိုက် နားလိုက် အစာကျွေးမယ့်သူကို စောင့်လိုက် စားလိုက် .. ငြိမ်းငြိမ်းချမ်းချမ်းပဲ .. သစ်ပင်အုပ်အုပ်ကြီးနဲ့ ကမ္ဘာမြေပြင်ကြီးက ပြုံးလို့ သူတို့ရဲ့ ရင်သွေးတွေကို အမြတ်တနိုးကြည့်နေတယ် .. ဒါတွေဟာ သာယာလှပခြင်းရဲ့ သင်္ကေတ ..

အိမ်တိုင်း အိမ်တိုင်း မနက်စာတွေကို အလျှံအပယ်နဲ့ ၀၀လင်လင်စား .. မိသားစုတခုလုံးဟာ ထမင်းဝိုင်းမှာ စုံစုံညီညီရောက်နေကြတယ် .. ကလေးတွေရဲ့ အသံစာစာနဲ့ မုန့်တောင်းသံ ဂျီကျသံ မိဘတွေရဲ့ ချစ်ခင်နှစ်လိုမှု ပြွန်းတဲ့ မေတ္တာသံတွေနဲ့ မနက်ခင်းဟာ အသက်ဝင်နေတယ် .. မိဘတွေက သားသမီးကို ဆူလိုက် ငေါက်လိုက် ချော့လိုက် ခြောက်လိုက် အဖိုး အဖွားတွေကတော့ ပြုံးလို့ တစုစု တရုံးရုံး မနက်ခင်း ထမင်းဝိုင်းလေး စည်ကားနေမယ် ..

မနက်ခင်းတိုင်းမှာ တရားမျှတမှုတွေ ကြီးစိုးလို့ ကိုယ်ချင်းစာမှုတွေ အုပ်မိုးလို့ မေတ္တာတွေနဲ့ ထုံလွှမ်းထားတယ် .. ဘာများ လိုအပ်သေးလဲ .. မေတ္တာအပြည့်နဲ့ အိမ်လေးမှာ အချင်းချင်း မေတ္တာရှိကြသူတွေ နေထိုင်ကြတယ် .. အပြန်အလှန် မေတ္တာထားလို့ လောကကြီးက လှပနေတယ် .. တဦး အပေါ် တဦး ကူညီဖေးမမှုတွေ စောင့်ရှောက်မှုတွေနဲ့ လူတိုင်းရင်ထဲ ဗြဟ္မစိုရ်တရား ကိုယ်စီကိန်းလို့ ..

ကျမတို့ တိုင်းပြည်မှာ စစ်တွေ မရှိတော့ဘူး .. နိုင့်ထက်စီးနင်းမှုတွေ မရှိတော့ဘူး .. ဖိနှိပ်အနိုင်ကျင့်မှုတွေ မရှိတော့ဘူး .. မတရားမှုတွေ မရှိတော့ဘူး ..

အဲဒီတိုင်းပြည်လေး .. ကျမရဲ့ တိုင်းပြည်လေး .. ကျမရဲ့ အိပ်မက် တိုင်းပြည်လေးထဲမှာ .. ကျမရဲ့ မျှော်လင့်ချက် တိုင်းပြည်လေးထဲမှာ ..

ဖြစ်နိုင်ရင် ဒီအိပ်မက်ကို ကျမ မိုးလင်းခါနီးအချိန်မှာ မက်ချင်ပါတယ် .. ကျမရဲ့ အစွဲအလန်းတခုက အဲဒီအချိန်မက်တဲ့ အိပ်မက်ဟာ အပြင်မှာ လက်တွေ့ မကြာမတင် ရောက်လာလိမ့်မယ် တဲ့ ..

မနက်ခင်းလှလှတခုကို ကဗျာအဖြစ် ဖွဲ့သီချင်ခဲ့တယ် .. ဒါပေမယ့် စိတ်ကူးက အိပ်မက်လှလှတခုအဖြစ် အသွင်ပြောင်းသွားခဲ့တယ် .. 

Thursday, September 22, 2011

မျှော်လင့်ချက်မြစ်


ကျမတို့ မြန်မာနိုင်ငံသားတွေမှာ ချစ်ခင်စရာတွေ မြတ်နိုးစရာတွေ သိပ်ပေါတယ်ဆိုတဲ့အကြောင်း သိခဲ့တာ သိပ်မကြာသေးပါဘူး .. ကျမရဲ့ ရင်တွင်းမှာ ကိုယ့်တိုင်းပြည်ကို ချစ်တဲ့စိတ် ရှိနေသေးပါလားလို့လည်း အတိအကျ သိလိုက်ရတာ မကြာသေးခင် အချိန်ကမှပါ .. ကိုယ်စီ အလုပ်တာဝန်တွေ လူမှုတာဝန်တွေကြားမှာ လည်ပတ်နေရင်းနဲ့ ဘ၀ဆိုတာကို ပုံသေကားချပ် ဖြတ်သန်းခဲ့တာ ခုဆို နှစ် အနည်းငယ် ကြာလာခဲ့ပါပြီ .. ပုံသေလည်ပတ်နေတဲ့ အချိန်အတွင်းမှာပဲ ကိုယ့်မြေ ကိုယ့်ရေပေါ်က အဖြစ်အပျက်တွေ ဆုံးရှုံးမှုတွေ မြင်ရ ကြားရတဲ့ အခါမျိုးမှာ ကိုယ်ချင်းစာစိတ် သနားစိတ်နဲ့ နိုင်သလောက် အကူအညီ နဲနဲပါးပါးလောက်ပဲ ပေးနိုင်ခဲ့ပါတယ် .. ဒါဟာ လူလူချင်း ကိုယ်ချင်းစာစိတ် လို့ ပြောနိုင်မယ် ထင်ပါတယ် .. အထူးသဖြင့် ကိုယ့်လူမျိုးတွေ ဒုက္ခရောက်တဲ့အခါ ပုံတွေကို မြင်လိုက်ရတဲ့ အခါတိုင်းမှာ ဆက်မမြင်ရဲတော့လောက်အောင် စိုးရိမ်ကြောက်လန့် ခဲ့ဘူးပါတယ် .. ရင်ထဲမှာ နင့်နေအောင် ခံစားခဲ့ရ ဘူးပါတယ် .. ဥပမာအားဖြင့် နာဂစ် နဲ့ ခုနောက်ပိုင်း ရေကြီးချိန်တွေမှာ ရိုက်ထားတဲ့ ပုံတွေပါပဲ .. အဲဒီအချိန်ထိ ကျမက ကိုယ့်တိုင်းပြည်ကို ကိုယ့်မြေ ကိုယ့်ရေကို ချစ်တတ်တဲ့စိတ်ရှိမှန်း မသိခဲ့သေးပါဘူး ..

ဧရာဝတီလို့ စလိုက်တာနဲ့ ရောဂါကူးစက်ခံရသူလို့ သတ်မှတ်ချင်ရင် ကျမဟာ ရောဂါကူးစက်ခံရသူပါပဲ .. ဘာလို့လဲ .. ကျမတိုင်းပြည်ရဲ့ တန်ဖိုးရှိတဲ့ မြစ်တစင်းမို့လို့ပါ .. တခြားနှမြောတာတွေလည်း အများ ကြီးပေါ့ .. နှမြောရတယ်ဆိုတည်းက တန်ဖိုးရှိနေလို့ တန်ဖိုးသိနေလို့ပါ .. တောင်တွေ ကတုံးဖြစ်သွားတာ အထင်ကရ ဘုရားပုထိုးတွေ ဖျက်ဆီးခံရတာ လယ်မြေတွေ ပျက်စီးတာက စလို့ ကျမတို့ကို အုပ်မိုးထားတဲ့ ကောင်းကင်ကြီး မကြည်လင်တော့မှာတွေကိုပါ တွေးပြီး ခုနောက်ပိုင်း ပိုလို့ နှမြောတတ် လာပါတယ် .. ဒါပေမယ့် ကျမတို့က မြန်မာပြည်ကိုပြန်ချင်သေးတဲ့လူတွေဖြစ်လို့ များသောအားဖြင့် ကိစ္စတွေမှာ ကျမ ကြောက်ကြောက်နဲ့ နှာစေးနေပါတယ် .. ခုတော့ မီဒီယာတွေ လွတ်လပ်တာနဲ့ အုပ်ချုပ်သူအပြောင်းအလဲတွေကြောင့် ကောင်းတဲ့ဘက်ဦးတည်နေပြီလို့ ထင်မိပြီး အပြောလဲ နဲနဲ ရဲလာတယ် ဆိုပါတော့လေ .. ကျမဟာ ဧရာဝတီကို ပျက်စီးအောင် ပြုလုပ်ဖို့ ကြံနေသူတွေ လက်ရှိ ပြုလုပ်နေသူတွေနဲ့ ပြုလုပ်နေမှုတွေကို ကန့်ကွက်ပါတယ် .. ဒါ တိုင်းပြည်ရဲ့ တန်ဖိုးရှိတဲ့ ကျန်ရှိ နေသေးသော အရာတွေအပေါ် တဖက်တလမ်းက စောင့်ရှောက်ချင်စိတ်တခုတည်းကြောင့်ပါပဲ ..

ကျမတို့ ၀ိုင်းဝန်းကန့်ကွက်ကြတယ်ဆိုတော့ အကြောင်းပြချက်ရှိပြီပေါ့နော် .. အကြောင်းပြချက်တွေက သဘာဝတရားရဲ့ အမွေအနှစ်ဖြစ်လို့ .. တန်ဖိုးရှိတဲ့ သမိုင်းမှတ်တမ်း ထည်ဝါ ကြီးမားလို့ .. ကချင်ပြည်နယ်က ပြည်နယ်သားတွေရဲ့ နှလုံးသဲပွက်နေရာဖြစ်လို့ .. လှပတဲ့ အထင်ကရ နေရာဖြစ်လို့ .. မြစ်ကြီးကိုမှီခိုနေကြတဲ့ လုပ်သားတွေရဲ့ အသက်မွေးဝမ်းကြောင်းမှုကို ထိခိုက်မှာ မို့လို့ စသည် စသည်ဖြင့်ပေါ့ .. လူများတွေ ဘယ်လိုပြောပြီး ပြောပြီး နှစ်ပေါင်းများစွာ တည်ရှိလာတဲ့ သမိုင်းမှတ်တိုင်ဖြစ်တဲ့ မရိုးနိုင်တဲ့ ဧရာဝတီ တမ်းချင်းကို ကျမ ထပ်ပြောပါလိမ့်ဦးမယ် .. သယံဇာတ ပေါများလှပါတယ်ဆိုတဲ့ မြန်မာပြည်ကြီးရဲ့ ပိုင်ဆိုင်မှုတွေလည်း ကုန်လုကုန်ခင် ဖြစ်နေပါပြီ .. တောတွေပြုန်း တောင်တွေပြို (ဖြို) ခု မြစ်ချောင်း အင်းအိုင်တွေကအစ တိမ်ကောလာနေပြီ .. ဒါဟာ ရာသီဥတု ဖောက်ပြန်မှုကြောင့်ပါ .. ဥတုရာသီ တောကိုမှီ တဲ့ .. သစ်တောတွေမှာ ကပ်ထားတဲ့ ဆိုင်းဘုတ်ပါ .. ခုတော့ ဆိုင်းဘုတ်တင်ထားတဲ့ သစ်ပင်ပါ အခုတ်ခံရတဲ့ထဲ ပါပြီး ဆိုင်းဘုတ်ကပါ သဂြိုလ်ပြီးသား ဖြစ်ချင် ဖြစ်နေမှာ .. နောက် မြန်မာပြည် တပြည်လုံး ပျောက်သွားဖို့ပဲ ကျန်ပါတော့တယ် .. အရာဝတ္တုတိုင်းဟာ သက်တမ်း ရှိတယ် ဆိုရင်တောင် အချိန်မတိုင်ခင်တော့ မဆုံးရှုံးစေသင့်ပါဘူး .. ထိန်းသိမ်းရမယ့် တာဝန် အပြည့်အ၀ ရှိနေပါတယ် ..

ငယ်ငယ်က သင်ပုန်းကြီးဖတ်စာထဲမှာ သင်ရတယ် .. လယ်သမားကြီး ဦးသာအောင်တို့ .. ကိုဖိုးမောင် အလုပ်သမား စသည်ဖြင့် .. ပုံထဲမှာလဲ လုပ်သားကြီးတွေက မျက်နှာတွေပြုံးလို့ တိုင်းပြည်အတွက် တတပ်တအား တာဝန်တွေ ထမ်းနေကြတယ် .. မိဘတွေကလည်း သင်တယ် .. ထမင်းစားလို့ မကုန်ရင်တောင် လယ်သမားကြီးတွေက ပင်ပင်ပန်းပန်းနဲ့ ရုန်းကန်ပြီး ဒီဆန်တွေဖြစ်လာအောင် လုပ်ရတာ သမီး ရဲ့ စသည်ဖြင့် .. ဟုတ်ပါတယ် .. ဆန်တစေ့ဖြစ်ဖို့ အရင်းနှီးတွေကို သိလာအောင် ပင်ပင်ပန်းပန်းလုပ်ထားရတဲ့ လုပ်အားတွေကို နားလည်လာအောင် မိဘနဲ့ ဆရာများက သင်ကြားပေးခဲ့ပါတယ် .. အဲဒီအချိန်တုန်းက သိနားလည်ခဲ့တာက သြော် လယ်သမား အလုပ်သမားကြီးတွေ နေပူကျဲကျဲမှာ နွားတွေနဲ့ ထွန်ယက်စိုက်ပျိုး သိပ်ပင်ပန်းရှာမှာ လို့ပေါ့ .. ခုလက်တွေ့မှာ သိလိုက်ရတာကတော့ လယ်သမားကြီးတွေဟာ ပင်ပန်းနေရုံမက ဆင်းရဲဒုက္ခ ရောက်နေကြပါတယ် .. ကိုယ်ထွန်ယက်စိုက်ပျိုးထားတဲ့ လယ်မြေရဲ့ အသီးအပွင့်ကို သူတို့ မခံစားရပဲ မတန်တဆနဲ့ အနိုင်ကျင့် နှိပ်ကွပ်ခံနေရပါတယ် .. တချို့ လယ်ပိုင်ယာပိုင်တွေဟာ ခု လယ်မဲ့ ယာမဲ့တွေ ဖြစ်လို့ .. ဒါတွေဟာ ဘယ်သူ့တာဝန်တွေလဲ .. ဘယ်သူတွေ တာဝန်ယူ ဖြေရှင်းပေးသင့်သလဲ .. ခုတော့ ဖြေရှင်းဖို့ မစဉ်းစားတဲ့အပြင် ထမင်းအိုးကိုပါ ခွဲဖို့ကြံနေတာကတော့ အတော်လေး အရုပ်ဆိုးလွန်းပါတယ် .. ရှက်ဖို့လည်း ကောင်းပါတယ် .. ညံ့လွန်းရာကျပါတယ် .. အစတုန်းက ပညာရှိများ သတိမမူမိလို့ဆိုရင်လည်း ခု ပညာရှင်တွေ ထောက်ပြတဲ့ အချက်တွေကို သေချာ လေ့လာ သုံးသပ်ပြီးမှ မှန်ကန်တဲ့ ဆုံးဖြတ်ချက်မျိုး ချနိုင်ရပါမယ် .. 

ကျမတို့ အကုန်လုံးက သူများအော်လို့ လိုက်ယောင်ပြီး အော်နေကြတာမဟုတ်ပါဘူး .. ပေါ်ပြူလာဖြစ်အောင်လို့လည်း သူများလုပ်လို့ လိုက်လုပ်နေတာမဟုတ်ဘူး .. လုပ်သင့်တယ်ထင်ပြီး လုပ်လည်းလုပ်နိုင်တဲ့ အနေအထားဖြစ်တာက တကြောင်း ပိုပြီး ကျယ်ကျယ်ပြန့်ပြန့် သိသင့်တယ် ထင်တာကြောင့် တဖက်တလမ်းကနေ နိုင်ရာ တာဝန် ထမ်းနေကြတာပါ .. ကိုယ်စီခံစားချက် ခံပြင်းချက်တွေနဲ့ အောင့်အီးသည်းခံခဲ့သမျှတွေကို ဖွင့်ဟ အော်ငြီးနေကြတာပါ .. (မီဒီယာလွတ်လပ်ခွင့်ရ သွားလို့ အသံတွေ ပိုကျယ်လာတာလည်း ပါတာပေါ့လေ ..) ကိုယ့်ရဲ့နေအိမ်ကို တခြားသူတယောက်က သိမ်းပိုက်မယ်ဆိုရင် ကိုယ့်ဘက်ကလည်း ပြန်လည်ရယူခြင်းငှာ မစွမ်းသာဘူးဆိုရင် လက်မှိုင်ချ ကြည့်နေရုံမှ တပါး နှမြောတသနေရုံမှတပါး တုန့်ပြန်ဖို့ မတတ်နိုင်ဘူးပေါ့ .. ဒါက ခွန်အားချင်းမမျှလို့ အလျော့ပေးလိုက်ရတာပါ .. တကယ်က အဲ့ဒီလူရဲ့ စိတ်ထဲမှာ ကျေနပ်နေမှာတော့ မဟုတ်ပါဘူး .. အပြန်အလှန်လေး တွေးကြည့်ပါ .. ကိုယ်က အနိုင်ကျင့်ခံရတဲ့သူနေရာမှာဆိုရင် .. ဘယ်လောက်ကြေကွဲဖို့ ကောင်းလိုက်ပါသလဲ .. မကြုံရဘူးလို့တော့ မထင်လိုက်ပါနဲ့ .. ဗုဒ္ဓဘာသာဝင်ဆိုရင် ကံကံရဲ့အကျိုးကို ယုံကြည်ရပါမယ် .. ကိုယ်ပြုခဲ့တဲ့ ကုသိုလ် အကုသိုလ် အကျိုးပေးချိန်ဆိုတာ တနေ့ ရောက်လာပါလိမ့်မယ် .. သူများတကာ ဆုံးရှုံးပြီးမှ ကိုယ်ရတာမျိုး သူများတကာ မျက်ရည်ပေါက်ကြီးငယ်ကျပြီးမှ ကိုယ့်ခါးလှတာမျိုးနဲ့တော့ မကျေနပ်ချင်ပါနဲ့ .. သက်ဆိုင်သူ တာဝန်ရှိသူများကို ဥာဏ်ပညာကြီးကြီးနဲ့ ရေရှည်ကို တွေးတတ်စေချင်ပါတယ် .. သူများတကာ နိုင်ငံတွေများ သဘာဝအလှအပ ရှားပါးလို့ ထိန်းသိမ်းလိုက်ရတာ .. အစစ်အမှန် မရှိလို့ အတုတွေကိုပဲ အစစ်လုပ် နေနေကြရတာ .. ကိုယ်တွေတိုင်းပြည်မှာတော့ ပေါများနေလို့များလားလို့ မလိုတမာနဲ့ တွေးတောရင်း .. ဧရာဝတီမြစ်ကြီး အရှည် တည်တံ့ပါစေကြောင်း မျှော်လင့် တောင့်တရင်း ..

Sunday, September 11, 2011

အဆုံးမသတ်ခင်


ဘဝ
ဒီလိုပဲ
လောကဓံရဲ့ အထုအထောင်းနဲ့
ဘ၀ဟာ သက်ဝင်လာခဲ့တယ် ...။

လောကဓံ
အပူရယ် အအေးရယ်
ခြောက်သွေ့ခြင်း စိုထိုင်းခြင်း
တဖက်စီ အစွန်းရောက်ရင်းကပဲ ...။

အချစ်
မခေါ်ပဲလဲ လာတယ်
အေးအေးမြမြတိုက်စားသွားတယ် ...။

ဒဏ်ရာ
ဘယ်သူကမှ ပေးခဲ့တာမဟုတ်ဘူး
ကိုယ့်ဒေါသနဲ့ ကိုယ် ခံယူရင်း ခံစားရင်း ...။

သင်္ခါရ
နုပျိုရာက ဟောင်းနွမ်းလာတယ်
ပစ္စုပ္ပါန်မှာ အိုမင်းရွေ့လျားရင်း ...။

စာကြွင်း - LIBRATUN က ပုံလေးပေးလာပြီး စာတူတူရေးရအောင်ဆိုလို့ ရေးဖြစ်ပါတယ် .. တခြား တူတူရေးထားတဲ့သူတွေကတော့ .. LIBRATUNမသက်ဝေအင်ကြင်း ၊ မွန် တို့ ဖြစ်ပါတယ် .. မိုးခါး တင်တာတော့ နောက်အကျဆုံးထင်ပါရဲ့ .. အားလုံးချိန်းထားတာ စနေနေ့ည ၁၁ နာရီတဲ့ .. သရဲကားနာမည်တော့ ဟုတ်ပါဘူး .. ဟီးး :P

Tuesday, September 6, 2011

အိပ်မက်သာ ဖြစ်လိုက်ပါ

ပြောစရာ စကားတွေ မရှိတာတော့ မဟုတ်ခဲ့ဘူး
ရင်ထဲ အပြည့်ပဲ ပြောချင်နေခဲ့တယ် ..။

ဆန္ဒတွေ မရှိနေခဲ့တာ မဟုတ်ဘူး
အင်အားတွေ မဲ့နေခဲ့တယ် ..။

မျှော်လင့်ချက်တွေ မထားတတ်တော့တာမဟုတ်ဘူး
ယုံကြည်ချက်တွေ ပျောက်ရှနေခဲ့တယ် ..။

ပြောချင်တာတွေများပေမယ့် စကားတွေ ပျောက်ဆုံးဆဲ
ဆန္ဒတွေ များပေမယ့် ခွန်အားတွေ ပျောက်ဆုံးဆဲ
လမ်းတွင်တွင်လျှောက်နေလဲ ပန်းတိုင်တွေ ပျောက်ဆုံးဆဲ

ပျောက်ဆုံးသွားတော့မယ့် အရာတွေရယ်
သင်္ခါရတရား ဘယ်လိုနှလုံးသွင်းပေမယ့်
ရင်ထဲတော့ နှမြောတသဆဲ ..။

ဒါ ငါတို့ရဲ့ ........
ဒါ ငါတို့ရဲ့ ........
ဒါ ငါတို့ရဲ့ ........

ငယ်တည်းက ရင်းနှီးခဲ့တယ် ..
တခါတုန်းကပေါ့ ..
ဟိုးအရင်တုန်းကလေ ..
ဖိုးဖိုးတို့ ဖွားဖွားတို့ ခေတ်တုန်းကဆို ..

အတိတ်တွေ အကြောင်း ဘယ်လောက် ကြားဖူးလဲ
ပစ္စုပ္ပါန်က အတိတ်နေရာ ရောက်သွား
ကိုယ်တွေက ဖိုးဖိုး ဖွားဖွားနေရာ ..။

မြေးတို့ရဲ့ .....
ဒီအဆောက်အဦးနေရာဟာလေ ဟို အရင်က .....
ဒီသောင်ပြင်ကြီးဟာလေ ဟို အရင်က .....
ဒီမြေပုံ နေရာကြီးဟာလေ ဟို အရင်က .....

အိပ်မက်က လန့်အနိုး
ကျမ ဒီလိုမဖြစ်ချင်ခဲ့ဘူး ..
ကျမ ဒီလိုမဖြစ်ချင်ခဲ့ဘူး ..
ကျမ ဒီလိုမဖြစ်ချင်ခဲ့ဘူး ..

ဒီလိုလေးပဲ အော်ဟစ်နေရုံ
ကြိုတွေးပူနေရုံ
လောင်မြိုက်နေနေရုံ

ဖြစ်နိုင်မယ်ဆိုရင်လေ
နောက်တချိန် ပုံပြင်ဖြစ်သွားမယ့်
ပစ္စုပ္ပါန် စစ်စစ်ကြီးတွေကို
မတွယ်တာ မချစ်ခင် မေ့ပြစ်လိုက်ချင်ပါရဲ့ ..


နှစ်သက်မယ်ထင်မိတာလေးတွေ

Related Posts Plugin for WordPress, Blogger...