Thursday, December 29, 2011

အရှိန်

ကိုယ့်ရှေ့မှာ တရှုံ့ရှုံ့ ငိုကြွေးနေတဲ့ သူငယ်ချင်းမလေးကို ကြည့်ပြီး ကျမကိုယ်တိုင် စိတ်တွေလေးလံ ထိုင်းမှိုင်းနေခဲ့တယ် .. အားပေးဖြေသိမ့်စရာ စကားလုံးတစွန်းတစမှ ရှာမရတဲ့ ကိုယ့်ကိုကိုယ်ပဲ အပြစ်တင်နေမိတယ် .. တဆက်တည်းမှာပဲ မထင်မှတ်ထားတဲ့ သတင်းစကားကြောင့် အံ့သြခြင်း မယုံနိုင်ခြင်းတွေနဲ့လည်း ပြည့်နေခဲ့တယ် .. ကိုယ်တောင် ဒီလောက် မယုံကြည်နိုင်ရင် ဆိုတဲ့ အတွေးနဲ့ ရှေ့က ချစ်လှစွာသော သူငယ်ချင်းမလေးအတွက် သောကတွေ ဝေနေမိတယ် .. ပြောစရာ စကား ရှာမရတဲ့ အဆုံး သူမရဲ့ လက်ကလေးကို အသာဖျစ်ညစ်အားပေးမိတယ် .. မော့ကြည့်တဲ့ မျက်ဝန်းမှာ မျက်ရည်စတွေနဲ့ .. သူငယ်ချင်းမလေးရဲ့ ဒီမျက်ရည်ကြည်တွေအတွက် ကိုယ်တိုင်လည်း ပယောဂ မကင်းခဲ့သလိုလို ..

သက်ပြင်းမောကိုသာ အခါခါချမိရင်း ...
----------

လွန်ခဲ့တဲ့ ၁၀နှစ်ကျော်ကတော့ အနှင်း အိမ်ထောင်မကျခင်ကဆို အမွန်ရယ် အနှင်းရယ် အသက်ရယ် သုံးယောက်ဟာ ဘယ်တော့မှမခွဲပဲ ဘယ်သွားသွား ဘယ်လာလာ တပူးတွဲတွဲ ရှိနေခဲ့တာ .. အမွန်က ကျောထောက်နောက်ခံ ကောင်းတဲ့ မိသားစုက ဆင်းသက်လာသူပီပီ အိမ်ရဲ့စီးပွားရေးက အစ ဦးဆောင်နေနိုင်သူ .. အသက်ဆိုတဲ့ ကိုယ်ကတော့ ခပ်ထက်ထက် ခပ်မာမာနဲ့ ကိုယ့်တပိုင်တနိုင်စီးပွားရေးလေးကို လည်ပတ်နေနိုင်သူ .. အနှင်းဆိုတဲ့ သူငယ်ချင်းမလေးကသာ လူပုံက နွဲ့နွဲ့ အရာရာကိုလည်း အကြောက်အရွံ့ပိုသူမို့ ကိုယ်နဲ့ အမွန်က စိတ်မချ ဖြစ်နေခဲ့ရတာ ..

အဲဒီအချိန်မှာပဲ အရပ်မြင့်မြင့် ထောင်ထောင်မောင်းမောင်းနဲ့ လုပ်ငန်းခွင်တခုမှာ မန်နေဂျာရာထူးလဲ ရထားတဲ့ လစာဝင်ငွေအသင့်အတင့်ရှိတဲ့ ကိုမင်းထက်ဆိုသူတဦး အနှင်းကို စ စိတ်ဝင်စားရာက စ .. အနှင်းအပေါ်ကို အမြဲတမ်း ဂရုတစိုက်နဲ့ အရာရာဦးဆောင်မှုပေးနိုင်မယ့် ထိုအမျိုးသားကို ကိုယ်နဲ့အမွန်ကလည်း မျက်စိကျရာက စပြီး ကိုယ်တွေကလည်း တွန်းတွန်းတိုက်တိုက် လုပ်ပေးလိုက်တော့ အစတည်းက အားကိုးရာလိုနေတဲ့ အနှင်းဟာလည်း အိမ်ထောင်ရေးဆိုတဲ့ တွင်းနက်ထဲ ကျသွားခဲ့ရတော့တယ် ..

ကိုမင်းထက်ဟာ ဆိုရင်လည်းပဲ စတွေ့တည်းက အေးလွန်း ရိုးလွန်းလို့ ကိုယ်တွေပဲ အနှင်းနဲ့ ဇာတ်လမ်းထွင်ပေးခဲ့ရသေးတာ .. အေးအေးဆေးဆေးနေတတ်တဲ့ စိတ်သဘောထား မဆိုးတဲ့ အရည်အချင်း အထိုက်အသင့်ရှိတဲ့ အမျိုးသားတဦးနဲ့ ကိုယ်တွေရဲ့ သူငယ်ချင်းမလေးကို စိတ်ချရပြီလို့ တွေးထင်ထားခဲ့သေးတာ .. အိမ်ထောင်ကျပြီးလို့ နှစ်စဉ်နှစ်တိုင်း ကိုယ်စီမွေးနေ့တွေမှာ ဆုံကြ တွေ့ကြ .. ရှေးဟောင်းနှောင်းဖြစ်တွေပြောကြနဲ့ အရာရာဟာ မပြောင်းမလဲ ပုံမှန်လည်ပတ်နေခဲ့တာ အနှင်းရဲ့ သားလေးတောင် မူလတန်းကျောင်းသားကြီး ဖြစ်လို့ ..

ခုတော့ဖြင့် သတင်းတွေက ဟုတ်လို့ ကျော်လာခဲ့ပြီ ..

“ကောင်မလေးက ညဘက်ဖွင့်တဲ့ ကာရာအိုကေဆိုင်ကတဲ့ .. ညစဉ်ညတိုင်း အဲ့ဒီဆိုင်သွားပြီး အိမ်တောင်ပြန်မရောက်တာ အတော်ကြာပြီတဲ့ .. ပြီးတော့ တိုက်ခန်းတခန်းတောင် ကောင်မလေး နာမည်နဲ့ ၀ယ်ပေးထားသေးတယ်တဲ့ ..”

အို .. အဲဒီသတင်းတွေ ကြားတုန်းကဆို မဖြစ်နိုင်ဘူးချည်း ထင်နေခဲ့သေးတာ .. အနှင်းဆီမေးတော့လည်း သူ့ဘက်က ပုံမှန် .. သူ့ယောင်္ကျားကိုယ်တိုင်က စတည်းကကို ခရီးအလီလီထွက်ရ အလုပ်သဘောအရ ညဘက်နောက်ကျတတ်တဲ့သူဆိုတော့ ကောလဟာလတွေပါလို့ အနှင်းကိုယ်တိုင် ရယ်မောပြောခဲ့သေးတာ .. ခုတော့ အနှင်းကိုယ်တိုင် ကိုယ်တွေရှေ့လာပြီး မျက်ရည်မဆည်နိုင် .. ကိုယ်တွေကိုယ်တိုင်လည်း ဘာမှလုပ်မပေးနိုင် ..

အို .. လောကကြီး ဘာတွေဖြစ်နေပါလိမ့်ရယ်လို့သာ ..

----------

အနှင်းက ငိုလို့ အားရသွားတဲ့ပုံနဲ့ မျက်ရည်စတွေသိမ်းရင်း အသံကို ထိန်းလို့ စကားစလာတယ် ..

“သူက ငါ့ကို ကွာမယ်တဲ့ .. ဟိုမိန်းကလေးနာမည်နဲ့ အခန်းဝယ်ထားတယ် .. ပြီးတော့ ငါနဲ့ကွာပြီးရင် မင်္ဂလာဆောင် ထပ်လုပ်မယ်တဲ့လေ .. ငါ ဘာလုပ်ရမလဲ .. ငါဟာလေ ခုလိုအဖြစ်မျိုး ကြုံရတော့မှ ငါ တော်တော်ညံ့နေသလားလို့ အတွေးပေါက်မိတယ် .. ခုမှ တွေးမိတဲ့ငါ ဘယ်လောက်ညံ့နေလဲ ..”

“ကောင်မလေးကို သွားတွေ့ပြီး ပြောရင်ရော ..”

“ဟင့်အင်း .. ငါမလုပ်ရဲဘူး .. ငါ မပြောရဲဘူး ..”

“မကွာပေးနဲ့ဟာ .. ဘာပြောပြော နင်က မယားကြီးပဲ .. သူ့ဟာသူ ထပ်ယူချင်လို့ ယူလဲ မယားငယ်ပဲ ဖြစ်မှာ .. နင်သာ ကွာ မပေးလိုက်နဲ့ .. သားမျက်နှာလဲ ကြည့်ဦး ..” အမွန်က ၀င်ပြောတယ် ..

“ဟတ် .. မင်တို့ မသိလို့ကွ .. ခုခေတ်မှာ မယားကြီး မယားငယ်ဆိုတာ မရှိတော့ဘူး .. မယားပြိုင်ပဲ ရှိတော့တယ် ..”

အဲဒီစကားပြောတဲ့အချိန် အနှင်းမျက်နှာမှာ နာကြင်ရိပ်တွေ ပြည့်နေခဲ့တယ် ..

“ဘာပဲဖြစ်ဖြစ်ပေါ့ကွယ် .. မင်း သားလေး  စိတ်ဒဏ်ရာ ရနေပါ့မယ် .. သူ့သားအပေါ်မှာရော သဘောထားက ဘယ်လိုလဲ ..”

“ပြောရင်ယုံမလား မသိဘူး .. ခုတော့ သူက ငါ့ကိုရော သားကိုပါ ရှိတယ်တောင် ထင်တော့တာ မဟုတ်ဘူး .. အရမ်းကို မွှန်နေတာပဲ .. စကားပြော အဆင်မပြေတိုင်းလဲ သားကို စိတ်ထိခိုက်မှာ စိုးလို့ ငါပဲ ရှောင်နေလိုက်တယ် .. ဟင်း .. တခါတလေဆို ရှောင်လို့တောင် မလွတ်ပါဘူးလေ ..”

နှစ်သိမ့်စရာစကား ရှာမရတဲ့အဆုံး ကျမရော အမွန်ပါ သက်ပြင်းသာ အခါခါ ချမိတော့တယ် ..

အနှင်းကပဲ ဆက်ပြီး .. “ငါ ကွာပေးလိုက်ရင် ကောင်းမလားပဲ စဉ်းစားနေမိတယ် .. ခုက ငါရော ငါ့သားရောကို အိမ်မှာ မနေချင်အောင် သူက ပညာရှိနည်းနဲ့ နှိပ်စက်နေတာ .. ငါ လုံးဝ စိတ်မချမ်းသာဘူး သူငယ်ချင်းတို့ရယ် .. မထင်ရအောင်ကို သူက ရက်စက်တတ်တာပဲ .. ကွာပေးဖို့ ပြောတယ် .. ငါဟာလည်း ညံ့လွန်းလိုက်တာမှ ယောင်္ကျားလုပ်စာအပြင် တခြားအပိုဝင်ငွေရအောင် မကြံတတ် မစည်တတ် .. ငါ သူ့ကို ကွာပေးလိုက်ပြီးရင် ငါနဲ့ ငါ့သားဘ၀ ဘယ်လိုရှေ့ဆက်ရမလဲ .. ငါ တော်တော် အဖြစ်မရှိတဲ့ မိန်းမပဲ ..” ပြောရင်း အနှင်း ငိုပြန်တယ် ..

“အို မဟုတ်တာပဲ အနှင်းရယ် .. အနှင်းက ဘာလို့ အရည်အချင်း မရှိရမှာလဲ .. အိမ်ထောင်မကျခင်ကဆို ကိုယ်တွေလုပ်တဲ့ ကုမ္ပဏီမှာ မင်းက နာမည်ကောင်း အရဆုံးပဲလေ .. ဒါကြောင့်လဲ ကိုမင်းထက်က မင်းကို သဘောကျခဲ့တာပဲ .. မင်းဟာလည်း အရည်အချင်းရှိတဲ့ ထက်မြက်တဲ့ မိန်းကလေးတယောက် မိခင်တယောက်ပါကွာ ..”

“ဟင်း .. ဟင်း .. ဒါတွေက အတိတ်မှာ ပြီးခဲ့ပါပြီကွာ .. ခုတော့ ငါက အိမ်ထောင်ရေးမှာလည်း အသုံးမကျ ၀င်ငွေလည်းရအောင် မရှာနိုင်တဲ့ မိန်းမတယောက် အဖြစ်ကို အိမ်ထောင်ရှင်ဆိုတဲ့ ဝေါဟာရက ၀ါးမြိုသွားခဲ့တာ ၁၀စုနှစ် ၁ခု ရှိရောပေါ့ .. ငါ အိမ်ထောင်ပြုခဲ့တာ အမှားလို့ မထင်ပေမယ့် အိမ်ထောင့်တာဝန်ထဲမှာပဲ နစ်မြုပ်နေခဲ့တာ ငါမှားသွားတယ် .. ငါ့ကိုယ်ငါ တုံးပစ်ခဲ့တာပဲ ..”

“မင်းမှာ အချိန်ရှိသေးတာပဲ အနှင်း .. ခုမှစလည်း နောက်ကျနေပြီဆိုရင်တောင် ပြန်လည်ပြင်ဆင်ခွင့် ရှိလာမှာပါ .. မင်းစိတ်တွေကို အရင် ရှင်းပစ်လိုက် .. မင်းလဲကျလို့ မဖြစ်ဘူးနော် .. မင်းမှာ သားလေးတယောက်လုံး ရှိသေးတယ် .. အနည်းဆုံး မင်းသားလေးအတွက် မင်းရှင်သန်နေရမယ် .. တာဝန်တွေ ကျန်နေသေးတယ် .. ပြီးတော့ မင်း အချိန်တခုတော့ စောင့်လိုက်ပါ .. သူတောင်းဆိုတိုင်း မကွာပေးလိုက်ပါနဲ့ .. ခုချိန် သူတို့ အရှိန်တက်နေရင်တောင် အရှိန်ကုန်ရင် ရပ်သွားပါလိမ့်မယ် .. မင်းရဲ့ မေတ္တာတရားနဲ့ စေတနာကိုသာ ယုံကြည်နေပါ .. မင်းကို ယုံကြည်အားကိုးနေတဲ့သူတွေ ရှိတယ် .. သူတို့ကို စိတ်မပျက်စေနဲ့ကွာ .. ပြီးတော့ ကိုယ့်ကိုကိုယ် အထင်ကြီးစမ်းပါ .. လူတိုင်း မွေးတည်းက လက်နှစ်ဖက် ခြေနှစ်ဖက်နဲ့ ပခုံးနှစ်ဖက်ကြား ခေါင်းပေါက်တဲ့လူကြီးပဲ .. လူတိုင်း ကိုယ်ခင်းတဲ့ လမ်းကို ကိုယ်လျှောက်ကြတယ် .. ကိုယ်ရွေးတဲ့လမ်း ကိုယ်လိုက်ရတာပေါ့ .. မှားနေရင်လည်း ပြင်လိုက် .. လိုအပ်နေရင် ဖြည့်လိုက် .. နောက်ဆုံး မျှော်လင့်သလို ဖြစ်မလာလို့ စွန့်လွှတ်ရမယ်ဆိုရင်တောင် ကိုယ့်ဘက်ကတော့ နောင်တ ကင်းနေပါစေ သူငယ်ချင်း .. ကိုယ်ဖြစ်ချင်သလို ဖြစ်လာမယ့် လောကကြီးမှ မဟုတ်တာကွာ .. ကိုယ့်ဘက်က တတ်နိုင်သလောက် အကောင်းဆုံး ဖြစ်အောင် ကြိုးစားဖို့သာ ကိုယ့်တာဝန်မလား ..”

အနှင်းက ကျေးဇူးတင်သလို အကြည့်နဲ့ ကျမနဲ့ အမွန်ကို လက်ကမ်းပေးတယ် .. ကျမတို့ သုံးယောက်သား ဖက်လိုက်ကြတယ် .. ပြီးတော့ အနှင်းက

“ကျေးဇူးပဲ သူငယ်ချင်းတို့ .. ငါဟာ အနည်းဆုံးတော့ အသုံးမကျတဲ့လူမဟုတ်ဘူးဆိုတဲ့ အသိ ရလိုက်တယ် .. ပြီးတော့ ငါ့ကိုချစ်တဲ့သူတွေရှိသေးတယ် ငါ့ကို လိုအပ်နေသူတွေ ရှိသေးမှန်းလဲ သိလိုက်တယ် .. ငါ ရပ်တည်နေထိုင်သွားပါ့မယ် .. ငါ အကောင်းဆုံးဖြစ်အောင် ကြိုးစားမယ် .. ကိုယ့်ကိုကိုယ်နဲ့ သူတို့ကိုပါ ခွင့်လွှတ်နိုင်ဖို့ ကြိုးစားမယ် .. ငါပြန်တော့မယ်ကွယ် .. သားလေး မျှော်နေတော့မယ် ..”

----------
(၃လခန့် ကြာသော်)

ကလင် ကလင် ကလင်

“ဟဲလို”

“အသက်လား .. ကိုယ်ပါ အနှင်း”

“အနှင်း .. ပြော .. ဘာထူးခြားသေးလဲ ..”

“ထူးခြားတယ် အသက်ရေ .. ကိုယ့်လူကြီး လွန်ခဲ့တဲ့ ၁လ လောက်က အိမ်ကဆင်းသွားခဲ့တယ် .. ကိုယ်လဲ မတားနိုင်အားတော့ဘူး .. လွှတ်ပေးထားလိုက်တယ် .. လိုက်ရှာ လိုက်ခေါ်လဲ မလုပ်တော့ဘူး .. စိတ်ထဲကနေပဲ သူစိတ်ချမ်းသာပါစေတော့လို့ မေတ္တာပို့ပေးနေလိုက်တော့တယ်ကွယ် .. လင်မယားပဲဟာနော် .. ရန်သူမှ မဟုတ်ပဲ .. ကျန်ခဲ့တဲ့ ၃ ၄ ရက်က အိမ်ကို ပြန်လာတယ် .. ကိုယ့်ဘက်ကတော့ တာဝန်ကျေအောင် ဆက်ဆံပါတယ် .. မနေ့က ညကတော့ ကိုယ့်ကို တောင်းပန်တယ် .. သူမှားပါတယ်တဲ့ .. ခွင့်လွှတ်ပါတဲ့ .. ကိုယ်က ခွင့်လွှတ်ထားပြီးသားပါ .. ကောင်မလေးကလည်း ခု ယောင်္ကျားယူသွားပြီတဲ့လေ .. အင်း .. ကိုယ် အံ့သြမိပါတယ် .. ဒါပေမယ့်လည်း ဖြစ်တတ်ပါတယ်လေလို့ပဲ တွေးလိုက်တော့တယ် .. သူလည်း နောင်ကြဉ်သွားလောက်ပြီထင်ပါတယ် .. ကိုယ့်ဘက်ကလည်း ထိန်းတန်တာ ထိန်း ကြည့်တန်တာ ကြည့်နေရတာပေါ့ကွယ် ..”

“သြော် ..”

ကျမလည်း ရှုပ်ထွေးလှတဲ့ အိမ်ထောင်ရေးကြီးကို နားထောင်ပြီး သြော် တလုံးသာ ထွက်နိုင်တော့တယ် .. တယောက်လိုအပ်မှုကို တယောက်ဖြည့်နေတဲ့ သံယောဇဉ် မေတ္တာမပါတဲ့ အပေါ်ယံ သာယာမှုမျိုးဆိုတာ အရှိန်ကုန်တော့လည်း ရပ်သွားရတာပါပဲလား .. ပြီးဆုံးသွားတော့လည်းပဲ အရာရာဟာ အခိုးအငွေ့မပါ ပျောက်ကွယ်သွားရတာပါပဲလေ .. အစစ်အမှန်မဟုတ်တဲ့ သာယာမှု သက်သက်နဲ့ အတုအယောင်တွေကြား ကိုယ်တွေကသာ အသက်ရှုကြပ်လို့ တချို့တွေကတော့ တိုးဝင်လိုက် နစ်မြုပ်လိုက် ပြီးဆုံးသွားလိုက် .. တိုးဝင်လိုက် နစ်မြုပ်လိုက် ပြီးဆုံးသွားလိုက် ..

15 comments:

Unknown said...

အစစ်အမှန်မဟုတ်တဲ့ အပေါ်ယံသာယာမှုဆိုတာ တော်တော်ကြောက်ဖို့ကောင်းတာပါလား... အိမ်ထောင်တစ်ခု ဂယက်ရိုက် လှိုင်းခတ်သွားတယ်..။ အနှင်းအနေနဲ့ သည်းခံပေးသင့်တာ သည်းခံပြီး မေတ္တာတရားနဲ့ အနိုင်ယူသွားတာ ကောင်းတယ်။
ပို့စ်လေး ဖတ်ကောင်းတယ် မမိုးရေ...။ :)

ချစ်ခင်လျက်

မဒမ်ကိုး said...

သူမျာအးသိုက်ဖျက်ပြီး ကိုယ်ကို့ကိုယ်ကြီးပွားအောင်လုပ်တာတွေ
အပေါ်ယံကျော ချစ်ပါတယ် ချစ်ပါတယ်ပြောတာတွေ
ဘယ်တော့မှမတည်မြဲဘူးး)

ဝတ္တုကောင်းလေးတစ်ပုဒ်ကိုအားပေးသွားတယ်ရွှေမိုးရေး)

ချစ်တဲ့

မဒိုးကန်

Anonymous said...

အင်းလေ .. အဲ့လောက်ရှုပ်ထွေးနေတာ
အိမ်ထောင်မပြုနေနဲ့တော့ ..
single က double ထက် ပိုကောင်းတယ် . :P

Happy New Year မမ၀တ်ရည် .. :D


ခင်မင်လျှက်
ဆောင်းနှင်းရွက်

ညိမ်းနိုင် said...

အဲ.....ဘာပြောရမှန်းတောင်မသိတော့ဘူး....:)
ဘာပဲဖြစ်ဖြစ်လေ...ပြန်လည်အဆင်ပြေသွားတယ်ဆိုတော့
တော်သေးတယ်ပဲပြောရမှာပါပဲ....။

ချော(အစိမ်းရောင်လွင်ပြင်) said...

ဘီးတစ်လုံးလိမ့်သလိုဘဲနော်
နောက်ဆုးတော့လည်း အရှိန်သေသွားတာပါဘဲ။
အိမ်ထောင်သည် ယောက်ျားတစ်ယောက်ကို ကြိုက်လှပါတယ်ဆိုတဲ့ မိန်းမတွေဟာ ဒီယောက်ျားဆီက လိုချင်တာတွေရှိနေလို့သာပါ။
သူတို့လိုချင်တာလည်း ကုန်ရော တစ်ခြားသူနောက် ပါသွားတာပါဘဲ။.။
မိန်းမဖြစ်သူက စိတ်ရှည်ရှည်နဲ့ ခွင့်လွှတ်ပြီး စောင့်ကြည့်နေရင် နောက်ဆုံးတော့ အရှိန်ကုန်တဲ့တစ်နေ့ သူတို့နောင်တရတဲ့နေ့ ဖြစ်သွားရော..
ဒီပိုစ့်လေးက ပေးတဲ့ သင်ခန်းစာပေါ့။

TnT said...

Oh.. That's a great one. Love the message.

Angelhlaing(May everybody be happy and healthy! said...

ဘာပြောရမှန်းမသိ အောင်ပါပဲမမရေ... ဒီလိုကိစ္စရပ်မျိုးတွေ ကြားရပါများလို့ နားယဉ်လာသလိုပါပဲ...:(

ပေါ့ဆိမ့် said...

ပညာပေး ပို့စ်ကောင်းကောင်းလေး တစ်ခုပါပဲ။ ပတ်ဝန်းကျင်တော်တော်များများမှာ ကြားနေရပေမယ့် အိမ်ထောင်ရှင်တွေ သတိထားသင့်တဲ့ အချက်တွေပါ။
မေတ္တာစစ်မှန်တဲ့သူဆီမှာ အမှန်တရားကျန်နေမှာပါ။ ပန်းပင်မှာ ပန်းလေးတွေ တစ်ပွင့်ပြီးတစ်ပွင့် ပွင့်တာသဘာဝကျပေမယ့် လူတစ်ယောက်ရဲ့ နှလုံးသားမှာ တစ်ယောက်ပြီးတစ်ယောက် လက်ခံနိုင်တာ မကောင်းပါဘူး။ အဲလိုပြောရင်ရော အချုိ့လူတွေ မျက်စောင်းထိုးကျမယ် ထင်တယ်နော်။

nyisaynaing said...

မင်္ဂလာပါ...မိုးခါး......။
ဒီပို့စ်လေးသည်...ပညာပေးဇတ်လမ်းတပုဒ်ဖြစ်ပါ၏။
စာဖတ်သူတွေ အကျိုးရှိတဲ့ ဗဟုသုတ ပညာပေးဇတ်လမ်းကောင်းလေး ဖြစ်ပေတယ်.....။စာရေးသူ.....မိုခါးကို.ကျေဇူးတင်မိပါကြောင်း။(တချို့တွေကတော့ တိုးဝင်လိုက် နစ်မြုပ်လိုက် ပြီးဆုံးသွားလိုက် .. တိုးဝင်လိုက် နစ်မြုပ်လိုက် ပြီးဆုံးသွားလိုက် ..)

ခင်တဲ့ ..
ညီစေနိင်.....။

Anonymous said...

တခါခြံခုန်ဖူးတဲ့နွားက အခွင်သာရင်ထပ်ကြိုးစားမြဲပါပဲ။ အိမ်ထောင်ရေးမှာ စာရိတ္တဘက်မညီရင် စိတ်ညစ်ရမှာပါပဲ။ သူရှုပ်ကိုယ်ရှုပ်၊ သူမရှုပ်ကိုယ်မရှုပ် မှ သက်တမ်းပိုမြဲမယ်ထင်တယ်။

မိုးတွင်းဗွက်..း)

mstint said...

အလားတူဇာတ်လမ်းမျိုးလေးတွေကြားဘူးတယ်
မိုးခါးရေ။ မလုပ်သင့်တာကို လုပ်ခဲ့ရင်
အနှေးနဲ့အမြန် ပြစ်ဒဏ်ကိုပေးဆပ်ရတတ်စမြဲပါ။
ပျော်ရွှင်ဖွယ်နှစ်သစ်နဲ့အတူ ကိုယ်စိတ်နှစ်ပါး
အေးချမ်းစွာဖြင့် လောကီလောကုတ္တရာ
နှစ်လီနှစ်ဝ လိုအင်ဆန္ဒများ ပြီးပြည့်စုံပါစေနော်။

Happy New Year !!!

မေတ္တာဖြင့်
အန်တီတင့်

မင်းပျို said...

Happy New Year par...love your story..

ကိုဇော် said...

အခု နောက်ပိုင်း ဒီလို ကိစ္စတွေ အရမ်းကို ကြားနေရတယ်။ အဲဒါတွေရဲ့ ဇစ်မြစ်ကတော့ ကိုရီးယားကားတွေရဲ့ လွှမ်းမိုးမှုပဲ။ သူတို့မှာ လုပ်တဲ့ အတိုင်း လိုက်လုပ်နေကြတာ။ ရင်လေးမိပါတယ်။

tg.nwai said...

အင်း...မောစရာပါပဲ ညီမရယ်..ဒါပေမယ့် ပြန်အဆင်ပြေသွားလို့တော်ပါသေးရဲ့လေ။ မာနတွေခံနေတဲ့အိမ်ထောင်ရေးဆိုရင်တော့ ဒီလိုအဆင်ပြေဖို့မလွယ်ဘူးထင်တယ်။

မြသွေးနီ said...

အရေးကြုံချိန်မှာ မိတ်ဆွေကောင်း၊ သူငယ်ချင်းကောင်းတွေရဲ့ စစ်မှန်တဲ့ အားပေးမှုနဲ့ ဘ၀ကို ရပ်တည်သွားနိုင်တာ လေးစားစရာ။ ဒါပေမယ့် ပြန်လက်ခံနိုင်လောက်အောင် စိတ်ကို လျော့ချထားတာမျိုးတော့ အားမရဘူး၊ ဘ၀င်မကျဘူး။ စာထဲကအတိုင်း “သြော်” လို့ ရည်ရွတ်မိတယ်။ ၀တ္တုကောင်းလေးတစ်ပုဒ်ပါညီမရေ..။

နှစ်သက်မယ်ထင်မိတာလေးတွေ

Related Posts Plugin for WordPress, Blogger...