Thursday, September 17, 2009

မိုးမနက်ခင်း

ဒီလိုရာသီဥတုမျိုးပေါ့
ကျမ မုန်းတာ

စိုစွတ်စွတ် အုံ့မှိုင်းမှိုင်း
သစ်ပင်စိမ်းတွေပါ ငိုက်မြည်းလို့
မလန်းဆန်းကြဘူးတဲ့ ..

ညနေခင်း မိုးရွာတာကို ကြိုက်ပေမယ့် ခုလို မနက်စောစောမှာ မိုးနံ့တွေ ရနေတတ်တာကို ဒီနေ့အတွက် မနှစ်သက်မိဘူး .. ကိုယ် နိုးထလာချိန်မှာ ပတ်ဝန်းကျင်ကို ကြည့်လိုက်တော့ အားလုံးက မှုန်ကုတ်ကုတ် .. မပွင့်တပွင့်နဲ့ .. တချို့ကျတော့လည်း နှစ်ခြိုက်စွာ အိပ်မောကျလို့ .. မနာလိုပါဘူး ..

************

ညဘက် တရေးနိုးချိန် ဖုန်းကို သတိတရ ကြည့်လိုက်မိတော့ မချိုမချဉ်နဲ့ ကိုယ့်ပြန်ကြည့်နေတဲ့ ကိုယ့်ပုံကို တွေ့တယ် .. စိတ်ရှုပ်ရှုပ်နဲ့ ကာတွန်းပုံ ပြန်ပြောင်းလိုက်တယ် .. နာရီကို ကြည့်တော့ ၅ နာရီခွဲ .. မျက်လုံးကလည်း ကြည်လို့ .. အိပ်ရာက ထရင်ကောင်းမလား စဉ်းစားပေမယ့် အချိန်ကို အကျိုးရှိအောင် အသုံးချချင်စိတ်ကြောင့် အတင်းစွတ်မှိတ်ပြီး ပြန်အိပ်လိုက်တယ် .. မတွေးပဲလဲ ခေါင်းထဲရောက်လာတဲ့ အကြောင်းတွေကိုလဲ ခေါင်းကိုခါပြီး ဖယ်ထုတ်လိုက်တယ် ..

အလန်းသံကတော့ တတီတီနဲ့ အချက်ပေးနေပါပြီ .. ခုနက ထလိုက်မိကောင်းသား .. ခုနက ကြည်နေတဲ့ အမြင်တွေလည်း ပြန်လည် နောက်ကျိလို့ .. ရောဂါက စပြီ .. အပျင်းရောဂါ .. ဘယ်ခလုတ်တွေ ဘယ်လိုနှိပ်မိတယ် မသိဘူး .. အသံက ထထမြည်တာ မပြီးနိုင် .. နှိပ်ရော နှိပ်မိရဲ့လားမသိ .. နာရီကြည့်လိုက် ပြန်အိပ်လိုက်နဲ့ ၁၆ ခါလောက် လုပ်အပြီးမှာ ၆နာရီက ခွဲနေပြီ .. နောက်ဆုံးမိနစ်မှာ လူးလဲ ထလိုက်တယ် ..

မဆီမဆိုင် အိပ်မက်ထဲမှာ လူစုံတက်စုံ ထည့်မက်တာကို သတိရသွားသေးတယ် .. ဘာတွေဘယ်လို မက်တယ်တော့ စဉ်းစား မရတော့ .. ပြန်သတိရအောင် ပြန်အိပ်လိုက်ရကောင်းမလား ..

အမဖြစ်သူ အခန်းထဲဝင်လာမှ အတင်း ကုန်းရုန်းထ .. ရေချိုးခန်းဘက်ပြေး .. အားလုံးပြင်ဆင်ပြီးချိန်မှာ ၇နာရီ ထိုးဖို့ မိနစ် အနည်းငယ်သာ လိုပါတော့တယ် .. သွားရပြန်ဦးမယ် .. တွေ့ရပြန်ဦးမယ် ..

ထွက်ခါနီး ဘုရားစင်ရှေ့ထိုင် .. တတ်တာလေးတွေ ရွတ်ပြီး မေတ္တာပို့ ..

အိမ်တခါးကိုဖွင့် နေ့ရက် သစ်တခုကို အစပြု .. ဘတ်စ်ကားဂိတ်သွားရာ လမ်းတလျှောက် လမ်းကစိုတိုတိုမို့ စိတ်က ချဉ်ချဉ်နဲ့ လမ်းကိုပဲ မျက်စောင်းပစ်ထိုးလိုက်တယ် ..

ဒီနေရာရောက်တိုင်း ပြုံးချင်မိတာက အမြဲတမ်း ကြောင်ပေါက်လေး တကောင်မဟုတ် တကောင်ရှိတယ် .. တကောင်တည်းဆို ဟိုဟာလျှောက်နမ်း ဒီဟာလျှောက်နမ်း .. ကိုယ်က ချွတ်ချွတ်ခေါ်လည်း လှည့်ကြည့်ဖို့ ကောင်းမှန်း မသိတဲ့ဟာလေးတွေ .. နှစ်ကောင်ဆိုရင်တော့ တကောင်နဲ့ တကောင် ပါးရိုက်ရင်ရိုက် .. မဟုတ်လည်း အမြီးကို ကိုက်ပြီး ဆော့နေကြတာ .. ကြောင်ပေါက်လေးတွေကိုတော့ ချစ်တယ် .. ကြီးရင် မချစ်တော့ပါ ..

ကားဂိတ်မှာ အမြဲတွေ့နေကျ စိတ်မူမမှန်တဲ့လူကြီးကလည်း ထုံးစံအတိုင်း ဟိုဘက်လျှောက် ဒီဘက်လျှောက် .. လူတွေကို ကြည့်ရတာလည်း မလန်း မဆန်း .. ငိုက်မြည်းနေကြတယ် ..

လမ်းတလျှောက်လုံး ဘုရားစာရွတ်ရင်းကကို စိတ်က ဟိုရောက် ဒီရောက် .. ရာသီဥတုကြီးကလည်း ခံစားလို့ မရလိုက်တာ .. စိုစွတ်စွတ် အုံ့မှိုင်းမှိုင်း .. ငါမလွမ်းချင်ပါဘူးဆိုမှ ..း(

မမျှော်နဲ့ မမျှော်နဲ့ .. ခုလောက်ဆို ဟိုက အိပ်လို့ ကောင်းတုန်းပဲ နေမှာ .. နိုးရင်ရော .. သတိတော့ ရကောင်းပါရဲ့ ..

နှစ်သက်မယ်ထင်မိတာလေးတွေ

Related Posts Plugin for WordPress, Blogger...