Thursday, December 18, 2008

မြေပြင်နင်းသည့်အခါ ကောင်းစွာတည်ထိ ခိုင်မြဲပြီး ဖ၀ါးတော် ညီညာခြင်း လက္ခဏာတော် လင်္ကာ

ဘ၀ထိုထို ရှေးအဟိုဝယ် ကုသိုလ်ပွားလူး တရားထူး၌ စူးစိုက်မြဲလျက် ဆောက်တည်ချက်ကို တားဖျက်မနိုင် ကြံ့ခိုင်ခဲ့ခြင်း ကောင်းမှုရင်းကြောင့် * ရွှေခြေနင်းဟန် နင်းပြန်အတူ ကြွမူမခြား ဖ၀ါးတော် ညီညာ လက္ခဏာတော် အာနုဘော်ဖြင့် ** ကျူးကျော်ဝံ့စား လှုပ်ခြောက်ခြားအောင် စွမ်းအားရှိမူ ဘယ်ရန်သူမျှ မပြုဝံ့ပါသော မြတ်စွာဘုရား မြတ်စွာဘုရား ***။

လက္ခဏာတော် ဂါထာ

ပုဗ္ဗေ ပုညေသု သမ္ဗုဒ္ဓေါ၊ သမာဒါနေန ဒဋ္ဌတော။
သုပ္ပတိဋ္ဌိတပါဒေါစ၊ အက္ခ မ္ဘိယောစ တံနမေ။


နေရာ အလုပ် ရာထူးတို့၌ ခိုင်မြဲရန် ဘုရားရှိခိုး+ဆုတောင်း

၁။ သုပ္ပတိဋ္ဌိတပါဒေါ တထာဂတော၊
၂။ သုပ္ပတိဋ္ဌိတပါဒံ တထာဂတံ အဟံ ၀န္ဒာမိ၊
၃။ တေန ပုညေန မမ သုပ္ပတိဋ္ဌိတော ဟောတု။

၁။ တထာဂတော၊ မြတ်စွာဘုရားသည်။ သုပ္ပတိဋ္ဌိတပါဒေါ၊ မြေပြင်၌ ကောင်းစွာတည်ထိ ခိုင်မြဲသော ခြေတော်ရှိပါပေ၏။
၂။ သုပ္ပတိဋ္ဌိတပါဒံ၊ မြေပြင်၌ ကောင်းစွာတည်ထိခိုင်မြဲသော ခြေတော်ရှိသော။ တထာဂတံ၊ မြတ်စွာဘုရားကို။ အဟံ၊ တပည့်တော်သည်။ ၀န္ဒာမိ၊ ရှိခိုးပါ၏။
၃။ တေန ပုညေန၊ ထိုကုသိုလ်ကောင်းမှုကြောင့်။ မမ၊ တပည့်တော်၏။ သုပ္ပတိဋ္ဌိတော၊ နေရာအလုပ် ရာထူးတို့ ခိုင်မြဲတည်ရှိခြင်းသည်။ ဟောတု၊ ဖြစ်ပါစေသတည်း။

ရွှေပေါ်ကျွန်းဆရာတော်
##########

ခုချိန်က နေရာတိုင်းမှာ စီးပွားရေးကပ်ကြောင့် အလုပ်နေရာတွေ အခက်အခဲဖြစ်နေကြပါတယ် .. သတင်းတွေကလည်း အစုံပါပဲ .. တစ်ချို့ အလုပ်တွေ နားကြတယ် .. တစ်ချို့ လူတွေလျှော့ကြတယ် .. တစ်ချို့ လခတွေ လျှော့ကြတယ် .. ကိုယ့်အလှည့်ရော ဘယ်တော့လဲဆိုပြီး စောင့်နေရတဲ့ အခြေအနေပါ ..

ဒီဂါထာက အစ်မတစ်ယောက်ကို ဘုန်းဘုန်းတစ်ပါးက ဓမ္မဒါနအဖြစ် ပေးလိုက်တာဖြစ်ပါတယ် .. ကျွန်မတို့ ဗုဒ္ဓဘာသာဝင်တွေအတွက်က ကိုးကွယ်ရာဆိုတာ ဘုရားမှတစ်ပါး အခြားမရှိပါဘူး .. ကျွန်မတို့လို ရပ်ဝေးမှာ မိဝေး ဖဝေးနေထိုင်ရသူတွေအတွက် ပိုလိုအပ်ပါတယ် .. လိုအပ်သူတွေ လိုအပ်သလို အသုံးပြုနိုင်ဖို့ရည်ရွယ်ပြီး ခုလိုတင်လိုက်တာပါ .. ရပ်ဝေးက မိတ်ဆွေအပေါင်း အလုပ်အကိုင်တွေ အဆင်ပြေကြပါစေ ..

မိုးခါး

နှစ်သက်မယ်ထင်မိတာလေးတွေ

Related Posts Plugin for WordPress, Blogger...