Sunday, February 19, 2012

အလွဲများနဲ့ အသက်မ၀တ၀

နဲနဲမကဘူး
အလွဲတွေက များတယ် ...။

အချိန်တွေ လွဲ
နေရာတွေ လွဲ
အသက်ရှူတွေလည်း လွဲ ...။

စာသင်ခန်းထဲက ကလေး
လမ်းဘေးရောက်တယ်
အမှိုက်ကောက်တယ် ...။

တက္ကသိုလ်က မိန်းကလေး
ဘားရောက်တယ်
ကာရာအိုကေခန်းရောက်တယ် ...။

အရွယ်အရ တက်ကြွနေရမယ့် လူငယ်လေး
မျှော်လင့်ချက်မဲ့
မျက်ဝန်းတွေ အရောင်မဲ့ ...။

အဖိုး အဖွားတို့
တရားနဲ့ မျက်နှာချင်းဆိုင် ထိုင်နေရမယ့် အချိန်
လမ်းဘေးဈေးရောင်း ၀မ်းစာရှာရတယ် ...။

အသက်ရှင်မှုအတွက် ရုန်းကန်
လေထုတွေ နေရာလွဲသလား
အသက်ရှူရ မ၀ တ၀ရယ် ...။

ဘယ်မှာလဲ
ငါတို့ရဲ့ အိမ်မက်
ဘယ်မှာလဲ
ငါတို့ရဲ့ မျှော်လင့်ချက်
ဘယ်မှာလဲ
ငါတို့ရဲ့ တန်ရာ တန်ကြေး ...။

ပျောက်ဆုံးမှုတွေ လိုက်ရှာ
အချိန်တွေတော့ လျော့လိုက်လာတယ်
ငွေ့ငွေ့လေးပဲ လေကိုရှူသွင်းလိုက် ရှူထုတ်လိုက်
မှန်းဆ ရမ်းဆ လှမ်းလိုက်
စမ်းတ၀ါးဝါးလမ်းတွေ များဆဲ ...။

ဘယ်မှာလဲ
ဘယ်တော့လဲ
ဘယ်လောက်ကြာဦးမလဲ ...။

နှစ်သက်မယ်ထင်မိတာလေးတွေ

Related Posts Plugin for WordPress, Blogger...