နှစ်သစ်ဆုတောင်း

တန်ခူးလေကို ရှုရှိုက်ရင်း သင်္ကြန်ရဲ့ အငွေ့အသက်တွေကို ထိတွေ့ မခံစားလိုက်ရပေမယ့် လက်ပြနှုတ်ဆက်နေသလို ခံစားရတယ် .. သင်္ကြန်ချိန်ကတော့ လာချိန်တန်လို့ လာခဲ့ပြီး ပြန်ချိန်တန်တော့လည်း ပြန်သွားခဲ့ပြီ ..
ပိတောက်တွေလည်း ဝေပြီးလို့ ကြွေကြပြီ ..

ပြီးခဲ့တဲ့ အချိန်တွေကို လက်ပြနှုတ်ဆက်ပြီး ရှေ့ဆက်မယ့်အနာဂတ်ကို ကြိုဆိုလက်ခံလိုက်မယ် ..

မြန်မာခုနှစ် သက္ကရာဇ်တခုကို နောက်ချန်ပြီး နှစ်သစ်ကို ခြေဦးလှည့်ခဲ့ပြီ .. နှစ်သစ်မှာ မိတ်ဆွေ သူငယ်ချင်း ချစ်သူ ခင်သူအားလုံး ကိုယ်စိတ်နှစ်ဖြာကျန်းမာချမ်းသာပြီး လိုအင်ဆန္ဒတွေ ပြည့်စုံပါစေလို့ ဆုတောင်းပေးလိုက်ပါတယ် .. ပျော်ရွှင်စရာနှစ်သစ်လေးမှာ ဆန္ဒတွေလည်း ကိုယ်စီ ပြည့်စုံနိုင်ပါစေ .. ခုလက်ရှိ လုပ်နေတဲ့ ကောင်းမှုတွေထက် ပိုမို မွန်မြတ်တဲ့ ကုသိုလ်ကောင်းမှုတွေလည်း ပြုခွင့်တွေ့ကြုံကြပါစေ ..

ရန်ကုန်မှာကလည်း သတင်းတွေကြားနေသေးတယ် .. မုန်တိုင်းဝင်ဦးမယ်တဲ့ .. မြန်မာနိုင်ငံသူ နိုင်ငံသားအားလုံးလည်း ဘေးအန္တရယ်ကင်းရှင်းကြပါစေလို့ ဒီကပဲဆုတောင်းနေလိုက်ပါတယ် ..