Wednesday, June 17, 2009

အရှိအတိုင်း


အရှုံးကို မလိုချင်ခဲ့သူ
ကိုယ့်ကိုကိုယ် ကာကွယ်ရင်းနဲ့
သူများကို သံသယထားတတ်လာတယ်

အမြဲတမ်း
ပြောင်းလဲနိုင်တဲ့သဘောကို
စိတ်ထဲအမြဲထည့်ထားရင်း
အရာရာကို ပေါ့ပျက်ပျက် ခံစားတတ်လာတယ်

ခံစားချက်တိုင်းကို ဖော့လို့
ခံစားမှုတွေကို
လစ်လျှူရှုတတ်လာတယ်

နာမှာကြောက်တတ်သူပီပီ
သူများပြောင်းလဲချိန်မှာ
ကိုယ်ပြောင်းလဲနိုင်ဖို့
အဆင်သင့်ပြင်တတ်ခဲ့တယ်

ကိုယ့်ကိုကိုယ်သိပ်ချစ်တတ်သူတယောက်အဖြစ်
အားလုံးက သတ်မှတ်လိမ့်မယ်

အရာရာဟာ
အရေးမကြီးခဲ့ဘူး
မဖြစ်နိုင်ဘူးဆိုတာမရှိဘူးလေ
ကိုယ့်စိတ်ကိုယ်ပိုင်
ကိုယ်လမ်းကိုယ်ရွေးနိုင်ရမှာပေါ့

နောက်ကြောင်းပြန်
လှည့်မကြည့်နဲ့
ကိုယ့်အတ္တအတိုင်းပဲ
ရှိစေတော့မယ်

အတိတ်ကိုလည်း မလွမ်းချင်ဘူး
အနာဂတ်ကိုလည်း တွေးမပူချင်ဘူး
အရှိကို အရှိအတိုင်း
ငါ .. ရိုးရိုးလေးပဲကြည့်မယ်

သောကြာနေ့က ရုံးခန်းအသစ်ပြောင်းပါတယ် .. ရုံးခန်းက ကျဉ်းတဲ့အပြင် နောက်တည့်တည့်မှာ လူကြီးသုံးယောက် စီထိုင်ပါတယ် .. ဘေးနားကပ်ရပ်မှာလဲ လူလေးတယောက်ပါ .. ခုတော့ သူတို့ဆိုက်သွားတုန်း အလစ်မှာ ခိုးပြီး ဘလော့ဂင်းလိုက်တယ် .. ၀ါသနာကိုး .. :D



နှစ်သက်မယ်ထင်မိတာလေးတွေ

Related Posts Plugin for WordPress, Blogger...